دہلی-این سی آر میں موسم کا مزاج پھر بدل گیا ہے۔ آسمان میں آج (جمعرات) صبح سے ہی بادل چھائے ہوئے ہیں۔ کئی جگہوں پر ہلکی بوندا باندی ہوئی ہے اور تیز ہوائیں بھی چل رہی ہیں۔ بارش کی وجہ سے زیادہ سے زیادہ درجہ حرارت میں گراوٹ درج کی گئی ہے۔ اس سے پہلے بدھ کو بھی صبح کے وقت پورے این سی آر میں بادل چھائے ہوئے تھے۔ وہیں گرمی بھی لگاتار بڑھتی جا رہی ہے۔ ایسے میں بوندا باندی نے موسم میں ٹھنڈک لا دی ہے۔اس سے قبل محکمہ موسمیات نے راجدھانی دہلی میں 27 اور 28 فروری کے لیے آسمان میں بادل چھائے رہنے اور آواز کے ساتھ ہلکی بارش کا امکان ظاہر کیا تھا۔ اس دوران 20 سے 30 کلومیٹر فی گھنٹے کی رفتار سے تیز ہوائیں چلنے اور زیادہ سے زیادہ درجہ حرارت 26 ڈگری اور کم سے کم درجہ حرارت 18 ڈگری سیلسیس کے آس پاس رہنے کا اندازہ لگایا گیا تھا۔ موسم ماہرین کے مطابق ویسٹرن ڈسٹربنس کی وجہ سے موسم میں تبدیلی آئی ہے۔ محکمہ موسمیات کے مطابق 2 مارچ سے شمال-مغربی ہند میں ایک نیا ویسٹرن ڈسٹربنس آنے کا امکان ہے۔غازی آباد میں جمعرات کو زیادہ سے زیادہ درجہ حرارت 4 ڈگری سیلسیس گراوٹ کے ساتھ 25 ڈگری سیلسیس درج کیا گیا۔ کم سے کم درجہ حرارت بھی 2 ڈگری نیچے آکر 15 ڈگری سیلسیس پہنچ گیا۔ صبح تقریباً 7:45 بجے سے ہی آواز کے ساتھ بوندا باندی شروع ہو گئی۔ حالانکہ ایک دن قبل بدھ کو زیادہ سے زیادہ درجہ حرارت 29 ڈگری سیلسیس پہنچ گیا تھا جس کے بعد گرمی محسوس ہو رہی تھی۔ رات میں بھی لوگوں کو سردی کا احساس نہیں ہوا۔موسم سائنس داں ڈاکٹر یو پی شاہی نے بتایا کہ جمعہ کو بھی آسمان میں بادل چھائے رہیں گے۔ کہیں کہیں بوندا بادی بھی ہو سکتی ہے۔ ادھر ہلکی بارش بعد کسانوں نے راحت کی سانس لی ہے۔ گیہوں کی فصل کے لیے یہ بوندا باندی کافی فائدہ مند بتائی جا رہی ہے۔