కు అంతా సిద్ధమైంది. 18 ఏళ్లుగా టైటిల్ కోసం ఎదురుచూస్తున్న ఆ రెండు జట్ల కల ఈరోజుతో నెరవేరబోతోంది. ఏ జట్టు గెలిచినా చరిత్రే. ట్రోఫీ అందుకుని కోహ్లికి ట్రిబ్యూట్ ఇవ్వాలని చూస్తుంటే.. వరుసగా రెండోసారి కప్ అందుకుని తన కెప్టెన్సీ సత్తా చూయించాలని అనుకుంటున్నాడు. మరి ఈ మెగా పోరులో గెలిచేదెవరో చూడాలి మరి. అహ్మదాబాద్ నరేంద్ర మోదీ క్రికెట్ స్టేడియం వేదికగా ఈ రోజు ఫైనల్ జరగనుంది. రాయల్ ఛాలెంజర్స్ బెంగళూరు, పంజాబ్ కింగ్స్ జట్లు ఈ మ్యాచ్‌లో తలపడనున్నాయి. రాత్రి 7:30 గంటలకు ప్రారంభమయ్యే ఈ మ్యాచ్ లైవ్‌ను స్టార్ స్పోర్ట్స్, జియో హాట్ స్టార్ వేదికగా వీక్షించొచ్చు. హెడ్ టు హెడ్ రికార్డ్స్ఐపీఎల్ 2025లో ఆర్సీబీ, పంజాబ్ ఏకంగా మూడు సార్లు తలపడ్డాయి. ఇది నాలుగోసారి. లీగ్ దశ మొదటి మ్యాచ్‌లో పంజాబ్ గెలవగా.. రెండో మ్యాచ్‌లో ఆర్సీబీ విజయం సాధించింది. క్వాలిఫైయర్ 1లో పంజాబ్‌ను చిత్తుగా ఓడించిన ఆర్సీబీ ఫైనల్స్‌లో అడుగుపెట్టింది. మరి ఈ ఫైనల్స్‌లో పంజాబ్ రివేంజ్ తీర్చుకుంటుందా? లేక టైటిల్ చేజార్చుకుంటుందా? అనేది చూడాలి. ఓవరాల్‌గా ఐపీఎల్‌లో ఈ రెండు జట్లు 36 మ్యాచ్‌లలో తలపడితే చెరి 18 మ్యాచ్‌లలో విజయం సాధించింది. బ్యాటింగ్‌పై పంజాబ్ దృష్టిక్వాలిఫైయర్ 1లో ఆర్సీబీ చేతిలో పంజాబ్ ఘోర పరాజయం పాలయింది. బ్యాటింగే బలంగా ఉండే పంజాబ్ ఆ మ్యాచ్‌లో మాత్రం 101 పరుగులకే ఆలౌట్ అయింది. ఈ రోజు జరిగే ఫైనల్స్‌లో మాత్రం పంజాబ్ మరింత పటిష్టంగా ఆడాలని ఫిక్స్ అయింది. దాదాపు క్వాలిఫైయర్ 2లో ఆడిన టీమ్‌తోనే పంజాబ్ ఫైనల్‌లో అడుగుపెట్టనుంది. కానీ హర్‌ప్రీత్ బ్రార్, యూజీ చాహల్‌లో ఎవర్ని తీసుకుంటారో సస్పెన్స్. ఫైనల్‌లో టాస్ గెలిచిన జట్టు మాత్రం బౌలింగ్ ఎంచుకునే అవకాశాలే ఎక్కువగా ఉంటాయి. ఆర్సీబీ జట్టు అంచనావిరాట్ కోహ్లి, ఫిల్ సాల్ట్, మయాంక్ అగర్వాల్, రజత్ పటిదార్ (కెప్టెన్), లియామ్ లివింగ్‌స్టన్, జితేశ్ శర్మ, రొమారియో షెఫర్డ్, కృనాల్ పాండ్యా, భువనేశ్వర్ కుమార్, యశ్ దయాల్, హేజెల్‌వుడ్, సుయాశ్ శర్మ. పంజాబ్ కింగ్స్ జట్టు అంచనాప్రభ్‌సిమ్రాన్ సింగ్, ప్రియాన్షు ఆర్య, ఇంగ్లిస్, శ్రేయాస్ అయ్యర్ (కెప్టెన్), నేహాల్ వధేరా, శశాంక్ సింగ్, మార్కస్ స్టాయినీస్, అజ్మతుల్లా ఒమర్జాయి, కైల్ జెమీసన్, అర్షదీప్ సింగ్, హర్‌ప్రీత్ బ్రార్/యుజ్వేంద్ర చాహల్, వైశాక్ విజయ్‌కుమార్.