: రిటర్నులు ఫైలింగ్ చేసేందుకు ట్యాక్స్ పేయర్లు సిద్ధమవుతున్నారు. అయితే, వారికి ప్రారంభంలోనే అడ్డంకులు ఏర్పడుతున్నాయి. ఆదాయపు పన్ను శాఖ ఇంకా ఐటీఆర్-2, ఐటీఆర్-3 వంటి ఐటీఆర్ ఫామ్స్ కోసం యుటిలిటీలను విడుదల చేయలేదు. అయితే ఐటీఆర్-1, ఐటీఆర్-4 ఆఫ్‌లైన్, ఆన్‌లైన్ యుటిలిటీలను మాత్రమే విడుదల చేసింది. రిటర్న్‌ల దాఖలుకు చివరి తేదీ సెప్టెంబర్ 15, 2025 వరకు పొడిగించినప్పటికీ, మిగిలిన ఫారాల యుటిలిటీ విడుదల కోసం పన్ను చెల్లింపుదారులు ఆసక్తిగా ఎదురుచూస్తున్నారు. ఐటీఆర్-2, ఐటీఆర్-3 యుటిలిటీలను వెంటనే అందుబాటులో ఉంచాలని పలువురు పన్ను చెల్లింపుదారులు సోషల్ మీడియా వేదికగా కోరుతున్నారు. ఎక్సెల్ యుటిలిటీల విడుదల గడువుపై ఆదాయపు పన్ను శాఖ ఎందుకు మౌనం వహిస్తోందని చార్టర్డ్ అకౌంటెంట్లు సైతం ప్రశ్నిస్తున్నారు. కేంద్ర ప్రత్యక్ష పన్నుల బోర్డు (CBDT) ఏప్రిల్ 29, 2025న ఐటీఆర్-1, ఐటీఆర్-4లను విడుదల చేసింది. ఐటీఆర్-1 (సహజ్): ఈ ఫారం భారతదేశంలో నివసిస్తున్న వ్యక్తులు, వారి ఆదాయం రూ. 50 లక్షల వరకు ఉండి, జీతం, ఒక ఇంటి ఆస్తి, ఇతర వనరుల నుంచి ఆదాయం ఉన్న వారి కోసం తీసుకువచ్చారు. ఈ ఏడాది నుంచి సెక్షన్ 112A కింద రూ. 1.25 లక్షల వరకు దీర్ఘకాలిక మూలధన లాభాలు, రూ. 5,000 వరకు వ్యవసాయ ఆదాయం పొందుతన్న వారు సైతం ఐటీఆర్ 1 ఫామ్ ఉపయోగించాల్సి ఉంటుంది. ఐటీఆర్-4 (సుగమ్): వారి మొత్తం ఆదాయం రూ. 50 లక్షల వరకు ఉండి, సెక్షన్ 44AD, 44ADA లేదా 44AE కింద వ్యాపారం లేదా వృత్తిపరమైన ఆదాయాన్ని పొందుతున్న వారు ఈ ఫారం ఉపయోగించాలి. ఇందులో కూడా, సెక్షన్ 112A కింద రూ. 1.25 లక్షల వరకు దీర్ఘకాలిక మూలధన లాభాలు అనుమతిస్తారు. ఐటీఆర్ ఫైలింగ్ ప్రాసెస్మీ యూజర్ ID (PAN)తో ఆదాయపు పన్ను పోర్టల్‌లో లాగిన్ కావాలి.'ఈ-ఫైల్' ట్యాబ్‌కు వెళ్లాలి. అందులో 'ఆదాయపు పన్ను రిటర్న్‌లు, ఫైల్ ఇన్కమ్ టాక్స్ రిటర్న్‌పై క్లిక్ చేయాలి.మీరు ఆర్థిక సంవత్సరం 2024-25 కోసం రిటర్న్‌లను దాఖలు చేస్తుంటే 'అసెస్మెంట్ సంవత్సరం 2025-26'ని ఎంచుకోవాలి.మీకు వర్తించే విధంగా వ్యక్తిగత, HUF లేదా ఇతరులను ఎంచుకోవాలి.మీ ఆదాయ వనరులను బట్టి మీకు ఏ ఐటీఆర్ ఫారం సరిపోతుందో ఆధారపడి ఉంటుంది. ఉదాహరణకు, మీ ఆదాయంలో మూలధన లాభాలు ఉంటే, కానీ వ్యాపారం లేదా వృత్తి ఆదాయం లేకపోతే, ఐటీఆర్-2 మీకు అనుకూలంగా ఉంటుంది.మీ వ్యక్తిగత వివరాలలో చాలా వరకు (PAN, ఆధార్, పేరు, పుట్టిన తేదీ, బ్యాంక్ వివరాలు మొదలైనవి) ఇవ్వాలి. ఈ వివరాలను జాగ్రత్తగా చెక్ చేయాలి. మీ ఆదాయం, మినహాయింపులు, తగ్గింపుల గురించి సరైన సమాచారాన్ని ఇవ్వాలి. ఏదైనా పన్ను బకాయి ఉంటే, దానిని చెల్లింపు ద్వారా జమ చేయాలి.ఈ-వెరిఫై ఐటీఆర్ఐటీఆర్ ఫైలింగ్‌లో ముఖ్యమైన దశ ఈ-వెరిఫికేషన్. రిటర్న్ దాఖలు చేసిన 30 రోజుల్లోపు ధృవీకరించడం తప్పనిసరి, లేకుంటే మీరు రిటర్న్ దాఖలు చేయనట్లుగా పరిగణిస్తారు. ఆధార్ OTP, ఈ-వెరిఫికేషన్ కోడ్ (EVC), నెట్ బ్యాంకింగ్ లేదా ఐటీఆర్-Vi సెంట్రల్ ప్రాసెసింగ్ సెంటర్ (CPC) వంటివి ఉపయోగించవచ్చు.