సస్పెన్స్, క్రైమ్, థ్రిల్లర్ జానర్‌లకు ఎప్పుడూ ఓ సెక్షన్ ఆఫ్ ఆడియెన్స్ సపోర్ట్ ఉంటుంది. అలా అని సాదాసీదా క్రైమ్, థ్రిల్లర్‌లను తీస్తే జనాలు మెచ్చుకోరు. ఇక ఈ సైకో కిల్లర్ కాన్సెప్ట్‌ల మీద ఇప్పుడు వరుసగా చిత్రాలు వస్తున్నాయి. అన్నీ ఒకే ఫార్మాట్‌లో ఉంటున్న సంగతి తెలిసిందే. మరి ఇప్పుడు ‘’ అంటూ ఓటీటీలోకి వచ్చారు. ‘లెవెన్’ మూవీ తమిళ, తెలుగు భాషల్లో థియేట్రికల్ పరంగా అంత ప్రభావం చూపించలేదు. మరి ఓటీటీలో ఈ ‘లెవెన్’ ఏ మేరకు ఇంపాక్ట్ క్రియేట్ చేస్తుందో చూడాలి.కథసిటీలో ఐపీఎస్ అరవింద్ (నవీన్ చంద్ర) స్మార్ట్ పోలీస్ ఆఫీసర్‌గా క్రైమ్‌ను కట్టడి చేస్తుంటారు. ఇక వరుస హత్యల కేసుని మరో ఐపీఎస్ రంజిత్ (శశాంక్)కి అప్పగిస్తారు. కానీ అతను మాత్రం ఆ సైకోని పట్టుకోలేకపోతాడు. ఇంతలో అతడికి ఓ యాక్సిడెంట్ అవుతుంది. దీంతో ఆ కేసుని అరవింద్‌కు అప్పగిస్తారు. అసలు ఎలాంటి క్లూ లేకుండా సాగుతున్న ఈ హత్యల్ని, చేసిన ఆ సైకోని అరవింద్ ఎలా కనిపెడతాడు? ఈ సైకోకి ట్విన్ బర్డ్స్ స్కూల్‌కి ఉన్న కనెక్షన్ ఏంటి? బెంజిమెన్‌కు జరిగిన అన్యాయం ఏంటి? 11 మంది కవలలకు ఈ కథకి ఉన్న లింక్ ఏంటి? చివరకు అరవింద్ సైకోని పట్టుకుంటాడా? రంజిత్‌కు యాక్సిడెంట్ ఎలా జరిగింది? ఎవరు చేశారు? ఈ కథలో ఎస్సై మనోహర్ (దిలీపన్), అంజన/సంజన (రేయా హరి) పాత్రలు ఏంటి? అన్నది చూడాల్సిందే.సైకో, క్రైమ్, సస్పెన్స్, థ్రిల్లర్ చిత్రాలకు ఓ ఫార్మాట్ ఉంటుంది. ఫస్ట్ హాఫ్ అంతా కూడా ఎవ్వరూ పట్టుకోలేని ఓ సైకో వరుసగా హత్యలు చేసుకుంటూ వెళ్తారు. దాదాపు ఫస్ట్ హాఫ్‌లో అతడ్ని ఎక్కువగా చూపించరు. ఇక ఇంటర్వెల్‌కు ఇన్విస్టిగేషన్ ఊపందుకుంటుంది. సెకండాఫ్‌కు వచ్చే సరికి ప్రారంభంలోనే ఓ ముప్పై నిమిషాల వరకు సైకో మీద సింపతీ కలిగేలా ఓ ఫ్లాష్ బ్యాక్ ఉంటుంది.. జరిగిన అన్యాయం మీద పగ తీర్చుకునేందుకు ఇలా వరుసగా హత్యలు చేస్తుంటాడు. చివరకు ఆ సైకోని పోలీసులు పట్టుకుంటారు.. లేదా హతమార్చేస్తారు. ఇదే ఫార్మాట్‌ను అంతా నమ్ముకుంటున్నారు. ఇంకా అలాంటి పాయింట్, కాన్సెప్ట్‌తోనే చిత్రాలు తీస్తున్నారు.