: () వాస్తవానికి ఎంత ఉంటుంది అని ఆలోచిస్తున్నారా? అయితే మీరు నిరాశ చెందక తప్పదు! ప్రధాన నగరాల్లో కొత్తగా నిర్మిస్తున్న అపార్ట్‌మెంట్లలో, అధునాతన సౌకర్యాల పేరుతో, మధ్య వ్యత్యాసం 40 శాతం వరకు పెరిగిపోతోంది. దీని అర్థం ఏంటంటే, మీరు ఫ్లాట్‌కు చెల్లించే మొత్తంలో దాదాపు సగం డబ్బు, మీరు నివసించే స్థలం కోసం కాకుండా, ఎలివేటర్లు, లాబీలు, మెట్లు, క్లబ్‌హౌస్‌లు, జిమ్ వంటి ఉమ్మడి సౌకర్యాల కోసం పోతోంది! 2019లో ఈ సగటు (కార్పెట్ ఏరియా, సూపర్ బిల్ట్-అప్ ఏరియా మధ్య వ్యత్యాసం) 31 శాతంగా ఉంటే, 2025 జనవరి-మార్చి త్రైమాసికంలో ఇది 40 శాతానికి చేరిందని స్థిరాస్తి సేవల సంస్థ అనరాక్ నివేదించింది. దీంతో ఫ్లాట్ కొనుగోలుదారులు తక్కువ నివాస స్థలంతోనే సర్దుకోవాల్సి వస్తోందని అనరాక్ వివరించింది.లోడింగ్ ఫ్యాక్టర్ అంటే ఏమిటి? ఇది ఎందుకు పెరుగుతోంది?మీరు కొనే ఫ్లాట్‌కు సంబంధించిన సూపర్ బిల్ట్-అప్ ఏరియా (మొత్తం స్థలం), మీరు నిజంగా నివసించే కార్పెట్ ఏరియా (నివాస స్థలం) మధ్య ఉన్న వ్యత్యాసాన్నే లోడింగ్ ఫ్యాక్టర్ అంటారు. ఉదాహరణకు, ఒక ఫ్లాట్ సూపర్ బిల్ట్-అప్ ఏరియా 1,300 చదరపు అడుగులు ఉండి, కార్పెట్ ఏరియా 1,000 చదరపు అడుగులు అయితే, లోడింగ్ ఫ్యాక్టర్ 30 శాతంగా లెక్కిస్తారు."రెరా చట్టం ప్రకారం నిర్మాణదారులు, ఫ్లాట్ కొనుగోలుదారులకు అందించే కార్పెట్ ఏరియాని పేర్కొనడం తప్పనిసరి. కానీ, లోడింగ్ ఫ్యాక్టర్‌ను పరిమితం చేసే నిబంధన లేదు" అని అనరాక్ గ్రూప్ రీజినల్ డైరెక్టర్ ప్రశాంత్ ఠాకూర్ పేర్కొన్నారు. ఆధునిక సౌకర్యాలకు డిమాండ్ పెరగడంతో, నిర్మాణదారులు ఈ ఉమ్మడి స్థలాలను పెంచుకుంటూ పోతున్నారు, దీనివల్ల లోడింగ్ ఫ్యాక్టర్ పెరుగుతోంది.2025 మొదటి త్రైమాసికంలో దేశంలోని 7 ప్రధాన నగరాల్లో ఫ్లాట్ కొనుగోలుకు వెచ్చించే మొత్తంలో, సగటున కేవలం 60 శాతం మాత్రమే నివాసానికి ఖర్చు అవుతుండగా, మిగిలిన 40 శాతం ఎలివేటర్లు, లాబీలు, మెట్లు, క్లబ్‌హౌస్‌లు, జిమ్ వంటి సౌకర్యాలకు వెళ్తోందని అనరాక్ నివేదించింది.దేశంలోని ప్రధాన నగరాల్లో లోడింగ్ ఫ్యాక్టర్ గణనీయంగా పెరిగింది. ఇది కొనుగోలుదారుల జేబుపై మరింత భారం మోపుతోంది. బెంగళూరులో 2019లో 30 శాతంగా ఉన్న లోడింగ్ ఫ్యాక్టర్, 2025 నాటికి 41 శాతానికి చేరింది. ముంబై మెట్రోపాలిటన్ ప్రాంతంలో (MMR) ఇది 33 శాతం నుంచి 44 శాతానికి పెరిగింది. ఢిల్లీ-ఎన్‌సీఆర్‌లో చూస్తే 31 శాతం నుంచి 41 శాతానికి చేరింది. పుణెలో 32 శాతం నుంచి 40 శాతానికి పెరిగింది. హైదరాబాద్‌లో 30 శాతం నుంచి 38 శాతానికి పెరిగింది. చెన్నైలో 30 శాతం నుంచి 36 శాతానికి, కోల్‌కతాలో 30 శాతం నుంచి 39 శాతానికి చేరింది. ఈ గణాంకాలు చూస్తుంటే, ఒక ఫ్లాట్ కొనుగోలు చేసేటప్పుడు, మీరు నిజంగా ఎంత స్థలాన్ని పొందుతున్నారు అనే దానిపై శ్రద్ధ పెట్టడం చాలా ముఖ్యం. 'సూపర్ బిల్ట్-అప్ ఏరియా' పెద్దదిగా కనిపించినా, మీ నివాసయోగ్యమైన స్థలం (కార్పెట్ ఏరియా) తక్కువగా ఉండే అవకాశం ఉందని గుర్తుంచుకోండి. కొనుగోలుదారులు నిర్మాణదారులను కార్పెట్ ఏరియా గురించి స్పష్టంగా అడిగి తెలుసుకోవాలి.