Onsdag morgon er det stengt for togtrafikk på strekninga Evanger-Dale, melder Vy. Dette skuldast feil på sporet og Bane Nor jobbar med å retta feilen.– Det er teknisk feil på ei bru. Det er all informasjonen eg har per no. Men me jobbar for å retta feilen, opplyser pressevakta i Bane Nor rett før klokka 06.00.Det er varsla ny informasjon klokka 10.00.Stenginga råkar fleire avgangar og framkomstar til og frå Bergen. Mellom anna er toget til Oslo S, som skulle gått 06.21, innstilt. Dessutan er fleire avgangar frå Voss til Bergen innstilt.«Me køyrer bussar i skytteltrafikk mellom Dale, Bolstadøyri og Evanger. Me har bestilt totalt 10 bussar. Akkurat no køyrer 0 på strekninga, medan 3 er på veg. Det er få tilgjengelege bussar, og det kan diverre ta lang tid før me får tak i fleire, » skriv Vy klokka 05.24.Kommunikasjonssjef Åge-Christoffer Lundeby i Vy seier stenginga er beklagelig. Og at det råkar tog.– Me oppdaterer appen fortløpande, men folk må berekna god tid. Bane Nor har varsla ny informasjon klokka 10, men det er lite som tydar på at feilen vil vera fiksa til då, seier han.Biletet visar tavla på Voss stasjon klokka 06.00.