: భారత రక్షణ రంగంలో 'మేక్ ఇన్ ఇండియా' కార్యక్రమంలో మరో మైలురాయి. సంబంధించి, ఫ్రాన్స్‌కు చెందిన డసో ఏవియేషన్ సంస్థతో (రఫేల్ మాతృ సంస్థ).. టాటా అడ్వాన్స్‌డ్ సిస్టమ్స్ ఒక కీలక ఒప్పందం కుదుర్చుకుంది. ఈ ఒప్పందం ప్రకారం, ఇకపై హైదరాబాద్‌లోని టాటా అడ్వాన్స్‌డ్ సిస్టమ్స్ లిమిటెడ్‌లోనే (TASL) తయారు కానున్నాయి. రఫేల్ ఎయిర్‌క్రాఫ్ట్ విడిభాగాలు ఫ్రాన్స్‌కు వెలుపల తయారు కావడం ఇదే తొలిసారి. ఇది ఏరోస్పేస్ రంగంలో భారత్ గణనీయమైన అభివృద్ధి సాధిస్తుందని చెప్పడానికి నిదర్శనం. యుద్ధ విమానాల తయారీలో మరింత వేగం పెంచడానికి ఈ ఒప్పందం ఎంతో దోహదపడుతుంది.2028 ఆర్థిక సంవత్సరం నాటికి ఫ్యూజ్‌లేజ్ అసెంబ్లింగ్ లైన్, ఎయిర్‌క్రాఫ్ట్ విడిభాగాలను ఉత్పత్తి చేసే లక్ష్యంతో టాటా అడ్వాన్స్‌డ్ సిస్టమ్స్ సంస్థ ఏర్పాట్లు చేయనుంది. ప్రతి నెలా రెండు ఫ్యూజ్‌లేజ్‌లను అందించాలని లక్ష్యంగా పెట్టుకున్నారు.డసో ఏవియేషన్ ఛైర్మన్ అండ్ సీఈఓ ఎరిక్ ట్రాపియర్ మాట్లాడుతూ, "భారత్‌లో మా ఉత్పత్తిని బలోపేతం చేయడంలో ఇది కీలక అడుగు. భారత రక్షణ రంగంలో మా సేవలను విస్తరిస్తున్నందుకు ధన్యవాదాలు. ఈ నిర్ణయం రఫేల్ విస్తరణకు మరింత దోహదం చేస్తుంది. అంతేకాకుండా, నాణ్యమైన సేవలు అందిస్తూ.. సైనిక అవసరాలను తీర్చేందుకు ఉపయోగపడుతుంది" అని పేర్కొన్నారు.భారత రక్షణ చరిత్రలో మైలురాయి..టాటా అడ్వాన్స్‌డ్ సిస్టమ్స్ లిమిటెడ్ సీఎండీ సుకరన్ సింగ్ ఈ ఒప్పందం భారత రక్షణ రంగ చరిత్రలో ఒక మైలురాయిగా నిలుస్తుందని తెలిపారు. డసో ఏవియేషన్ సంస్థతో చేసుకున్న ఈ ఒప్పందం టాటా అడ్వాన్స్‌డ్ సిస్టమ్స్ సామర్థ్యాలను స్పష్టం చేస్తుందని ఆయన అన్నారు. భారతదేశ వైమానిక వ్యవస్థ అభివృద్ధి, పురోగతిని ఈ ఒప్పందం ప్రతిబింబిస్తుందని సుకరన్ సింగ్ పేర్కొన్నారు.రఫేల్ యుద్ధ విమానాలు.. భారత రక్షణ వ్యవస్థలో అత్యంత కీలకంగా మారాయి. ఈ మల్టీరోల్ యుద్ధ విమానాలు భారత వాయుసేన (IAF), భారత నౌకాదళం సామర్థ్యాలను గణనీయంగా పెంచాయి. 2016లో ఫ్రాన్స్‌తో.. భారత ప్రభుత్వం ఒప్పందం కుదుర్చుకుంది. దీని ప్రకారం భారత వాయుసేన కోసం 36 రఫేల్ యుద్ధ విమానాలను రూ. 59,000 కోట్లకు (సుమారు $9.4 బిలియన్లు) కొనుగోలు చేసింది. ఈ విమానాలు 2019-2022 మధ్య కాలంలో భారత్‌కు చేరాయి. ఇటీవలే, ఏప్రిల్ 2025లో.. భారత నౌకాదళం కోసం 26 రఫేల్-మెరైన్ (Rafale-M) యుద్ధ విమానాలను కొనుగోలు చేయడానికి భారత్- ఫ్రాన్స్ మధ్య రూ. 63,000 కోట్ల (సుమారు $7.4 బిలియన్లు) విలువైన మరో కీలక ఒప్పందం కుదిరింది.