బిగ్‌బాస్ సీజన్-8 రన్నర్ ఇటీవలే ఈ సినిమా రిలీజ్ డేట్‌ని ప్రకటించారు. జులై 4న ఈ సినిమా థియేటర్లలో రిలీజ్ కాబోతుంది. సోలో బాయ్‌లో రమ్య పసుపులేటి, శ్వేత అవస్తి హీరోయిన్లుగా గౌతమ్ పక్కన నటించారు. సెవన్ హిల్స్ సతీష్ సినిమాని నిర్మిస్తుండగా నవీన్ డైరెక్ట్ చేస్తున్నారు. తాజాగా ఈ సినిమా ప్రమోషన్స్‌లో భాగంగా గౌతమ్ ఓ ఇంటర్వ్యూ ఇచ్చాడు. ఇందులో బిగ్‌బాస్ సహా పర్సనల్ విషయాల గురించి కూడా పంచుకున్నాడు.శివాజీతో అలా నిఖిల్‌తో ఇలాగౌతమ్‌ సీజన్-7లో కూడా పార్టిసిపేట్ చేసిన సంగతి తెలిసిందే. ఆ సీజన్‌లో ట్రెండ్ మొత్తం పల్లవి ప్రశాంత్ Vs అమర్‌దీప్ అన్నట్లుగా నడిచింది. దీంతో గౌతమ్ గట్టిగా ఆడినా, పోరాడినా ఫలితం లేకుండా పోయింది. అయితే ఈ సీజన్‌లో శివాజీతో గౌతమ్‌కి బాగా గొడవ జరిగింది. కట్ చేస్తే సీజన్-8లో వైల్డ్ కార్డ్ ఎంట్రీ ఇచ్చి గౌతమ్ దుమ్మురేపాడు.అప్పటివరకూ టైటిల్ రేసులో ఉన్న నిఖిల్‌కి చాలా గట్టి పోటీ ఇచ్చాడు. ఆల్‌మోస్ట్ టైటిల్ నిఖిల్ చేతిలో నుంచి గౌతమ్ లాగేసుకుంటాడేమో అని కూడా ఆడియన్స్ అనుకున్నారు. కానీ కొద్ది తేడాలో గౌతమ్ రన్నరప్‌గా మిగిలిపోయాడు. అయితే ఈ ఇంటర్వ్యూలో యాంకర్ ఇదే విషయంపై ప్రశ్నించాడు. సీజన్-7లో శివాజీతో అంత గొడవ జరిగినా ఆయనతో బాగానే ఉన్నారు కదా.. మరి నిఖిల్ సహా కే (కన్నడ) బ్యాచ్‌తో బయటికి వచ్చాక పెద్దగా కలవలేదు ఎందుకు.. వాళ్లది వేరే భాష అనేనా అంటూ కొశ్చన్ చేశారు. దీనికి గౌతమ్ సూటిగానే ఆన్సర్ ఇచ్చాడు. "నిజానికి నాకు అన్ని భాషల్లోనూ ఫ్రెండ్స్ ఉన్నారు.. అలాంటిదేం లేదు. అయితే సీజన్-7లో వాళ్లతో నాకు ఎక్కువ కంపెనీ ఉంది. ఎందుకంటే వాళ్లతో సీజన్ మొదటి నుంచి నేను ఉన్నాను.. కానీ సీజన్-8లో నేను మధ్యలో వచ్చాను. అప్పటికే ఐదు వారాల ఆట ముగిసిపోయింది.. దీంతో వాళ్లతో మింగిల్ అవ్వడానికి టైమ్ పట్టింది. అలానే నేను రెండు సీజన్లలోనూ సోలో బాయ్‌లానే గేమ్ ఆడాను. కనుక చాలా మంది నన్ను ఫ్రెండ్‌గా చేసుకోవడానికి అంతగా ఇష్టపడి ఉండరు. అయితే బయటికి వచ్చిన తర్వాత నాకు అలాంటి ఫీలింగ్స్ ఏం లేవు. వాళ్లకి కూడా అలాంటివేం లేవనే అనుకుంటున్నాను. అయితే నేను బయట పార్టీలకి అదీ ఎక్కువగా వెళ్లను. అలానే సీజన్-8 బ్యాచ్ వాళ్లు కూడా నన్ను ఎప్పుడూ పిలవలేదు. అందుకే వెళ్లలేదు" అంటూ గౌతమ్ చెప్పాడు. ఆ ఇద్దరు అమ్మాయిల వల్లేఒకప్పుడు బాగా వెయిట్‌గా బొద్దుగా ఉండే గౌతమ్ ఇంత ఫిట్‌గా ఎలా తయారయ్యాడు.. అసలు రీజన్ ఏంటి అని యాంకర్ అడిగారు. దీనికి సమాధానమిస్తూ దీనికి కారణం ఒక అమ్మాయి అంటూ గౌతమ్ ఆన్సర్ ఇచ్చాడు. "ఎంబీబీఎస్ చదువుతున్నప్పుడు కూడా నేను కాస్త లావుగానే ఉన్నాను.. కానీ ఒకసారి మాత్రం ఓ అమ్మాయి నిన్ను నువ్వు చూసుకున్నావా అద్దంలో అని ముఖం మీదే అడిగింది. అది బాగా హర్టింగ్‌గా అనిపించింది.. నేను ఎందుకు సన్నగా అయి చూపించలేను.. ఫిట్‌గా అవ్వాలని అప్పుడు జిమ్‌కి వెళ్లడం స్టార్ట్ చేశాను.. ఆ కసి వల్లే ఇక్కడ వరకూ వచ్చాను.అలానే నా లైఫ్‌లో నాకు జరిగిన బ్రేకప్ వల్లే నేను హీరోగా సినిమాలవైపు రావాలనే ప్యాషన్ ఎక్కువైంది. అసలు 21 ఏళ్లు పూర్తి కాగానే పెళ్లి చేసేసుకోవాలని డిసైడ్ అయిపోయా. మా ఇంట్లో వాళ్లు కూడా అంతా ఓకే చెప్పేశారు. నేను ప్రేమించిన అమ్మాయి ఇంట్లో కూడా అందరూ ఓకే అన్నారు కానీ వాళ్ల నాన్న నో చెప్పారు. సెటిల్ అవ్వకుండా పిల్లని ఇవ్వలేననే కారణం చెప్పారు. దీంతో ఎంబీబీఎస్ పూర్తి చేసి వెళ్లా. అప్పుడేమో క్యాస్ట్ వేరు అదీ ఇదీ అని కారణాలు చెప్పారు. ఆ సమయంలో కూడా ఆ అమ్మాయి నాకు సపోర్ట్ చేస్తూ స్టాండ్ తీసుకోలేకపోయింది. అప్పుడు బలంగా అనుకున్నా. ఏ అమ్మాయి కోసం అయితే సినిమా ప్యాషన్‌ని కూడా త్యాగం చేయాలని అనుకున్నానో అది అవసరం లేదని అర్థమైంది. అప్పుడే ఎలాగైనా సినిమాల్లో ప్రూ చేసుకోవాలని ఇలా వచ్చాను" అంటూ గౌతమ్ చెప్పుకొచ్చాడు.