33 ఏళ్లకే అంతర్జాతీయ క్రికెట్‌కు రిటైర్మెంట్ పలికి అందర్ని ఆశ్చర్యపరిచాడు దక్షిణాఫ్రికాకు చెందిన . కెరీర్ మంచి జోష్‌లో ఉన్నప్పుడే అతడు ఈ నిర్ణయం తీసుతున్నాడు. ఐపీఎల్ 2025లో సన్‌రైజర్స్ హైదరాబాద్ తరఫున ఆడుతున్న ఈప్లేయర్.. 18వ ఎడిషన్ ముగిసిన వెంటనే తన నిర్ణయాన్ని వెల్లడించాడు. దీంతో క్రీడా ప్రపంచం ఒక్కసారిగా షాక్‌కు గురైంది. కుటుంబంతో ఎక్కువ సమయం గడిపేందుకే తాను రిటైర్మెంట్ నిర్ణయం తీసుకున్నానని.. వీడ్కోలు ప్రకటనలో క్లాసెన్ చెప్పాడు. అయితే అసలు కారణం ఇంకేదో ఉంటుందని అంతా భావించారు.రిటైర్మెంట్ ప్రకటించిన కొన్ని రోజుల తర్వాత క్లాసెన్ తన మనసులోని మాటను చెప్పాడు. ఎందుకు రిటైర్మెంట్ ప్రకటించాల్సి వచ్చిందో వివరించాడు. రాబ్ వాల్ట‌ర్ దక్షిణాఫ్రికా హెడ్‌ కోచ్‌గా వైదొల‌గ‌డం, సెంట్ర‌ల్ కాంట్రాక్ట్‌లో త‌న పేరు లేక‌పోవ‌డంతోనే రిటైర్మెంట్ నిర్ణ‌యానికి వ‌చ్చాన‌ని వెల్లడించాడు.“నేను 2027 వన్డే ప్రపంచకప్‌లో ఆడాలని అనుకున్నా. కానీ మా బోర్డు (దక్షిణాఫ్రికా క్రికెట్ బోర్డు)తో విసిగిపోయా. అంతేకాకుండా హెడ్‌కోచ్‌గా రాబ్ వాల్ట‌ర్ ఉన్నప్పుడు అంతా బాగుండేది. కానీ అతడు కోచ్‌ పోస్టు నుంచి వైదొలగడంతో పాటు.. సెంట్ర‌ల్ కాంట్రాక్ట్‌లో నాకు చోటుద‌క్క‌క‌పోవ‌డం న‌న్ను హర్ట్ చేశాయి. అందుకే గ‌త కొన్ని రోజులుగా నేను సరిగా లేను. ఎలా ఆడుతున్నాను? మా జ‌ట్టు గెలుపు ఓట‌ముల గురించి పెద్ద‌గా ప‌ట్టించుకోలేదు” అని క్లాసెన్ అన్నాడు.“ఛాంపియ‌న్స్ ట్రోఫీ 2025కి ముందు రాబ్‌ వాల్ట‌ర్‌తో చాలా సేపు మాట్లాడా. దక్షిణాఫ్రికా క్రికెట్‌లో జ‌రుగుతున్న ప‌రిణామాల ప‌ట్ల నేను హ్యాపీగా లేనని చెప్పా. గతంలో మాదిరిగా దేశానికి ఆడటాన్ని నేను ఆస్వాదించలేకపోతున్నానని వివరించా. వాల్డర్‌ తప్పుకోవడంతో 2027 వన్డే ప్రపంచకప్ వరకు ఆడాలనే నా ఆలోచన మారిపోయింది. ఇక మా క్రికెట్ బోర్డు కూడా నన్ను పెద్దగా పట్టించుకోలేదు. దీంతో నేను రిటైర్మెంట్ నిర్ణయం తీసుకోవడం తేలికైంది. ఇకపై నేను ఏడాదిలో సగం సమయం నా కుటుంబంతో గడపొచ్చు. నాలుగేళ్లు నాన్‌స్టాప్ క్రికెట్ ఆడాను. ఇప్పుడు రిలాస్క్ అవుతా” అని హెన్రిచ్ క్లాసెన్ తన మనసులోని మాటను బయటపెట్టాడు.క్లాసెన్ 2018లో దక్షిణాఫ్రికా తరఫున అరంగేట్రం చేశాడు. 33 ఏళ్ల అతడు దక్షిణాఫ్రికా తరఫున 60 వన్డేల్లో 2141 పరుగులు.. 58 టీ20ల్లో 1000 పరుగులు సాధించాడు. తన కెరీర్‌లో కేవలం నాలుగు టెస్టులు మాత్రమే ఆడిన ఈ ప్లేయర్.. అందులో 104 రన్స్ స్కోరు చేశాడు. మొత్తంగా తన అంతర్జాతీయ కెరీర్‌లో 4 సెంచరీలు, 16 హాఫ్ సెంచరీలు సాధించాడు.