Continúan as alegrías no combinado español durante a celebración dos Campionatos do Mundo Multideporte de Tríatlon que se están a celebrar en Pontevedra. Se o sábado Cristina Jiménez-Orta proclamábase campioa do mundo de dúatlon júnior en solitario, este domingo volveuno a facer xunto a Manuel Prada na remuda mixta 2x2, modalidade que consiste en turnarse dúas veces até completar dous dúatlons de curta distancia. A sevillana e o valenciano mantivéronse en todo momento na cabeza de carreira xunto aos italianos Licia Ferrari e Emiliano Tassinari, pero foi Prada o que cruzou a liña de meta en primeira posición ao lograr manter o liderado na última volta. O seu traballo, combinado co de Jiménez-Orta, que concluíu a súa última remuda cunha lixeira vantaxe ante a italiana, permitiu aos españois proclamarse campións do mundo júnior en Pontevedra cun tempo de 01:11:47. Segundos e terceiros foron os italianos (01:12:08 e 01:14:59). GEMMA FRIJOLA E JAVIER MARTÍN, NOVENOS Na mesma modalidade, pero na categoría absoluta, a parella española formada por Gemma Frijola e Javier Martín finalizou en novena posición. Remudas mixtas elite e júnior de dúatlon no Multisport 2025Cristina Saiz O podio formárono os franceses, en primeira e segunda praza, e os italianos. Consulta os resultados neste enlace [galleries:vertical:10530]