Finfinnee, Guraandhala 19, 2017 (FMC)-Itiyoo Teeleekoom dandeettii maamiltootaa fi dhaabbilee kan ijaaranii fi ammayyeessan tajaajila kilaawud irratti furtuuwwan dijitaalaawaa hundeeffaman torba eegalchiiseera.Hoji Raawwachiistuu Olaantuun Itiyoo Teelekoom Firehiiwot Taammiruun akka jedhanitti, furtuuwwan dijitaalawaan kunneen tajaajila quunnamsiistuurra darbee, jijjiiramaa fi fayyadamummaa diinagdee hawaasaaf gumaacha akka qabu dubbataniiru.Itiyoo Teelekoom imala ce’umsa Dijitaal Itiyoophiyaa saffisiisuu fi hirmaachisummaa faayinaansii mirkaneessuu kan dandeessisan furtuuwwan dijitaalawaa hedduu dhiyeessaa akka jiru kaasaniiru.Hojmaata dhaabbilee kan ammayyeessanii fi maamiltoota isaaniif tajaajila fooyya’aa dhiyeessuuf furtuuwwan interpiraayizii kilaawudiin tumsan ifoomaniiru jedhan.Furtuuwwan kunneenis “Digital Livestock Tracking”, “Tele Push-To-Talk/Video”, “Core Banking Solution Center” fi “ERP Solutions” akka jedhaman ibsaniiru.Zabiib Taklaayitu gabaase.#Oromia #Ethiopia