اسرائیلی خفیہ ایجنسی موساد کے سربراہ نے لبنان کے پیجر حملوں کے پیچھے حکمت عملی کا انکشاف کیا ہے۔موساد کے سربراہ ڈیوڈ بارنیا نے اسرائیلی میڈیا کے ذریعے کیے گئے تبصروں میں کہا کہ دو مہلک پیجر حملوں میں جن میں پچھلے سال ستمبر میں لبنان میں درجنوں افراد ہلاک اور ہزاروں زخمی ہوئے تھے، ویسا اثر نہ ہوتا اگر انہیں جنگ میں پہلے استعمال کر لیا جاتا۔17-18 ستمبر، 2024 کو، کم از کم 42 افراد ہلاک اور تقریباً 4,000 زخمی ہوئے، جن میں بہت سے شدید معذور بھی شامل تھے جب ان کے پیجر ڈیوائسز اور واکی ٹاکیز پھٹ گئے۔ان میں زیادہ تر حزب اللہ کے ارکان تھے۔تل ابیب میں ایک کانفرنس سے خطاب کرتے ہوئے برنیہ نے کہا کہ ستمبر میں حزب اللہ کے جنگجوؤں کی جانب سے ایک سال پہلے کے مقابلے میں 10 گنا زیادہ بیپر استعمال کیے گئے تھے۔برنیہ نے کہا کہ اسرائیل نے واکی ٹاکی کے استعمال سے حملے کی منصوبہ بندی شروع کی لیکن پھر 2022 کے آخر میں فیصلہ کیا کہ پیجرز کے ذریعے نشانہ بنایا جائے گا کیونکہ حزب اللہ کے جنگجوؤں اپنے جسم سے پیچرز منسلک رکھتے ہیں۔500 پیجرز کی پہلی کھیپ 7 اکتوبر 2023 کو حماس کی زیر قیادت حملے سے چند ہفتے قبل لبنان پہنچی۔خفیہ ایجنسی کے سربراہ نے یہ بھی کہا کہ موساد 2006 میں سابقہ تنازعہ کے خاتمے کے بعد سے لبنان کے ساتھ جنگ کی تیاری کر رہا تھا ہم نے کئی سالوں کے دوران گہری اور منفرد انٹیلی جنس جمع کی تھیں۔