Health Insurance: దేశంలో మళ్లీ కరోనా గుబులు మొదలైంది. పలు చోట్ల కేసులు నమోదైనట్లు వార్తలు వస్తున్నాయి. తీవ్రత తక్కువేనని, ఆందోళన అవసరం లేదని వైద్యులు చెబుతున్నా జాగ్రత్తగా ఉండాల్సిన అవసరం ఉంది. ఈ క్రమంలో మీరు తీసుకున్న హెల్త్ ఇన్సూరెన్స్ కరోనా చికిత్సకు వర్తిస్తుందా? లేదా? ఏవైనా పరిమితులు ఉన్నాయా? అనే విషయాలు చెక్ చేసుకోవడం చాలా ముఖ్యం. తీరా ఆసుపత్రికి వెళ్లాక ఇబ్బందులు పడాల్సి వస్తుంది. మరి ఎలాంటి విషయాలు గమనించాలో తెలుసుకుందాం. ఒకవేళ మీకు పాజిటివ్ వస్తే ఇంటి వద్దే ఉండి చికిత్స తీసుకోవచ్చు. ఇలాంటప్పుడు ఇంటి వద్ద ఉండి తీసుకునే చికిత్సకు మీ ఆరోగ్య బీమా కవరేజీ ఉండేలా చూసుకోవాలి. వైద్య సంరక్షణ, ఆక్సిజన్, ఇతర ఖర్చలను కవర్ చేసేలా ఉండాలి. ఇంటి వద్ద చికిత్స తీసుకుంటే టెలీ మెడిసిన్ సేవలు కీలకం. డాక్టర్‌ను ఆన్‌లైన్ ద్వారానే సంప్రదించే వీలు ఉన్నట్లయితే ఆసుపత్రికి వెళ్లాల్సిన పని లేదు. మీ పాలసీలో టెలీ కన్సల్టేషన్ కవరేజీ ఉందో లేదో చూసుకోవాలి. పీపీఈ కిట్లు, మాస్కులు, శానిటైజర్లు కరోనా చికిత్సలో చాలా కీలకమని చెప్పవచ్చు. వీటితో పాటు ఇతర వస్తువుల కొనుగోలు ఖర్చులూ ఉంటాయి. గతంలో కొన్ని ఆరోగ్య బీమా పాలసీలు ఇలాంటి వస్తువుల ఖర్చులకు కవరేజీ ఇవ్వలేదు. అందుకే మీ ఆరోగ్య బీమా పాలసీలో వీట్నింటికీ కవరేజీ ఉండేలా చూసుకోవాలి. దీంతో కరోనా సమయంలో ఇబ్బందులు ఎదుర్కోవాల్సి వచ్చింది. మీ పాలసీలో ఇలాంటి పరిమితులు లేకుండా చూసుకోవాలి. ఇప్పటికే తీసుకున్న పాలసీలో పరిమితులు ఉంటే అనుబంధ పాలసీ తీసుకోవాలి. కరోనా చికిత్స ఖర్చులు ఊహించలేం. ప్రాథమిక పాలసీలు సరిపోకపోతే ఆర్థికంగా కష్టమవుతుంది. కాబట్టి సూపర్ టాపర్ ప్లాన్ తీసుకోవాలి. కనీసం రూ. 25 లక్షల వరకు ఎంచుకోవాలి. ఇప్పటికే మీరు తీసుకున్న మీ అవసరాలకు తగినట్లుగా లేకపోతే ఇన్సూరెన్స్ కంపెనీని మార్చుకునే ప్రయత్నం చేయండి. మంచి క్లెయిమ్ సెటిల్మెంట్, తక్కువ షరతులు ఉండే సంస్థను ఎంచుకుని మీ పాలసీని పోర్ట్ చేసుకోవడం మంచిది. ప్రత్యేకంగా కరోనా సమయంలో తీసుకొచ్చారు. ఇప్పటికీ కొన్ని ఇన్సూరెన్స్ సంస్థలు ఈ పాలసీలను అందిస్తున్నాయి. వాటిని పరిశీలించవచ్చు.