آسام کے وزیراعلیٰ پاکستان دشمنی میں پاگل ہوگئے، قانون ساز اسمبلی کے ممبر سمیت اب تک 79 لوگوں کو پاکستان کا حامی ہونے کا الزام لگا کر گرفتار کیا جاچکا۔پاکستان کے ہاتھوں بدترین شکست کے بعد ہزیمت کو چھپانے کےلیے بھارتی حکام اپنے ہی شہریوں کو گرفتار کررہی ہے، آسام کے وزیر اعلیٰ ہمانتا بسوا سرما نے کہا ہے کہ پاکستان کا حامی ہونے پر فریج الحق نامی شخص کو گرفتار کیا ہے، حکام کو اس پر شبہ ہے کہ وہ "پاکستان کا ہمدرد” ہے۔ہمانتا بسوا سرما کا کہنا ہے کہ پچھلے مہینے پہلگام حملے کے بعد سے ریاست آسام میں اب تک مجموعی طور پر79 لوگوں کو گرفتار کیا جاچکا ہے۔وزیراعلیٰ آسام نے سوشل میڈیا پر شیئر کی گئی اپنی پوسٹ میں بتایا کہ ”پاکستانی ہمدردوں کے خلاف کریک ڈاؤن جاری ہے کل بھی گرفتاریاں کی گئیں اب تک 79 لوگوں کو پکڑا جاچکا ہے۔#Update Crackdown on Pro-Pakistsni sympathizers | 22.00hrs of 30 May@Darrang_Police has arrested Farijul Haque from Mangaldoi.Total arrests made: 79— Himanta Biswa Sarma (@himantabiswa) May 30, 2025 بھارتی پولیس نے ان افراد کے خلاف کارروائی شروع کر دی ہے جنھیں مبینہ طور پر "بھارت مخالف اور پاکستان نواز سرگرمیوں” کا الزام لگا کر گرفتار کیا گیا ہے۔اس سے قبل ممبر قانون ساز اسمبلی امین کو پاکستان کا دفاع کرنے اور پہلگام حملے میں اس ملک کا کردار نہ ہونے کا کہنے پر بغاوت کے الزام میں گرفتار کیا گیا تھا۔ اس معاملے میں ایم ایل اے کو ضمانت ملنے کے بعد، ان پر قومی سلامتی ایکٹ (این ایس اے) کے تحت فرد جرم عائد کی گئی تھی، ریلی سے خطاب میں امین کا کہنا تھا کہ یہ حملہ مرکزی حکومت کی ’’سازش‘‘ تھا۔