Triveni Sangam: ఆన్‌లైన్ ద్వారా పెళ్లిళ్లు, ప్రేమలు, ఆటలు, పార్టీలు జరుపుకోవడం గురించి మన అందరికీ తెలిసిందే. కానీ వర్చువల్ గానే స్నానం కూడా చేయొచ్చని నిరూపించిందో మహిళ. ఇంటివద్దే ఉన్న తన భర్తకు.. కుంభమేళాకు వెళ్లి మరీ పుణ్యస్నానం చేయించింది. ముఖ్యంగా తన ఫోన్ నుంచి భర్తకు వీడియో కాల్ చేసి.. ఆపై ఫోన్‌ను గంగ, యమున, సవస్వతీ నదులు కలిసే త్రివేణీ సంగమంలో ముంచింది. ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతుండగా.. అంతా షాక్ అవుతున్నారు. నీకో దండం తల్లి.. ఇలా కూడా స్నానాలు చేయొచ్చని నిన్ను చూశాకే తెలిసిందంటూ కామెంట్లు చేస్తున్నారు. ఆ పూర్తి వివరాలు మీకోసం. ఉత్తర ప్రదేశ్‌లోని ప్రయాగ్‌రాజ్‌లో జరుగుతున్న మహా కుంభమేళాకు దేశం నలుమూలల నుంచే కాకుండా విదేశాల నుంచి సైతం భక్తులు వస్తున్నారు. గంగ, యమున, సరస్వతీ నదులు కలిసే త్రివేణీ సంగమంలో పుణ్య స్నానాలు ఆచరిస్తున్నారు. ఇప్పటి వరకు కుంభమేళాకు సంబంధించి అనేక వీడియోలు నెట్టింట వైరల్ కాగా.. తాజాగా మరో వీడియో వైరల్ అయింది. ఇటీవలే ఓ వ్యక్తి 1100 రూపాయలు తనకు పంపిస్తే.. భక్తులకు పుణ్యస్నానాలు చేయిస్తానంటూ చెప్పాడు. ముఖ్యంగా వాట్సాప్ ద్వారా భక్తులు వారి ఫొటోలు పంపిస్తే.. వాటిని ప్రింట్ తీసి త్రివేణీ సంగమంలో ముంచి స్నానం చేయిస్తానని వివరించాడు.ఇలా చేయడం వల్ల కూడా సదరు భక్తుల పాపాలు తొలగిపోయి పుణ్యం లభిస్తుందని చెప్పాడు. దీన్ని గుర్తించిన కొందరు అది నిజమేననుకుని తమ వెంట రాని కుటుంబ సభ్యుల ఫొటోలను నీళ్లలో ముంచుతూ కనిపించారు. మరికొందరు అయితే తమ కుటుంబ సభ్యుల పేర్లను చెబుతూ పలుమార్లలో గంగలో మునిగారు. అయితే తాజాగా ఈ లెవెల్ దాటేసిన ఓ మహిళ ఏకంగా భర్తకు వర్చువల్ స్నానాన్నే చేయించింది. కుంభమేళాకు వెళ్లి.. అక్కడి నుంచే తన భర్తకు వీడియో కాల్ చేసింది. ఆ తర్వాత ఫోన్‌ను పలుమార్లు నీటిలో ముంచి తీస్తూ స్నానం పూర్తయిందని చెప్పింది. ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతోంది.నీకో దండం తల్లి.. భలే చేయించావుగా నీ భర్తకు స్నానం అంటూ కొందరు కామెంట్లు చేస్తుండగా.. ఇది తెలియక ఇన్నాళ్లూ నేను స్నానం చేయలేకోయానని మరింకొందరు చెప్పుకొస్తున్నారు. ఓ నెటిజెన్ అయితే మీరింకా అక్కడే ఉంటే నెంబర్ ఇవ్వండి.. నాక్కూడా స్నానం చేయిద్దురు అంటూ కోరాడు. ఇలా చేయాలని తెలియకు అనవసరంగా వేల డబ్బు ఖర్చు చేశామే.. ముందే చెబితే మేం కూడా ఇలాగే చేసేవాళ్లం కదా తల్లి అంటూ మరో వ్యక్తి వివరించాడు. మరి ఈ వీడియో చూస్తే మీకేమనిపిస్తుందో కామెంట్ల రూపంలో వెల్లడించండి.