: భారతీయ స్టాక్ మార్కెట్లలో అనిశ్చితి కొనసాగుతోంది. సూచీలు తీవ్ర ఒడుదొడుకుల మధ్య ట్రేడింగ్ సాగిస్తున్నాయి. ఎప్పుడు ఏ స్టాక్ ఆకాశానికి దూసుకెళ్తుందో, ఏది ఒక్కసారిగా పాతాళానికి పడిపోతుందో ఊహించడం కష్టం. కొన్నిసార్లు చిన్న చిన్న ప్రకటనలు సైతం షేర్ల ధరలను తలకిందులు చేస్తుంటాయి. ఇప్పుడు సరిగ్గా ఇలాంటి కీలక పరిణామమే . సోమవారం, జూన్ 9న విప్రో షేర్లలో భారీ బ్లాక్ డీల్ జరిగింది. ప్రమోటర్ సంస్థ అజీమ్ ప్రేమ్‌జీ ట్రస్ట్ ఏకంగా 20.23 కోట్ల షేర్లు, అంటే కంపెనీ మొత్తం ఈక్విటీలో సుమారు రెండు శాతం, రూ. 5,057.5 కోట్ల విలువతో విక్రయించింది. ఎక్స్ఛేంజ్ డేటా ప్రకారం, ఈ షేర్లలో హషమ్ ట్రేడర్స్ 11.90 కోట్ల షేర్లను కొనుగోలు చేయగా, ప్రజిమ్ ట్రేడర్స్ 5.95 కోట్ల షేర్లను కొనుగోలు చేశాయి. ఈ షేర్లు ఒక్కోటి రూ. 250 చొప్పున అమ్ముడుపోయాయి. ఇది అంతకుముందు శుక్రవారం ముగింపు ధర రూ. 248.59తో పోలిస్తే 0.6 శాతం ఎక్కువ అన్నమాట. ఆకర్షించనున్నాయి. సోమవారం సెషన్‌లో (జూన్ 9న) NSE లో ఈ స్టాక్ ఒక శాతానికిపైగా పెరిగి రూ. 251.72 వద్ద ముగిసింది. అసలు 'బ్లాక్ డీల్' అంటే ఏమిటి?షేర్ మార్కెట్‌లో "బ్లాక్ డీల్" అనేది ఒకే లావాదేవీలో కనీసం 5 లక్షల షేర్లు లేదా రూ. 10 కోట్లకు పైగా విలువైన షేర్లను కొనుగోలు చేయడం లేదా విక్రయించడాన్ని సూచిస్తుంది. ఈ డీల్స్ సాధారణ ట్రేడింగ్ గంటల సమయంలో, కానీ ప్రత్యేకంగా బ్లాక్ డీల్ విండోల ద్వారా జరుగుతాయి. సాధారణంగా, ఈ విండోలు రోజుకు రెండుసార్లు తెరచుకుంటాయి: ఒకటి ఉదయం 9:15 నుంచి 9:50 వరకు, మరొకటి మధ్యాహ్నం 2:05 నుంచి 2:20 వరకు. ఈ లావాదేవీలు పెద్ద సంస్థాగత పెట్టుబడిదారులు (ఉదాహరణకు, మ్యూచువల్ ఫండ్లు, విదేశీ సంస్థాగత పెట్టుబడిదారులు, పెద్ద ట్రస్ట్‌లు) నిర్వహిస్తుంటారు. బ్లాక్ డీల్ వివరాలు బహిరంగంగా అందుబాటులో ఉంటాయి, అయితే కొనుగోలుదారులు, విక్రేతల గుర్తింపు వెంటనే వెల్లడి కాకపోవచ్చు.విప్రో స్టాక్ పనితీరు..మార్కెట్ క్యాపిటలైజేషన్ పరంగా నాలుగో అతిపెద్ద ఐటీ సేవల కంపెనీ అయిన విప్రో, మార్చి 2025తో ముగిసిన నాలుగో త్రైమాసికానికి రూ. 3,570 కోట్ల నికర లాభాన్ని ప్రకటించింది. ఇది అంతకుముందు ఇదే కాలంతో పోలిస్తే 26 శాతం ఎక్కువ అని చెప్పొచ్చు. త్రైమాసికంలో కార్యకలాపాల ద్వారా వచ్చిన ఆదాయం సంవత్సరానికి వార్షిక ప్రాతిపదికన ఒక శాతం పెరిగి రూ. 22,504 కోట్లకు చేరుకుంది. ఇక విప్రో స్టాక్ పనితీరు గురించి చూస్తే గత 5 రోజుల్లో 1.87 శాతం పెరిగింది. నెలలో 2 శాతం తగ్గగా.. 6 నెలల వ్యవధిలో చూస్తే 18 శాతానికిపైగా పతనమైంది. ఏడాది వ్యవధిలో స్వల్పంగా 6 శాతం వరకు పుంజుకుంది. కంపెనీ మార్కెట్ విలువ రూ. 2.62 లక్షల కోట్లుగా ఉంది. ఇక స్టాక్ 52 వారాల గరిష్ట ధర రూ. 324.60 కాగా.. కనిష్ట విలువ రూ. 228 గా ఉంది.