ఛాంపియన్స్ ట్రోఫీలో భాగంగా సోమవారం బంగ్లాదేశ్-న్యూజిలాండ్ మధ్య మ్యాచ్ జరగనుంది. సెమీ ఫైనల్స్‌లో అడుగుపెట్టాలనే టార్గెట్‌తో కివీస్ బరిలోకి దిగనుండగా.. ఎలాగైనా మ్యాచ్ గెలిచి సెమీస్ ఆశలు సజీవం చేసుకోవాలని బంగ్లాదేశ్ చూస్తోంది. ఇప్పటికే న్యూజిలాండ్ జట్టు ఒక మ్యాచ్ గెలవగా, బంగ్లాదేశ్ ఒక మ్యాచ్ ఓడిపోయింది. దాంతో ఈ మ్యాచ్ రసవత్తరంగా సాగే అవకాశం ఉంది. రావల్పిండి వేదికగా బంగ్లాదేశ్-న్యూజిలాండ్ జట్లు ఇవాళ తలపడుతున్నాయి. భారత కాలమాన ప్రకారం మధ్యాహ్నం 2:30 గంటలకు మ్యాచ్ ప్రారంభం కానుంది. ఈ మ్యాచ్‌లో న్యూజిలాండ్ జట్టు గెలిస్తే నేరుగా సెమీ ఫైనల్స్‌కు చేరుకుంటుంది. బంగ్లాదేశ్ జట్టు ఓడిపోతే బంగ్లాతో పాటు పాకిస్తాన్ కూడా ఇంటిదారి పట్టాల్సిందే. ఛాంపియన్స్ ట్రోఫీ-2025లో న్యూజిలాండ్, బంగ్లాదేశ్ జట్లు ఇప్పటికే చెరొక మ్యాచ్ ఆడాయి. ఈ ఛాంపియన్స్ ట్రోఫీ ఆరంభ మ్యాచ్‌లో పాకిస్తాన్‌తో తలపడిన న్యూజిలాండ్ జట్టు ఆరు వికెట్ల తేడాతో ఘన విజయం సాధించింది. దుబాయ్‌లో భారత్‌తో జరిగిన మ్యాచ్‌లో బంగ్లాదేశ్ జట్టు ఓటమి పాలయింది. హెడ్ టు హెట్ రికార్డ్స్బంగ్లాదేశ్-న్యూజిలాండ్ జట్లు ఇప్పటి వరకు వన్డేల్లో 45 మ్యాచ్‌లు ఆడితే కివీస్‌దే పైచేయిగా ఉంది. న్యూజిలాండ్ జట్టు ఇప్పటి వరకు 33 మ్యాచ్‌లు గెలిస్తే బంగ్లా 11 మ్యాచ్‌లలో విజయం సాధించింది. ఒక మ్యాచ్‌లో ఫలితం తేలలేదు. ఈ రెండు జట్ల మధ్య జరిగిన ఆఖరి ఐదు మ్యాచ్‌లలో న్యూజిలాండ్ నాలుగు, బంగ్లా ఒక మ్యాచ్‌లో గెలిచింది. ఆఖరిగా జరిగిన మ్యాచ్‌లో మాత్రం బంగ్లాదేశ్ 9 వికెట్ల తేడాతో ఘన విజయం సాధించింది. ఛాంపియన్స్ ట్రోఫీ హిస్టరీలో ఈ రెండు జట్లు రెండు మ్యాచ్‌లు ఆడాయి. న్యూజిలాండ్, బంగ్లాదేశ్ జట్లు చెరొక మ్యాచ్‌లో గెలవడం విశేషం. ఇరు జట్లకి కీలకమైన ఈ మ్యాచ్‌లో ఎవరు గెలుస్తారు అనే దాని కోసం ఫ్యాన్స్ ఆసక్తిగా ఎదురుచూస్తున్నారు. బంగ్లాదేశ్ స్క్వాడ్నజ్ముల్ షాంటో (కెప్టెన్), ముష్ఫికర్ రహీమ్, తాంజిద్ హాసన్, సౌమ్య సర్కార్, మెహరీ హసన్ మిరాజ్, తౌహిద్ హృదోయ్, జాకర్ అలీ, రషీద్ హోసెన్, తంజీమ్ హసన్ సాకిబ్, ముస్తాఫిజుర్ రెహ్మాన్, మహమ్మదుల్లా, అహ్మద్, పర్వేజ్ హోసన్, నహిద్ రానా. న్యూజిలాండ్ స్క్వాడ్ మిచెల్ శాన్‌ట్నర్ (కెప్టెన్), టామ్ లాథమ్, విల్ యంగ్, దేవాన్ కాన్వే, కేన్ విలియమ్సన్, డారెల్ మిచెల్, గ్లెన్ ఫిలిప్స్, మిచెల్ బ్రాస్‌వెల్, నాథన్ స్మిత్, మ్యాట్ హెన్రీ, విలియమ్ ఓరూక్, రచిన్ రవీంద్ర, మార్క్ ఛాప్‌మన్, కైల్ జెమీసన్, జాకబ్ డఫ్టీ.