మూడేళ్లకుపైగా సాగుతోన్న రష్యా, ఉక్రెయిన్ యుద్ధాన్ని ముగించేందుకు ఓవైపు ప్రయత్నాలు చేస్తున్నారు. ఇరుదేశాల మధ్య కాల్పుల విరమణ ఒప్పందం దిశగా సాగుతోన్న తరుణంలో యుద్ధం ఊహించని మలుపు తీసుకుంది. ఆదివారం (జూన్ 1న) ఉక్రెయిన్‌పై రష్యా దాడి చేయడంతో కీవ్ ప్రతీకారంతో రగిలిపోయింది. ఏకంగా అణు సామర్థ్యం గలిగిన టీయూ-95 బాంబర్‌ విమానాలను లక్ష్యంగా చేసుకుంది. ఈ దాడిలో 40కి పైగా బాంబర్ విమానాలను రష్యా కోల్పోయింది. అయితే, రష్యాకు చెందిన టుపోలెవ్ Tu-95MS వ్యూహాత్మక బాంబర విమానాలను ఉక్రెయిన్ టార్గెట్ చేయడం హాట్ టాపిక్‌గా మారింది. రష్యా యుద్ధంలో తొలిసారి ఉక్రెయిన్ ఈ స్థాయిలో దాడిచేయడం ఇదే మొదటిసారి.ఉక్రెయిన్ భద్రతా దళాలు (SBU) రష్యా వాయుసేనకు చెందిన ప్రధాన వైమానిక స్థావరాలపై విస్తృత స్థాయిలో డ్రోన్ దాడులు నిర్వహించాయి. ఈ దాడుల్లో కనీసం 40 టీయూ-95MS వ్యూహాత్మక బాంబర్లు దెబ్బతిన్నాయని రష్యా అధికారులు నిర్ధారించారు. ఉక్రెయిన్ విడుదల చేసిన వీడియోల్లో ప్రొపెల్లర్ బాంబర్లును ఎఫ్‌వీపీ డ్రోన్లు ఢీకొంటున్న దృశ్యాలు కనిపించాయి. ఇక, సిద్ధమవుతోన్న వేళ ఈ దాడితో యుద్ధం ఇప్పటిలో ముగిసిపోయే సూచనలు కనిపించడం లేదు.ప్రపంచంలోనే పురాతన బాంబర్లలో ఒకటిసోవియట్ కాలం నాటి ఈ బాంబర్ విమానాలను బ్యాడ్ బాయ్‌గా పిలుస్తుంటారు. 1952లో సోవియట్ సైన్యంలో ప్రవేశించిన టుపొలేవ్ Tu-95MS బాంబర్లు ఇప్పటికీ సేవలు అందిస్తోన్న ప్రపంచంలోనే అత్యంత పాత డిజైన్ కలిగిన విమానాల్లో ఒకటిగా గుర్తింపు పొందాయి. అమెరికాపై అణు దాడులకు ఉపయోగించే ఉద్దేశంతో ఈ బాంబర్లను తయారుచేసినా.. యుద్ధంలో తొలిసారి వినియోగించింది మాత్రం వ్లాదిమిర్ పుతిన్ ప్రభుత్వమే. సిరియా యుద్ధంలో బషర్ అల్-అసద్‌కు మద్దతుగా వీటిని రష్యా సైన్యం వాడింది.మృత్యువుతో సమానంప్రొపెల్లర్ శక్తితో నడిచే ప్రపంచంలో ఏకైక బాంబర్లు ఇవే కావడం విశేషం. వాటి ప్రొపెల్లర్లు శబ్ద వేగానికి మించి ఉండటం వల్ల, గగనతలంలో శబ్దం భీకరంగా ఉంటుంది. అమెరికా నౌకాదళ నివేదికల ప్రకారం.. గగనతలంలో టీయూ-95MSలు ఎగురుతుంటే నీటిలోపల ఉండే జలాంతర్గాములు వాటి శబ్దాన్ని గుర్తించగలిగాయట. విమానాలను నడిపే సిబ్బంది వాటి శబ్దం వల్ల వినికిడి శక్తి కోల్పోయే ప్రమాదం కూడా ఉందనే హెచ్చరికలు ఉన్నాయి.నాటోలో ప్రత్యేక గుర్తింపునార్త్ అట్లాంటిక్ ట్రీట్ ఆర్గనైజేషన్ (NATO) ఈ విమానానికి “Bear-H” అనే కోడ్‌నేమ్ ఇచ్చింది. టీయూ-95MS సుదీర్ఘ దూరాన్ని (15,000 కిలోమీటర్ల వరకు) కవర్ చేయగలవు. వీటి వేగం తక్కువే అయినప్పటికీ సుదూర లక్ష్యాలను చేధించడానికి అద్భుతంగా ఉపయోగపడతాయి.ఇది చరిత్రలోనే అతి పెద్ద అణు బాంబును విసిరిన విమానం కూడా ఇదే. 1961లో నికితా క్రూష్చెవ్ నేతృత్వంలో త్సార్ బాంబా (Tsar Bomba) పరీక్షలు టీయూ-95MS బాంబర్‌ నుంచే నిర్వహించారు .30 టన్నుల అణుబాంబు బారెంట్స్ సముద్రంలోని దీవిపై పడి విమానాన్ని కూడా శకలాలు తాకినప్పటికీ సిబ్బందిని రక్షించగలిగింది.ఆధునికీకరణప్రస్తుతం టీయూ-95MS బాంబర్లను ఆధునీకరించే ప్రక్రియ కొనసాగుతోంది. ఇందులో Kh-101/102 స్టెల్త్.. క్రూయిజ్ క్షిపణులను ధ్వంసం చేయడం లక్ష్యంగా అమర్చారు. అమెరికా నివేదికలు ప్రకారం.. ఈ విమానాల్లో నాలుగు క్రూయిజ్ క్షిపణుల కోసం కొత్త వింగ్ పైలాన్‌లు అమర్చడం, అంతర్గత ఆయుధాల గదిని కూడా భారీ క్షిపణుల కోసం సర్దుబాటు చేయడం జరుగుతోంది. ఆధునీకీకరించిన బాంబర్ల పొడవు 49.13 మీటర్లు. ఇంధనంతో సహా దీని మొత్తం బరువు 1.87 లక్షల కిలోల దాకా ఉంటుంది.ఉక్రెయిన్‌కు కీలక విజయంఈ బాంబర్లు యుద్ధంలో కీలకమైనవి కావడంతో వీటిపై దాడి చేయడం ఉక్రెయిన్‌కు వ్యూహాత్మక విజయం. రష్యా వాయుసేనకు చెందిన శక్తిమంతమైన ఈ టీయూ-95MS బాంబర్లపై సాహసోపేతంగా గుర్తు తెలియని ప్రాంతాల నుంచి దాడి చేయడం ఉక్రెయిన్ SBU సామర్థ్యాన్ని తెలియజేస్తోంది.