: .. యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) మరోసారి శుభవార్త చెప్పింది. ఉచితంగా ఆన్‌లైన్‌లో ఆధార్ డాక్యుమెంట్లను అప్‌లోడ్ చేసుకునే గడువును జూన్ 14, 2025 నుంచి.. జూన్ 14, 2026 వరకు పొడిగించింది. ఈ నిర్ణయంతో దేశవ్యాప్తంగా కోట్లాది మంది ఆధార్ కార్డుదారులకు పెద్ద ప్రయోజనం చేకూరుతుంది. ఈ ఉచిత సేవ ద్వారా మాత్రమే అందుబాటులో ఉంటుంది. యూఐడీఏఐ తన X (గతంలో ట్విట్టర్) ఖాతాలో ఈ విషయాన్ని ప్రకటిస్తూ, "UIDAI ఉచిత ఆన్‌లైన్ డాక్యుమెంట్ అప్‌లోడ్ సౌకర్యాన్ని జూన్ 14, 2026 వరకు పొడిగించింది. ఇది కోట్లాది మంది ఆధార్ నంబర్ హోల్డర్‌లకు ప్రయోజనం చేకూరుస్తుంది. ప్రజలు తమ ఆధార్‌లోని డాక్యుమెంట్‌లను అప్‌డేట్ చేయాలని UIDAI ప్రోత్సహిస్తోంది" అని పేర్కొంది.ఆధార్‌ను ఎందుకు అప్‌డేట్ చేయాలి? ఎవరు అప్‌డేట్ చేయాలి?ఆధార్ డేటాబేస్ ఎప్పుడూ తాజా, సరైన సమాచారంతో ఉండేలా చూసుకోవడానికి యూఐడీఏఐ, ఆధార్ కార్డుదారులు తమ గుర్తింపు రుజువు, చిరునామా రుజువు డాక్యుమెంట్లను ఆన్‌లైన్‌లో అప్‌డేట్ చేసుకోవడానికి అనుమతిస్తుంది. పెళ్లి, నివాసం మార్పు లేదా ఇతర కారణాల వల్ల వివిధ డాక్యుమెంట్లలో మీ వివరాలు మారిన వారికి ఇది చాలా ఉపయోగపడుతుంది.ముఖ్యంగా, పదేళ్ల క్రితం ఆధార్ పొందిన వారు, అప్పటి నుంచి తమ డాక్యుమెంట్లను అప్‌డేట్ చేయని వారు తప్పకుండా అప్‌డేట్ చేసుకోవాలని UIDAI సూచించింది. అలాగే, పేరు, చిరునామా లేదా ఇతర వివరాలు మారిన వారు కూడా అప్‌డేట్ చేసుకోవడం చాలా ముఖ్యం. గతంలో ఈ ఆన్‌లైన్ సేవకు రూ. 50 రుసుము ఉండేది. ఇప్పుడు ఈ ఛార్జీలను యూఐడీఏఐ రద్దు చేసింది. అయితే, ఆధార్ అప్‌డేట్ సెంటర్లకు వెళ్లి ఆధార్‌ను అప్‌డేట్ చేసుకుంటే మాత్రం ఇప్పటికీ రుసుము చెల్లించాల్సి ఉంటుంది.ఆన్‌లైన్‌లో ఉచితంగా ఆధార్ వివరాలను ఎలా అప్‌డేట్ చేయాలి?ఈ ఉచిత సేవను పొందడానికి ఏం చేయాలో చూద్దాం.ముందుగా , మీ ఆధార్ నంబర్, రిజిస్టర్డ్ మొబైల్ నంబర్‌కు వచ్చిన వన్-టైమ్ పాస్‌వర్డ్ (OTP) ఉపయోగించి లాగిన్ అవ్వండి.మీ ప్రొఫైల్‌లోని మీ గుర్తింపు (ఐడెంటిటీ), అడ్రస్ వివరాలను సరిచూసుకోండి.ప్రొఫైల్‌లో చూపిన వివరాలు సరైనవని భావిస్తే, 'I verify that the above details are correct' అనే ట్యాబ్‌పై క్లిక్ చేయండి.మీరు సమర్పించాలనుకుంటున్న గుర్తింపు పత్రాన్ని డ్రాప్-డౌన్ మెనూ నుంచి ఎంచుకోండి.మీ గుర్తింపు పత్రాన్ని (ఐడెంటిటీ డాక్యుమెంట్) అప్‌లోడ్ చేయండి. ఫైల్ 2 MB కంటే తక్కువ పరిమాణంలో ఉండాలి, ఫైల్ ఫార్మాట్ JPEG, PNG లేదా PDF అయ్యి ఉండాలి.మీరు సమర్పించాలనుకుంటున్న అడ్రస్ ప్రూఫ్ డ్రాప్-డౌన్ మెనూ నుంచి ఎంచుకోండి.మీ అడ్రస్ డాక్యుమెంట్ అప్‌లోడ్ చేయండి. ఇక్కడ కూడా ఫైల్ 2 MB కంటే తక్కువ పరిమాణంలో, ఫార్మాట్ JPEG, PNG లేదా PDF అయ్యి ఉండాలి.ఇప్పుడు మీ ఆధార్ అప్‌డేట్ ప్రక్రియ విజయవంతంగా పూర్తయినట్లే! మీరు అక్‌నాలెడ్జ్‌మెంట్ రసీదును డౌన్‌లోడ్ చేసుకుని, భవిష్యత్ అవసరాల కోసం సేవ్ చేసుకోవచ్చు. ముఖ్య గమనిక: మీ మొబైల్ నంబర్, ఇమెయిల్ అడ్రస్, బయోమెట్రిక్స్ (వేలిముద్రలు, కనుపాపలు) లేదా ఫోటో వంటి వివరాలను అప్‌డేట్ చేయాలంటే, మీరు దగ్గర్లోని ఆధార్ ఎన్‌రోల్‌మెంట్/అప్‌డేట్ సెంటర్‌ను సందర్శించి, నిర్దేశించిన ఛార్జీలు చెల్లించాల్సి ఉంటుంది. ఈ ఉచిత డాక్యుమెంట్ అప్‌డేట్ సేవ myAadhaar పోర్టల్ ద్వారా మాత్రమే లభిస్తుంది. జూన్ 14, 2026 వరకు మాత్రమే ఉచితం. ఈ గడువు తర్వాత, మళ్లీ సాధారణ ఛార్జీలు వర్తిస్తాయి.