విశాఖపట్నానికి చెందిన యూట్యూబర్, సోషల్‌మీడియా ఇన్‌ఫ్లూయెన్సర్‌ వాసుపల్లి నాని అలియాస్ లోకల్ బాయ్ నానిని సైబర్ క్రైమ్ పోలీసులు అరెస్ట్ చేశారు. ఆన్‌లైన్‌ బెట్టింగ్‌ యాప్‌లను ప్రమోట్‌ చేశాడనే ఆరోపణలపై అదుపులోకి తీసుకున్నారు. విశాఖపట్నానికి చెందిన ఓ యువకుడు కొన్ని బెట్టింగ్ యాప్స్‌లో రూ.2 కోట్లు వరకు పోగొట్టుకొని అప్పులు పాలయ్యాడు. అదేసమయంలో .. తక్కువ పెట్టుబడితో అధిక లాభాలు పొందవచ్చంటూ ఓ వీడియో తీశాడు. లోకల్ నాని ఓ బెట్టింగ్ యాప్ ప్రమోట్ చేస్తూ ఈ వీడియోను రికార్డ్ చేశాడు. తాను ఓ ప్లాట్‌ఫామ్‌లో గేమ్స్ ఆడుతూ సంపాదిస్తున్నాని చెప్పుకొచ్చాడు.. తనలాగే అందరూ సంపాదించుకోవచ్చని చెప్పాడు. ఈ వీడియోను ఆన్‌లైన్‌ బెట్టింగ్‌ యాప్‌లను ప్రమోట్‌ చేస్తూ యూట్యూబ్‌, ఇన్‌స్టాగ్రామ్‌ ఖాతాల్లో అప్‌లోడ్ చేశాడు.అయితే నాని వీడియో చూసిన బెట్టింగ్స్ యాప్స్‌తో డబ్బులు పోగొట్టుకున్న ఆ యువకుడు.. నాని చేస్తున్న ప్రచారం వల్ల యువత ప్రభావితమయ్యే అవకాశం ఉందని.. అతడిైపై చర్యలు తీసుకోవాలని సైబర్‌క్రైమ్‌ పోలీసులకు ఫిర్యాదు చేశాడు. అదే సమయంలో లోకల్ బాయ్ నాని బెట్టింగ్ యాప్స్ ప్రమోట్ చేయడంపై తెలంగాణ ఆర్టీసీ ఎండీ సజ్జనార్ కూడా స్పందించారు. నాని తీరుపై తీవ్ర ఆగ్రహం వ్యక్తం చేశారు. వెంటనే ఆ బెట్టింగ్ యాప్స్ ప్రమోషన్ వీడియోలను తొలగించాలని ఆదేశించారు. ఆ వెంటనే నాని స్పందించారు.. తాను తప్పు చేశానని.. మరోసారి ఇలా జరగదన్నారు. కానీ అప్పటికే విశాఖపట్నం సైబర్ క్రైమ్ పోలీసులు కేసు నమోదు చేశారు. నానికి బెట్టింగ్‌ యాప్‌ల నిర్వాహకుల నుంచి కొంత డబ్బు ముట్టినట్లుగా దర్యాప్తులో గుర్తించారు. కలర్‌ ప్రిడిక్షన్‌ బెట్టింగ్‌ యాప్‌ను ఇన్‌స్టాగ్రామ్‌, ఫేస్‌బుక్‌, యూట్యూబ్‌ ద్వారా ప్రమోట్‌ చేశాడని నానిని అరెస్ట్ చేసి రిమాండ్‌కు తరలించారు. మరికొందరు సోషల్‌మీడియా ఇన్‌ఫ్లూయెన్సర్లు కూడా బెట్టింగ్‌ యాప్‌లను ప్రమోట్‌ చేసినట్లు పోలీసులు చెబుతున్నారు. త్వరలోనే వారిపైనా చర్యలు తీసుకుంటామన్నారు. విశాఖపట్నం శంఖబ్రతబాగ్చి. మరికొంత మంది యూట్యూబర్‌లు కూడా బెట్టింగ్‌ యాప్‌లపై ప్రచారం చేసినట్లు గుర్తించిన పోలీసులు.. వారిపై చర్యలు తీసుకోవడానికి సన్నాహాలు చేస్తున్నారు. ఎవరైనా తమ సొంత ప్రయోజనాల కోసం బెట్టింగ్‌ యాప్‌లను ప్రమోట్‌ చేయడం వంటివి చేస్తే చట్టపరంగా కఠిన చర్యలు తీసుకుంటామన్నారు. ఈ పరిణామాలపై లోకల్ బాయ్ నాని స్పందించారు.. ఓ వీడియోను విడుదల చేశారు. తెలిసో తెలియకో తప్పు చేశానని.. మరోసారి బెట్టింగ్ యాప్స్ ప్రమోట్ చేయను అన్నారు. తన వల్ల ఇంత ప్రమాదం జరుగుతుందని ఊహించలేదని.. రాబోయే రోజుల్లో ఇలాంటివి మళ్లీ జరగకుండా చూసుకుంటానన్నారు. మిగతా సోషల్ మీడియా ఇన్‌ఫ్లూయెన్సర్లు ఇలాంటి విచేయొద్దన్నారు.