لوک سبھا میں حزب اختلاف کے قائد اور رائے بریلی سے کانگریس رکن پارلیمنٹ راہل گاندھی نے 21 فروری کو رائے بریلی واقع ماڈرن ریل کوچ فیکٹری کا دورہ کیا تھا۔ اس دوران انھوں نے فیکٹری افسران اور ملازمین سے ملاقات کی تھی۔ ریلوے کے جنرل منیجر کے ساتھ ان کی میٹنگ تقریباً ساڑھے تین گھنٹے تک چلی تھی۔ آج راہل گاندھی نے اس ملاقات کی ایک مختصر ویڈیو اپنے سوشل میڈیا پلیٹ فارم ’ایکس‘ پر شیئر کی ہے۔ ساتھ ہی انھوں نے یہ سوال اٹھایا ہے کہ کیا ہماری ریلوے واقعی اکیسویں صدی کے لیے تیار ہے؟कल रायबरेली में मॉडर्न कोच फैक्ट्री के अधिकारियों और कर्मचारियों के साथ बातचीत के दौरान एक महत्वपूर्ण सवाल उठा - क्या करोड़ों भारतीयों की यात्रा की रीढ़ हमारी रेलवे वाकई 21वीं सदी के लिए तैयार है?मौजूदा समय की ज़रूरतों को देखते हुए इसे और आधुनिक, सुरक्षित और सक्षम बनाने के… pic.twitter.com/sIEjqTajWF— Rahul Gandhi (@RahulGandhi) February 22, 2025اپنے پوسٹ میں راہل گاندھی نے لکھا ہے کہ ’’کل رائے بریلی میں ماڈرن کوچ فیکٹری کے افسران اور ملازمین کے ساتھ بات چیت کے دوران ایک اہم سوال اٹھا، کیا کروڑوں ہندوستانیوں کی یاترا کی ریڑھ ہماری ریلوے واقعی 21ویں صدی کے لیے تیار ہے؟‘‘ وہ آگے لکھتے ہیں کہ ’’موجودہ وقت کی ضرورتوں کو دیکھتے ہوئے اسے مزید جدید، محفوظ اور اہل بنانے کے لیے تیزی سے کوششیں کی جانی چاہئیں۔ ریلوے کو صرف سفر کا وسیلہ نہ مان کر پروڈکشن اور معیشت کے ایک مضبوط ستون کی شکل میں تیار کرنا ہوگا۔‘‘’بی جے پی حکومت روزگار دینے میں پوری طرح ناکام‘، راہل گاندھی نے رائے بریلی میں ریل کوچ فیکٹری کا لیا جائزہراہل گاندھی نے اس سوشل میڈیا پوسٹ میں یہ بھی لکھا ہے کہ ’’بیرون ملکی مشینوں، مینوفیکچرنگ اور اینوویشن پر منحصر ہونے کی جگہ ہمارا ہدف پوری طرح سے مقامی پروڈکشن سسٹم کو مضبوط بنانے پر ہونا چاہیے۔‘‘ ساتھ ہی وہ لکھتے ہیں کہ ’’ہمارے انجینئرس اور ٹیکنیشین رات دن محنت کرتے ہیں۔ اگر ان کی محنت کو صحیح سمت دی جائے اور وقت کی طلب کے مطابق سخت قدم اٹھائے جائیں تو ریلوے نہ صرف ٹرانسپورٹیشن میں بلکہ ہماری معیشت کو مضبوطی دینے میں بھی اہم کردار نبھا سکتا ہے۔‘‘