കര്‍ണാടക മഹാരാഷ്ട്ര ബസ് സര്‍വീസുകള്‍ അനശ്ചിതത്തിലായ സാഹചര്യത്തിലാണ് മുംബൈ-ബെംഗളൂരു വിമാന നിരക്ക് കുത്തനെ ഉയര്‍ന്നത്. ഈ മേഖലയിലെ യാത്രാ ദുരിതം വര്‍ധിച്ചതോടെയാണ് ബെംഗളൂരുവില്‍നിന്ന് മുംബൈയിലേക്കുള്ള വിമാനനിരക്ക് 10,000 രൂപ മുതല്‍ 23,000 രൂപ വരെ ഉയര്‍ന്നു. സാധാരണ 4000 മുതല്‍ 4500 രൂപ വരെയായിരുന്നു നിരക്ക്.മുംബൈയില്‍നിന്ന് ബെംഗളൂരുവിലേക്കുള്ള ഇന്‍ഡിഗോയുടെ നിരക്ക് ഞായറാഴ്ച 17,500 രൂപയായി. ആകാശ് എയര്‍നിരക്ക് 12,000 രൂപയായിരുന്നു. ഞായറാഴ്ച രാത്രി 9.30-നുള്ള എയര്‍ഇന്ത്യ സര്‍വീസിന്റെ നിരക്ക് 30,000 രൂപയായിരുന്നു.കര്‍ണാടകയും മഹാരാഷ്ട്രയും ബസ് സര്‍വീസുകള്‍ റദ്ദാക്കിയിട്ട് നാല് ദിവസം പിന്നിട്ടതോടെ ഈ മേഖലയിലെ യാത്രക്കാരാണ് ദുരിതത്തിലായത് . കര്‍ണാടകയിലേക്ക് എം.എസ്.ആര്‍.ടി.സി. പ്രതിദിനം 250 സര്‍വീസുകള്‍ നടത്തുന്നുണ്ട്. ബെലഗാവിയില്‍നിന്ന് മഹാരാഷ്ട്രയുടെ വിവിധ ഭാഗങ്ങളിലേക്ക് കര്‍ണാടക പ്രതിദിനം 120-ലേറെ സര്‍വീസുകളാണ് നടത്തുന്നത്.ALSO READ: ബംഗാളിലും ഒഡിഷയിലും ഭൂചലനംമറാഠി ഭാഷ സംസാരിച്ചില്ലെന്ന കാരണം പറഞ്ഞായിരുന്നു സംഘര്‍ഷമുണ്ടായത്. ബെലഗാവിയില്‍ കര്‍ണാടക റോഡ് ട്രാന്‍സ്പോര്‍ട്ട് ബസ് കണ്ടക്ടര്‍ മറാഠി അറിയില്ലെന്നും കന്നടയില്‍ സംസാരിക്കാനും യാത്രക്കാരിയോട് ആവശ്യപ്പെട്ടതാണ് ഒരു വിഭാഗത്തെ പ്രകോപിപ്പിച്ചത്. തുടര്‍ന്ന് ഡ്രൈവറെ ബസ്സിലുണ്ടായിരുന്നവര്‍ സംഘം ചേര്‍ന്ന് ആക്രമിക്കുകയിരുന്നു. ബെലഗാവിയില്‍ ബസ് കണ്ടക്ടറെ മര്‍ദിച്ചതിനു പിന്നാലെ കന്നഡ ഭാഷ അനുകൂലസംഘം ഒരു എം.എസ്.ആര്‍.ടി.സി. ബസ് ഡ്രൈവറേയും മര്‍ദിച്ചു. ബെലഗാവിയില്‍ ബസ് കണ്ടക്ടറെ മര്‍ദിച്ചതിനു പിന്നാലെ കന്നഡ ഭാഷ അനുകൂലസംഘം ഒരു എംഎസ്ആര്‍ടിസ ബസ് ഡ്രൈവറേയും മര്‍ദിച്ചു.പ്രതികാര നടപടികളുമായി അതിര്‍ത്തി പ്രദേശങ്ങളില്‍ സംഘര്‍ഷം തുടര്‍ന്നതോടെയാണ് യാത്രക്കാരുടെ സുരക്ഷ കണക്കിലെടുത്ത് ഇരുസംസ്ഥാനങ്ങളും ബസ് സര്‍വീസുകള്‍ നിര്‍ത്തിവെച്ചത്. ഇതോടെയാണ് മേഖലയില്‍ യാത്രാ ക്ലേശം രൂക്ഷമായത്.അതെ സമയം കന്നഡയെയും കര്‍ണാടകയെയും അപമാനിക്കുന്നത് വെച്ചുപൊറുപ്പിക്കില്ലെന്നാണ് സംഭവത്തെ ആളിക്കത്തിച്ച് ബിജെപി നേതാവ് വിജയേന്ദ്ര രാഷ്ട്രീയ ആയുധമാക്കിയത്. മറാത്തിയില്‍ സംസാരിക്കാത്തതിന്റെ പേരില്‍ ബെലഗാവിയില്‍ കെഎസ്ആര്‍ടിസി ബസ് ഡ്രൈവറെയും കണ്ടക്ടറെയും ആക്രമിച്ചതിനെക്കുറിച്ചുള്ള ചോദ്യത്തോട് പ്രതികരിക്കവെയാണ് ബിജെപി നേതാവിന്റെ വെല്ലുവിളി.The post മഹാരാഷ്ട്ര – കര്‍ണാടക ബസ് സര്‍വീസ് നാലാം ദിവസവും നിശ്ചലം; വെല്ലുവിളിച്ച് ബിജെപി നേതാവ്, കുത്തനെ ഉയര്‍ന്ന് വിമാന നിരക്കുകള്‍ appeared first on Kairali News | Kairali News Live.