. సౌతాఫ్రికా - ఆస్ట్రేలియా జట్ల మధ్య పోరు హోరాహోరీగా జరుగుతోంది. ముఖ్యంగా తొలి రోజు పిచ్ బౌలర్లకు అనుకూలించడంతో . టాస్ గెలిచిన సౌతాఫ్రికా జట్టు ఆస్ట్రేలియాను బ్యాటింగ్‌కు ఆహ్వానించింది. సఫారీ పేసర్లు రబడా, మార్కో యాన్సన్ దెబ్బకు ఆసీస్ త్వరగానే వికెట్లు కోల్పోయింది. అయితే కెప్టెన్ టెంబా మిస్టేక్‌తో ఆస్ట్రేలియాను 150 పరుగుల లోపే కట్టడి చేసే గోల్డెన్ ఛాన్స్‌ను సౌతాఫ్రికా మిస్ చేసుకుంది. రబడా, యాన్సన్ పేస్ దెబ్బకు ఆస్ట్రేలియా 67 పరుగులకే నాలుగు కీలక వికెట్లు కోల్పోయింది. ఖ్వాజా, గ్రీన్, లబుషేన్, హెడ్‌ను తక్కువ పరుగులకే పెవిలియన్‌కు పంపారు. ఆ తర్వాత క్రీజులోకి వచ్చిన వెబ్ స్టర్ సౌతాఫ్రికాకు పెద్ద తలనొప్పిలా మారాడు. 92 బంతులు ఆడిన వెబ్‌స్టర్ 11 ఫోర్లతో 72 పరుగులు బాదాడు. ఎత్తు ఎక్కువగా ఉండటంతో సులభంగా బంతిని బౌండరీల వైపు మళ్లించాడు. ఆస్ట్రేలియా ఇన్నింగ్స్ 29వ ఓవర్‌లో సౌతాఫ్రికా ఓ గోల్డెన్ ఛాన్స్‌ను మిస్ చేసుకుంది. హెడ్ తర్వాత క్రీజులోకి వచ్చిన వెబ్ ‌స్టర్ వికెట్‌ను కెప్టెన్ బవుమా మిస్టేక్‌‌తో మిస్ చేసుకుంది. అప్పుడు వెబ్ స్టర్ 13 బంతుల్లో 8 పరుగులు మాత్రమే చేశాడు. కగిసో రబడా వేసిన ఆ ఓవర్‌లో రెండో బంతిని వెబ్ స్టర్ ఆపే ప్రయత్నం చేయగా.. అది ప్యాడ్స్‌కి తగిలింది. బౌలర్‌తో పాటు కీపర్ కూడా అప్పీల్ చేశారు. కానీ అంపైర్ నాటౌట్‌గా ప్రకటించాడు. బంతి అవుట్ సైడ్ పిచ్‌ మీద పడి స్వింగ్ అయ్యి నేరుగా వికెట్ల వైపు వెళ్లింది. కానీ కెప్టెన్ బవుమా డీఆర్ఎస్ తీసుకోవడంలో తటపటాయించాడు. ఆ తర్వాత డీఆర్ఎస్‌ను చెక్ చేయగా.. బంతి నేరుగా మిడిల్ వికెట్‌కు వెళ్లినట్లు చూయించింది. బ్యాట్ కూడా బంతికి తగలకపోవడంతో అవుట్‌గా కనిపించింది. ఆ సమయంలో సౌతాఫ్రికా రివ్యూకి వెళ్లుంటే ఆస్ట్రేలియా 150 పరుగుల లోపే ఆలౌట్ అయ్యుండేది. వెబ్ స్టర్ 72 పరుగులతో పాటు చాలా సేపు క్రీజులో మరో వికెట్ పడకుండా కాపాడాడు. స్టీవ్ స్మిత్, వెబ్ స్టర్ మినహా మిగతా బ్యాటర్లు ఎవ్వరూ రాణించలేదు. టేలెండర్స్ మొత్తం సింగిల్ డిజిట్‌కే పెవిలియన్ బాట పట్టారు.