ഉറങ്ങുന്നതിനു കുറച്ചു മുൻപേ ഡിജിറ്റൽ സ്ക്രീനുകൾ ഓഫാക്കി കണ്ണിന്റെ ആയാസം കുറയ്ക്കണമെന്നു ഡോക്ടർമാർ ഉപദേശിക്കാറുണ്ട്. എന്നാൽ രാത്രിയെ പകലാക്കി മനുഷ്യൻ തെളിക്കുന്ന വിളക്കുകൾ പല സൂക്ഷ്മ ജീവജാലങ്ങളുടെയും ജീവിത ചക്രത്തെത്തന്നെ ബാധിക്കുന്നതായി പഠനം. ഫ്രാങ്ക്ഫർട്ട് സർവകലാശാലയിലെ കാലാവസ്ഥാ ഗവേഷണ വിഭാഗം പ്രഫസർ ഡോ. മാർക്കസ് ഫെനിഞ്ജറും സംഘവും നടത്തിയ പഠനത്തിലാണ് ഇതു പുറത്തുവന്നത്. പഠനവിധേയമായ ചെറു ഷഡ്പദങ്ങളുടെ ജീവിതചര്യയിൽ അമിത പ്രകാശം ജനിതക താളപ്പിഴകൾ സൃഷ്ടിച്ചു. ലാർവകൾ വിരിയാൻ പതിവിലും കൂടുതൽ സമയം വേണ്ടിവന്നു.