WTC Final Live: మెరుపు సెంచరీతో అదరగొట్టాడు. తీవ్ర ఒత్తిడి సమయంలో బ్యాటింగ్‌కు దిగిన ఈ ప్రొటీస్ ప్లేయర్.. అజేయ సెంచరీతో జట్టును విజయానికి చేరువ చేశాడు. ఈ మ్యాచ్‌లో తొలి ఇన్నింగ్స్‌లో డకౌట్ అయిన ఎయిడెన్ మార్‌క్రమ్‌.. రెండో ఇన్నింగ్స్‌లో మాత్రం అదరగొట్టాడు. 159 బంతుల్లో 102 పరుగులతో నాటౌట్‌గా నిలిచిన పలు రికార్డ్స్‌ను తన పేరిట లిఖించుకున్నాడు. తన కెరీర్‌లోనే అతడు ఆడిన గొప్ప ఇన్నింగ్స్‌గా ఇది నిలిచిపోతుందని చెప్పొచ్చు. కీలక దశలో సౌతాఫ్రికా తరఫున అద్భుత ఇన్నింగ్స్‌తో ఆకట్టుకున్నాడు.డబ్ల్యూటీసీ ఫైనల్‌లో సెంచరీ చేసిన మూడో బ్యాటర్..కాగా ప్రస్తుతం జరుగుతున్న మూడోది. తొలిసారి భారత్, న్యూజిలాండ్ జట్లు తలపడ్డాయి. స్వల్ప స్కోర్లు నమోదైన ఆ మ్యాచ్‌లో ఒక్క సెంచరీ కూడా నమోదు కాలేదు. ఇక భారత్- ఆస్ట్రేలియా జట్ల మధ్య జరిగిన చేశారు. తాజాగా ఆస్ట్రేలియాపై మూడంకెల మార్కు అందుకున్న ఎయిడెన్ మార్‌క్రమ్‌.. డబ్ల్యూటీసీ ఫైనల్‌లో సెంచరీ చేసిన మూడో ప్లేయర్‌గా నిలిచాడు. అయితే స్మిత్, హెడ్‌లు తొలి ఇన్నింగ్స్‌లోనే సెంచరీ చేయగా.. ఎయిడెన్ మార్‌క్రమ్‌ మాత్రం నాలుగో ఇన్నింగ్స్‌లో ఈ ఫీట్ సాధించాడు. ఇక తొలి ఇన్నింగ్స్‌లో డకౌట్ అయిన ఈ ప్రొటీస్ ప్లేయర్.. తన రెండో ఇన్నింగ్స్‌లో శతకం సాధించడం ద్వారా మరో రికార్డు సాధించాడు. లార్డ్స్‌లో నాలుగో ఇన్నింగ్స్‌లో సెంచరీ చేసిన ఆరో విదేశీ ప్లేయర్‌గా నిలిచాడు. మొత్తంగా 9వ బ్యాటర్‌గా తన పేరు లిఖించుకున్నాడు. ఇంగ్లాండ్ గడ్డపై టెస్టుల్లో కనీసం ఒక వికెట్ తీసి.. సెంచరీ చేసిన నాలుగో దక్షిణాఫ్రికా ప్లేయర్‌గాను ఎయిడెన్ మార్‌క్రమ్‌ నిలిచాడు. అంతకుముందు ఈ జాబితాలో బ్రూస్ మిచెల్ (1935), గ్రేమ్ పొలాక్ (1965), జాక్వస్ కల్లిస్ (1998, 2012) ఈ ఫీట్ సాధించారు.ఇక డబ్ల్యూటీసీ ఫైనల్‌లో దక్షిణాఫ్రికా విజయానికి చేరువైంది. 282 పరుగుల లక్ష్యంతో బరిలోకి దిగిన ఆ జట్టు మూడో రోజు ఆట ముగిసే సమయానికి 2 వికెట్లకు 213 పరుగులు చేసింది. ఎయిడెన్ మార్‌క్రమ్ (102), టెంబా బవుమా (65) క్రీజులో ఉన్నారు. ఆ జట్టు విజయానికి ఇంకా 69 పరుగులు అవసరం. 1998లో ఛాంపియన్స్ ట్రోఫీ నెగ్గిన సౌతాఫ్రికా.. మరో ఐసీసీ టైటిల్ గెలవలేకపోయింది. ఇప్పుడు గెలిస్తే రెండో టైటిల్ దక్కించుకుంటుంది.