: . సైబర్ నేరగాళ్లు అమాయక ప్రజలను లక్ష్యంగా చేసుకుని కొత్త కొత్త పద్ధతుల్లో వల విసురుతున్నారు. ఈ మధ్యకాలంలో వచ్చే వాయిస్ కాల్స్, మెసేజ్‌లు ప్రజలను తీవ్ర ఆందోళనకు గురిచేస్తున్నాయి. కాస్త అజాగ్రత్తగా ఉన్నా, క్షణాల్లో మీ బ్యాంక్ ఖాతా ఖాళీ అయ్యే ప్రమాదం ఉంది. ఈ మోసాలపై ప్రతి ఒక్కరూ అప్రమత్తంగా ఉండటం అత్యవసరం. మోసగాళ్లు తమను రిజర్వ్ బ్యాంక్ ఆఫ్ ఇండియా () అధికారులుగా నటిస్తూ ఫోన్ కాల్స్ చేస్తుంటారు. వారు చెప్పే మాటలు నమ్మశక్యం కానివిగా అనిపించినా, బెదిరింపు ధోరణిలో మాట్లాడుతూ ప్రజలను గందరగోళానికి గురిచేస్తారు.మీ బ్యాంక్ ఖాతాలో అనుమానాస్పద లావాదేవీలు జరుగుతున్నాయని, లేదా మీ ఖాతా/పాన్ కార్డ్ బ్లాక్ అవుతుందని బెదిరిస్తారు. పూర్తి వివరాల కోసం లేదా సమస్యను పరిష్కరించడానికి ఫోన్‌లో ఒకటి లేదా రెండు నొక్కమని అడుగుతారు. మీరు స్పందించగానే, వెంటనే మీ ఫోన్‌కు ఓటీపీలు వస్తాయి. వాటిని తమకు చెప్పాలని ఒత్తిడి చేస్తారు. ఒకవేళ మీరు ఈ మోసగాళ్ల మాటలకు లొంగి ఓటీపీలను చెప్పారంటే, మీ బ్యాంక్ అకౌంట్ క్షణాల్లో ఖాళీ అయ్యే ప్రమాదం ఉంది. గుర్తుంచుకోండి: ఆర్‌బీఐ ఎప్పుడూ వ్యక్తిగతంగా ఎవరికీ ఫోన్లు చేయదు. ఆర్‌బీఐ పేరుతో వచ్చే కాల్స్ అన్నీ నకిలీవే.SBI పేరుతో మోసం..స్టేట్ బ్యాంక్ ఆఫ్ ఇండియా (ఎస్‌బీఐ) పేరుతో వచ్చే మోసపూరిత మెసేజ్‌లు కూడా చాలా ఎక్కువయ్యాయి. "మీ రివార్డు పాయింట్ల గడువు ముగియనుంది. వెంటనే రీడీమ్ చేసుకోండి" వంటి సందేశాలు పంపి, వినియోగదారులను ఆకర్షిస్తారు.ఈ సందేశాల్లో ఒక లింక్ ఉంటుంది. మీరు ఆ లింక్‌ను క్లిక్ చేస్తే, అది ఎస్‌బీఐ లాగే కనిపించే ఒక నకిలీ వెబ్‌సైట్‌కు తీసుకెళ్తుంది. ఆ నకిలీ వెబ్‌సైట్‌లో మీ బ్యాంక్ అకౌంట్ వివరాలు, కార్డు నంబర్, సీవీవీ, ఓటీపీలు వంటి సున్నితమైన సమాచారాన్ని అడుగుతారు. మీరు అడిగిన వివరాలన్నీ అందించారంటే, మీ బ్యాంక్ ఖాతాలోని డబ్బు పోయే ప్రమాదం ఉంటుంది. ఎస్‌బీఐ మాత్రమే కాదు, ఏ బ్యాంకు కూడా మీ ఖాతా వివరాలు, కార్డు నంబరు, ఓటీపీలు వంటి వాటిని ఫోన్ కాల్స్ లేదా మెసేజ్‌ల ద్వారా ఎప్పుడూ అడగదు.మోసాల బారిన పడకుండా ఉండాలంటే ఏం చేయాలి?సైబర్ మోసాల బారిన పడకుండా ఉండటానికి కొన్ని సాధారణ జాగ్రత్తలు తీసుకోవడం చాలా ముఖ్యం.ఓటీపీ, పాస్‌వర్డ్, పిన్‌లను ఎవరికీ చెప్పొద్దు: బ్యాంక్ అధికారిగా చెప్పినా, మరెవరైనా చెప్పినా, మీ వ్యక్తిగత గోప్యమైన సమాచారాన్ని ఎవరికీ ఫోన్ ద్వారా లేదా మెసేజ్ ద్వారా వెల్లడించొద్దు.లింక్స్ క్లిక్ చేయొద్దు: తెలియని లేదా అనుమానాస్పద నంబర్ల నుంచి వచ్చే సందేశాల్లోని లింక్స్ క్లిక్ చేయొద్దు. అవి నకిలీ వెబ్‌సైట్‌లకు మిమ్మల్ని తీసుకెళ్లొచ్చు.బ్యాంకును సంప్రదించండి: మీకు ఏదైనా సందేహం వస్తే, ఆయా బ్యాంకుల అధికారిక కస్టమర్ కేర్ నంబర్లక నేరుగా కాల్ చేసి వివరాలు తెలుసుకోండి. గూగుల్ సెర్చ్‌లో కనిపించే నంబర్లను కూడా గుడ్డిగా నమ్మకండి, అవి నకిలీవి కావొచ్చు.మీరు అప్రమత్తంగా ఉంటేనే, సైబర్ నేరగాళ్ల బారి నుంచి మిమ్మల్ని, మీ కష్టార్జితాన్ని రక్షించుకోవచ్చు.