లెవెన్ మూవీ కూడా ఇందుకు మినహాయింపేమీ కాదు. సెకండాఫ్‌లో వచ్చే ఆ సైకో ఫ్లాష్ బ్యాక్ ఎపిసోడ్ అంత ఏమీ ఇంట్రెస్టింగ్‌గా, కొత్తగా అనిపించదు. సైకోలా మారడానికి చూపించే కారణం, చెప్పే పాయింట్లు, తెరకెక్కించే విధానం ఆడియెన్స్‌కి కనెక్ట్ అయితే రిజల్ట్ వేరేలా ఉంటుంది. అంతే కానీ ట్విస్టులు, టర్న్స్‌తోనే సినిమాను గట్టెక్కించలేం. ఈ సినిమాకు అదే మైనస్ అనిపిస్తుంది. సరైన ఎమోషనల్ ఎపిసోడ్స్ ఉండవు. కానీ ప్రీ క్లైమాక్స్, క్లైమాక్స్‌లో ఆడే ఆట, ఇచ్చే ట్విస్టులు మాత్రం మైండ్ బ్లాక్ అయ్యేలా ఉంటాయి.ఈ లెవెన్ చిత్రానికి ఏమైనా కొత్తదనం ఉందా? అంటే.. అది క్లైమాక్స్ అని మాత్రం చెప్పుకోవచ్చు. అసలు హంతకుడు ఇతడా? అని చూసే ఆడియెన్స్ మాత్రం షాక్ అవుతారు. రెగ్యులర్ మూవీ లవర్స్‌కి ఈ చిత్రం అంతగా నచ్చకపోవచ్చు కానీ.. నార్మల్ ఆడియెన్స్‌కి మాత్రం వావ్ అనిపించేలా ట్విస్టులు ఉంటాయి. క్లైమాక్స్ చూసి అంతా షాక్ అవుతారు. టెక్నికల్‌గానూ ఈ చిత్రం మెప్పిస్తుంది. విజువల్స్, ఆర్ఆర్ మూడ్‌కు తగ్గట్టుగా ఉంటుంది. ఎడిటింగ్ బాగుంటుంది. స్కూల్‌ మేట్స్ ఒకరినొకరు కూడా గుర్తు పట్టుకోలేరా? ఒక్కరితో అయినా కాంటాక్ట్‌లో ఉండరా? అనే చిన్న చిన్న లాజిక్‌లు వదిలేయాల్సిందే.నవీన్ చంద్ర యాక్టింగ్, పర్ఫామెన్స్ చూసి షాక్ అవ్వాల్సిందే. ఇలాంటి పాత్రలు నవీన్ చంద్రకు చాలా కొత్తగా, ఫ్రెష్‌గా అనిపిస్తాయి. శశాంక్‌కి ఓ మంచి పాత్ర దక్కింది. మనోహర్ కారెక్టర్ కూడా మెప్పిస్తుంది. హీరోయిన్‌గా రేయా హరి ఏ మాత్రం మెప్పించదు. లుక్స్ పరంగా, నటన పరంగా చాలా డల్‌గా, నీరసంగా అనిపిస్తుంది. అసలు హీరోయిన్ మెటీరియల్ కాదేమో అన్న అభిప్రాయం కలుగుతుంది. నిర్మాత కూడా ఆమె కావడంతో హీరోయిన్ పాత్రను పోషించినట్టుగా అనిపిస్తుంది.లెవెన్ అందరినీ ఆశ్చర్యపరచకపోయినా.. కొందరి అయినా వావ్ అనిపించేలా చేస్తుంది. సినిమా చూసిన తరువాత టైం వేస్ట్ అన్న ఫీలింగ్ అయితే కలిగించకపోవచ్చు.