అప్ఘనిస్తాన్-ఇంగ్లండ్ మ్యాచ్ ఛాంపియన్స్ ట్రోఫీ అసలైన మజా చూయించింది. డూ ఆర్ డై మ్యాచ్‌లో ఇరు జట్లు పోటాపోటీగా తలపడ్డాయి. ఎవరూ ఊహించని విధంగా అప్ఘన్ బ్యాటర్లు ఇంగ్లండ్ బౌలింగ్‌ను చిత్తు చేశారు. ఆఖరి వరకూ ఇంగ్లండ్‌దే విజయం అనుకున్నా లాస్ట్‌లో మ్యాచ్ మొత్తం తిరిగిపోయింది. ఎట్టకేలకు ఇంగ్లండ్‌ను ఇంటికి పంపించి అప్ఘనిస్తాన్ సెమీస్ రేసులో నిలిచింది. లాహోర్ వేదికగా ఛాంపియన్స్ ట్రోఫీ గ్రూప్-బిలో జరిగిన మ్యాచ్‌లో ఇంగ్లండ్‌పై 8 పరుగుల తేడాతో అప్ఘనిస్తాన్ విజయం సాధించింది. కచ్చితంగా గెలవాల్సిన మ్యాచ్‌లో టాస్ గెలిచిన అప్ఘనిస్తాన్ జట్టు బ్యాటింగ్ ఎంచుకుని 325 పరుగులు చేసింది. అప్ఘన్ ఓపెనర్ ఇబ్రహీం జర్దాన్ 177 పరుగులతో రికార్డ్ ఇన్నింగ్స్ ఆడాడు. 326 పరుగుల లక్ష్యంతో బరిలోకి దిగిన ఇంగ్లండ్ జట్టు 317 పరుగులకు ఆలౌట్ అయింది. జో రూట్ 120 పరుగులతో పోరాడినా ఓటమి తప్పలేదు. ఆఖరి ఐదు ఓవర్లలో మ్యాచ్ మారిపోయిందిభారీ స్కోర్ ముందున్నా జో రూట్ క్రీజులో ఉండి ఇంగ్లండ్ జట్టులో ఆశలు నింపాడు. ఆఖరి ఐదు ఓవర్లలో మ్యాచ్ మొత్తం మారిపోయింది. 45 ఓవర్లకు ఇంగ్లండ్ స్కోర్ ఆరు వికెట్ల నష్టానికి 278 పరుగులు. క్రీజులో జో రూట్ 114 (108), జెమీ ఓవర్టన్ 21(20) ఉన్నారు.. లక్ష్యానికి 48 పరుగులు మాత్రమే కావాల్సి ఉంది. 25 బంతుల్లో 48 పరుగులు క్రీజులో రూట్, ఓవర్టన్ ఉండటంతో ఇంగ్లండ్ గెలుస్తుందని అందరూ అనుకున్నారు. 46వ ఓవర్‌లో అజ్మతుల్లా బౌలింగ్‌లో అప్పర్ కట్ కొట్టబోయి కీపర్ క్యాచ్‌గా అవుటయ్యాడు. ఆల్‌మోస్ట్ మ్యాచ్ చేజారిపోయింది ఇంగ్లండ్ అనుకున్నా ఓవర్టన్ తన బ్యాట్‌ పవర్ చూయించాడు. దానికి తోడు జోఫ్రా ఆర్చర్ కూడా వరుస ఫోర్లతో స్కోర్ బోర్డును పరుగులు పెట్టించారు. దాంతో ఆఖరి మూడు ఓవర్లకు అంటే 18 బంతులకు కేవలం 24 పరుగులు మాత్రమే చేయాల్సి వచ్చింది. అదే ఓవర్‌లో ఓవర్టన్ బౌండరీ బాదడంతో 16 బంతుల్లో 19 పరుగులు మాత్రమే కావాల్సి వచ్చింది. అజ్మతుల్లా వేసిన బంతిని సిక్సర్‌గా మార్చే ప్రయత్నంలో బౌండరీ దగ్గర ఓవర్టన్ దొరికిపోయాడు. దాంతో 48 ఓవర్లకు ఇంగ్లండ్ స్కోర్ 310/8. 49వ ఓవర్‌లో జోఫ్రా ఆర్చర్ కూడా అవుటవడంతో ఇక మ్యాచ్ ఇంగ్లండ్ వైపు నుంచి అప్ఘనిస్తాన్ వైపు వెళ్లింది. 49.5 ఓవర్లలో ఇంగ్లండ్ జట్టు 317 పరుగులకు ఆలౌట్ అయింది. దాంతో అప్ఘన్ 8 పరుగుల తేడాతో విజయం సాధించింది. అప్ఘనిస్తాన్ ఆల్‌రౌండర్ అజ్మతుల్లా ఓమ్జారీ ఐదు వికెట్లు తీసి హీరో ఆఫ్ ది మ్యాచ్ అయ్యాడు.