ఓటీటీ కంటెంట్ అంటేనే క్రియేటివ్ కంటెంట్ అందించాల్సి ఉంటుంది. పైగా చాలా ఓటీటీలు అందుబాటులో ఉండటంతో.. ఎవరెక్కువ క్రియేటివ్‌గా ఆలోచిస్తే వాళ్లకే జనం పట్టంకడతాడు. ప్రస్తుతం ఓటీటీ టైమ్ నడుస్తోంది కాబట్టి.. పోటీ కూడా ఎక్కువే. అందుకే తమ తమ క్రియేటివిటీ చూపిస్తూ.. ఓటీటీలో దూసుకుపోవడానికి ప్రముఖ ఓటీటీ సంస్థలన్నీ పోటీపడుతున్నాయి. ఇక ‘ఆహా’ ఓటీటీ కూడా ఇలాంటి క్రియేటివ్ కంటెంట్ కోసం గట్టిగానే కష్టపడుతున్నారు. ఇప్పటికే సినిమాలు, వినోదాత్మక కార్యక్రమాలతో ‘ఆహా’ అనిపిస్తోంది. తాజాగా ఆహా ఓటీటీలో చెఫ్ మంత్ర ‘ప్రాజెక్ట్ - కె’ ప్రారంభం కాబోతుంది. ఆహాలో మార్చి 6 రాత్రి ఏడుగంటలకు ప్రతి గురువారం ప్రసారం కాబోతుంది. ఈ కార్యక్రమాన్ని యాంకర్ సుమ హోస్ట్ చేయబోతుంది. ఆమెకి హెల్పర్‌గా కమెడియన్ జీవన్ ఉండబోతున్నారు. ఇందులో సీరియల్ హీరోలు, బిగ్ బాస్ కంటెస్టెంట్స్ అమర్ దీప్, అంబటి అర్జున్‌లు అల్టిమేట్ బ్రదర్స్‌గా కనిపించి ఫన్ జనరేట్ చేయబోతున్నారు. దీనికి సంబంధించిన ప్రోమో రిలీజ్ కాగా.. ఇందులో ఉన్న చేపల పులుసు కాన్సెప్ట్ బెడిసికొట్టింది. కంటెంట్‌ని ఒకటికి రెండు సార్లు చూసుకోవాల్సిన అవసరం ఉన్న సందర్భంలో ఒకసారి చేపల ఫ్రై అని.. కాసేపటికే చేపలు పులుసు అని అనడంతో.. కాసేపటికే ఫ్రై.. పులుసు ఎలా అయిపోయిందంటూ సెటైర్లు పడుతున్నాయి.ఈ ప్రోమోలో.. అంబటి అర్జున్ చేపల ఫ్రై‌ని ఆస్వాదిస్తూ.. ‘అరేయ్ అమర్‌గా... ఫిష్ ఫ్రై తెచ్చానూ.. దీనికి కాంబినేషన్‌గా పచ్చి పులుసు తీసుకునిరా అని అంటాడు అంబటి అర్జున్. పచ్చి పులుసు కాదు కానీ.. ఇప్పుడే తాలింపు వేసి పెరుగు అన్నం తీసుకుని వచ్చాను. తింటే మైమరచిపోతావ్ తిను అని అంటాడు అమర్ దీప్. దాంతో అంబటి అర్జున్.. ‘రేయ్ ఏమైనా అంటే అన్నానని అంటావ్ కానీ.. అసలు ఎవ్వడైనా చేపల పులుసులో పెరుగు అన్నం తింటాండ్రా.. అని అంటాడు అంబటి అర్జున్. దాంతో అమర్ దీప్.. ‘ట్రై చేయి’ అన్నా అని అంటాడు. ట్రై చేయడాల్లేవ్.. పైకి పోవడాలే అని కౌంటర్ ఇస్తాడు అంబటి అర్జున్. దాంతో అమర్ దీప్ అలిగి.. ‘సర్లే అన్నా.. నీకు నాతోనే ప్రాబ్లమ్ అయితే చెప్పు వెళ్లిపోతా’ అని లేచి వెళ్లిపోతుంటాడు. అతన్ని ఆపిన అంబటి అర్జున్.. ‘ఏయ్ ఇందుకేరా?? నాకేదో డౌట్ కొడుతుంది ఫస్ట్ రౌండ్‌లో వెళ్లిపోతాం అనిపిస్తుంది’ అని అంటాడు. నిన్ను చూస్తే నాకూ అదే అనిపిస్తుందని కౌంటర్ ఇస్తాడు అమర్ దీప్. చూశారు కదా.. మా కాంబినేషన్ షెఫ్ మంత్రాలో.. ఇదీ ఇలా తగలడింది. మీరు కూడా చూసి తగలడండి’ అని ప్రోమోలో ఫన్ జనరేట్ చేసే ప్రయత్నం చేశారు అమర్ దీప్, అంబటి అర్జున్‌లు. అయితే ఒకసారి చేపల పులుసు అని.. కాసేపటికే చేపలు పులుసు అని అనడంతో చూసుకోవాలి కదా సెటైర్లు పడుతున్నాయి.