తెలంగాణ రాష్ట్రంలోని , హెల్పర్లకు ప్రభుత్వం శుభవార్త అందించింది. వారి పదవీ విరమణ వయస్సును పెంచడంతో పాటు, రిటైర్మెంట్ బెనిఫిట్స్ (పదవీ విరమణ ప్రయోజనాలు) పెంపునకు కీలక నిర్ణయం తీసుకుంది. ఈ మేరకు శనివారం జీవో (ప్రభుత్వ ఉత్తర్వు) జారీ చేసింది. ఇది అంగన్‌వాడీ సిబ్బంది దీర్ఘకాల డిమాండ్లలో ఒకటి.కొత్త జీవో ప్రకారం.. అంగన్‌వాడీ టీచర్లు, హెల్పర్ల పదవీ విరమణ వయస్సును 60 ఏళ్ల నుంచి 65 ఏళ్లకు పెంచారు. ఈ నిర్ణయం వల్ల వేలాది మంది అంగన్‌వాడీ కార్యకర్తలు తమ సేవలను మరో ఐదేళ్లు కొనసాగించే అవకాశం లభించింది. వయసు పెరగడంతో పాటు, వారికి లభించే ఆర్థిక ప్రయోజనాల్లోనూ గణనీయమైన పెరుగుదల ఉంది.ప్రస్తుతం అంగన్‌వాడీ టీచర్లకు రిటైర్మెంట్ బెనిఫిట్స్ కింద రూ. 1 లక్ష లభిస్తుండగా, పెంచారు. అదేవిధంగా.. అంగన్‌వాడీ హెల్పర్లకు లభించే రిటైర్మెంట్ బెనిఫిట్స్ రూ. 50 వేల నుంచి రూ. 1 లక్షకు పెరిగాయి. ఇది వారి పదవీ విరమణ తర్వాత ఆర్థిక భద్రతకు ఎంతగానో తోడ్పడుతుంది. పదవీ విరమణ వయసు 65 సంవత్సరాలుగా నిర్ణయించినప్పటికీ.. ఎవరైనా వివిధ కారణాలతో 60 ఏళ్లు దాటిన తర్వాత స్వచ్ఛంద పదవీ విరమణ (VRS) తీసుకునే టీచర్లకు, హెల్పర్లకు కూడా ఈ పెంచిన రిటైర్మెంట్ బెనిఫిట్స్ వర్తింపజేయనున్నట్లు ప్రభుత్వం జీవోలో స్పష్టం చేసింది. ఈ వెసులుబాటు అంగన్‌వాడీ కార్యకర్తలకు వారి ఆరోగ్య పరిస్థితులు లేదా వ్యక్తిగత కారణాల ఆధారంగా పదవీ విరమణ ఎంపికను అందిస్తుంది. అంగన్‌వాడీ కార్యకర్తల సేవలను గుర్తించడమే కాకుండా, వారి సంక్షేమం పట్ల ప్రభుత్వానికి ఉన్న చిత్తశుద్ధిని తెలియజేస్తుంది. అంగన్‌వాడీలు గ్రామాల్లో చిన్నారుల పోషకాహారం, ప్రాథమిక విద్య, ఆరోగ్య సంరక్షణలో కీలక పాత్ర పోషిస్తున్నారు. వారి కృషికి తగిన గౌరవం, భద్రత కల్పించడం ద్వారా, రాష్ట్రంలో మహిళా సాధికారతకు, గ్రామీణాభివృద్ధికి మరింత ఊతం లభిస్తుందని విశ్లేషకులు అభిప్రాయపడుతున్నారు. ఈ చర్య అంగన్‌వాడీ వ్యవస్థను మరింత పటిష్టం చేస్తుంది.