കോട്ടയം | കൈക്കൂലി വാങ്ങുന്നതിനിടെ സ്പെഷ്യല് വില്ലേജ് ഓഫീസറെ വിജിലന്‍സ് കൈയോടെ പിടികൂടി. മണിമല വെള്ളാവൂര്‍ സ്പെഷ്യല് വില്ലേജ് ഓഫീസര്‍ അജിത്താണ് പരാതിക്കാരനില്‍ നിന്നും 5,000 രൂപ കൈക്കൂലി വാങ്ങുന്നതിനിടെ പിടിയിലായത്. കേസില്‍ വില്ലേജ് ഓഫീസര്‍ ജിജു സ്‌കറിയയെ രണ്ടാം പ്രതിയായി ചേര്‍ത്തിട്ടുണ്ട്.ഇന്ന് ഉച്ചയോടെയാണ് അജിത്തിനെ വില്ലേജ് ഓഫീസില്‍ നിന്നും വിജിലന്‍സ് സംഘം പിടികൂടുന്നത്. സ്ഥലം പോക്കുവരവ് ചെയ്യുന്നതിനായി സ്ഥലം ഉടമയില്‍ നിന്നും വില്ലേജ് ഓഫീസര്‍ കൈക്കൂലി ആവശ്യപ്പെട്ടിരുന്നു.5,000 രൂപയാണ് കൈക്കൂലിയായി ആവശ്യപ്പെട്ടത്. ഈ തുകയുമായി പരാതിക്കാരന്‍ സ്പെഷ്യല് വില്ലേജ് ഓഫീസറെ സമീപിക്കുകയായിരുന്നു.