బాలీవుడ్ నుంచి టాలీవుడ్‌కి వలస వచ్చిన హీరోయిన్స్‌లో ఒకరు. ‘కొత్త బంగారు లోకం’ సినిమాతో టాలీవుడ్‌లో అడుగు పెట్టిన హీరోయిన్‌ శ్వేతా బసు ప్రసాద్‌. ఆ సినిమా మంచి విజయాన్ని సొంతం చేసుకోవడంతో పాటు శ్వేతా బసుకి నటిగా మంచి పేరు తెచ్చి పెట్టింది. ఆ సినిమా తర్వాత బ్యాక్ టు బ్యాక్‌ తెలుగు సినిమాలు చేసింది. కానీ ఆ సినిమాలు బాక్సాఫీస్ వద్ద నిరాశపరచడంతో మెల్ల మెల్లగా ఈ అమ్మడి క్రేజ్ తగ్గుతూ వచ్చింది. ఆ సమయంలోనే ఒక హోటల్‌లో జరిగిన పోలీసుల రైడ్‌లో అనూహ్యరీతిలో దొరికిపోయింది శ్వేతాబసు. ఆ వివాదంతో స్వేతా బసు పేరు మారుమోగిపోయింది. అలా తక్కువ సమయంకే టాలీవుడ్‌ నుంచి పూర్తిగా కనిపించకుండా పోయింది. ఇలా కొన్నాళ్ల పాటు సినిమా ఇండస్ట్రీకి దూరంగా ఉంది.. అనంతరం డైరెక్షన్‌ టీంలో వర్క్ చేసింది. ఇప్పుడు మళ్లీ సినిమాల్లో బిజీ అయ్యింది. బాలీవుడ్‌లో ‘ఓప్స్ అబ్ క్యా’ (Oops Ab Kya) అనే సినిమాలో నటించింది. ప్రస్తుతం ఈ సినిమా హాట్ స్టార్‌లో స్ట్రీమింగ్ అవుతోంది. కాగా.. ఈ మూవీ ప్రమోషన్స్‌లో భాగంగా.. తన గతానికి సంబంధించిన కొన్ని విషయాలను తెలియజేస్తూ.. టాలీవుడ్‌పై వివాదాస్పద కామెంట్స్ చేసింది శ్వేతాబసు. ఆమె నటించిన ఒక తెలుగు సినిమా షూటింగ్‌ సమయంలో వేధింపులు ఎదుర్కొన్నట్లు చెప్పుకొచ్చింది. తన ఎత్తు విషయంలో పదే పదే కామెంట్స్‌ చేసేవారు. హీరో ఎత్తుతో పోల్చుతూ నన్ను కామెంట్స్ చేసే వారు. సెట్స్‌లో అందరూ కొత్త అమ్మాయిని అయిన కారణంగా తనను కామెంట్‌ చేసేవారని శ్వేతాబసు చెప్పుకొచ్చింది. అయితే ఆ హీరో ఎవరు? ఆ సినిమా ఏంటి? అనే విషయాన్ని శ్వేతా బసు ప్రసాద్‌ చెప్పలేదు. ఆ ఇంటర్వ్యూలో శ్వేతా బసు ప్రసాద్‌ ఇంకా మాట్లాడుతూ... 'నేను టాలీవుడ్‌లో ఒక సినిమా చేసే సమయంలో సెట్స్‌లో ప్రతి రోజూ వేధింపులు ఎదుర్కొన్నాను. ఆ సమయంలో చాలా ఇబ్బందిగా అనిపించింది. అయినా షూటింగ్ పూర్తి చేశాను. నా హైట్‌ 5'2 ఉంటుంది. కానీ ఆ సినిమా హీరో ఎత్తు దాదాపు ఆరు అడుగులు. ఆయనతో సన్నివేశాలు షూట్‌ చేసే సమయంలో అందరూ నా ఎత్తు గురించి కామెంట్‌ చేసేవారు. ప్రతి ఒక్కరూ హీరో ఎత్తుతో నా ఎత్తు పోల్చుతూ ఎగతాళి చేసినట్లు మాట్లాడేవారు. ఆయన అంత ఎత్తు, ఈవిడ ఇంత తక్కువ ఎత్తు అంటూ నా మొహాన్నే కామెంట్స్ చేసిన వారు చాలా మంది ఉన్నారు' అంది. ఆ హీరో తెలుగు వ్యక్తి అయినా షూటింగ్‌ సమయంలో డైలాగ్స్ సరిగా చెప్పలేక మొత్తం గందరగోళం చేసే వారు. తెలుగు తనకు రాకున్నా మ్యానేజ్ చేసేదాన్ని. కానీ ఆయన మాత్రం తెలుగు రాక పోవడంతో చాలా ఇబ్బంది క్రియేట్‌ చేసేవాడని చెప్పుకొచ్చింది. తెలుగు సినిమా ఇండస్ట్రీ గురించి గతంలోనూ చాలా మంది నార్త్‌ హీరోయిన్స్ కామెంట్స్ చేశారు. ముఖ్యంగా హీరోల ప్రవర్తన గురించి, దర్శక నిర్మాతల ప్రవర్తన గురించి గతంలో హీరోయిన్స్ విమర్శలు చేశారు. ఇప్పుడు శ్వేతా బసు తన హైట్‌ను ఉద్దేశించి సెట్స్‌ లో కొందరు చేసిన కామెంట్స్‌తో ఎదుర్కొన్న వేధింపుల గురించి చెప్పుకొచ్చింది. శ్వేతా బసు చెప్పిన వివరాల ప్రకారం చూస్తే.. ఆ హీరో వరుణ్ సందేశ్ అయ్యే ఉంటాడనేది డౌటానుమానం. ఎందుకంటే.. తెలుగులో శ్వేతాబసు.. కొత్త బంగారు లోకం, రైడ్, కాస్కో, కళవర్ కింగ్, ప్రియుడు వంటి సినిమాల్లో వరుణ్ సందేశ్, వైభవ్, నిఖిల్ వంటి హీరోలతో నటించింది. అయితే వరుణ్ సందేశ్‌తో కొత్త బంగారంలోకం‌తో పాటు.. ప్రియుడు అనే సినిమా కూడా చేసింది. బహుశా శ్వేతా బసు చేసిన వివాదాస్పద వ్యాఖ్యలు వరుణ్ సందేశ్ గురించే అయ్యి ఉండొచ్చు. ఎందుకంటే.. వరుణ్ హైట్ ఆరుఅడుగులు. ఇతను అమెరికాలో చదువుకుని రావడం వల్ల తెలుగు సరిగా రాదు. తెలుగు హీరోనే కాదు.. తెలుగు పలకడం వచ్చేది కాదంటే.. ఇతనే అయ్యి ఉండొచ్చు.