Finfinnee, Waxabajii 30, 2017(FMC) – Yaa’iin BRICS fi hirmaannaan Itiyoophiyaagama hundaan milkaa’aa ture jedhan Ministirri Tajaajila Kominikeeshinii Mootummaa Dooktar Laggasaa Tulluun.Ministirri Tajaajila Kominikeeshinii Mootummaa Dooktar Laggasaa Tulluun yaa’ii BRICS 17ffaa Riyoo De Jaaneerootti gaggeeffame ilaalchisee ibsa kennaniiru..Ibsa isaaniin,Jilli Dooktar Abiy Ahimadiin durfamu imala gara Biraazilitti taasiseen kaayyoo lama qabateetti jedhan.Yaa’ii Hoggantootaa BRICS irratti hirmaachuu fi hariiroo gamlamee biyyoota waliin qaban cimsuu fi haaloota mijeessuuf akka ta’e himan.Yaa’icharratti qabxiileen ijoo jahan kaa’uu ibsaniiru.Yaa’icharratti bulchiinsi hirmaachiisaa ta’e akka jiraatuuf keessattuu nageenyaa fi tasgabbiirratti addunyaan sagalee hundaa akka dhaggeessuuf hojjetamuu qaba jedhan.Haalli addunyaan wayita ammaa keessa jirtu kan hin yaadamnee fi ulfaata ta’uu hoggantoonni kunneen yaa’icharratti kaasuu eeran.Keessattuu biyyoonni Kibba Eeshiyaa, Laatiin Ameerikaa fi Eeshiyaa sagaleen isaanii kan hin dhaga’amne ta’uu kaasaniiru.Addunyaan walitti bu’iinsa tokkorraa gara biraatti ce’aa jiraachuunis yaa’iicharartti ka’uu himan.Ministirri Muummee FDRI Dooktar Abiy Ahimad haasawaa akkaataa faayidaa biyyaalessaa fi hammattoo walabummaa Itiyoophiyaa giddugaleessaa godhateen taasisaaniin, Addunyaan naannawaa hunda hammachuu qabdi jedhan.Keessattuu sagaleen biyyoota Afrikaa dhaabbilee idil addunyaa hunda biratti akka dhaggeeffatamuuf gaafataniiru.Hariiroo fi tumsa Kibbaa Kibbaa irratti mari’atamuus ibsuun biyyoonni kunneen hariiroo waggoottan dheeraa waliin qabanirratti xiyyeeffachuun tumsa hundagaleessaa guddisuu akka qaban eerameera.Dooktar Abiy Itiyoophiyaan biyya seenaa fi qaroominaa baroota dheeraa qabdu ta’uu himuun, misoomaa ishee guddisuuf biyyoota kanneen wajjiin hojjechuun barbaachiisa ta’uu dubbataniiru.Yaa’ichaan kaka’umsa Diinagdee fi faayinaasirrattis mari’atamuu ibsuun, waliingahiinsa fayyaa, barnootaa fi wabii nyaataa mirkaneessuuf tumsaan hojjechuun murteessaa ta’uun kaafameera.Dhaabbileen idil addunyaa, keessattuu dhaabbileen faayinaansii hirmaachiisoo akka ta’an haaloonni mijachuu akka qaban kaasaniiru.Ministirri Muummee FDRI Dooktar Abiy Ahimad gamasaaniin, tumsa biyyoota kanneen wajjiin jiruun Itiyoophiyaan fayyadamtuu ta’uu ibsuun, kanaafiis kan hojjetamuu ta’uu kaasaniiru.Bulchiinsa Hubannoo namtolchee fi Diijitaalayizeeshiniirratti yaa’ichi mari’achuu himan Dooktar LaggasaanWayita ammaa Diijitaalayizeeshiniin ka’umsa walitti bu’iinsaa ta’aa dhufuun ibsameera.Akkasumas ka’umsa shororokeessummaa ta’aa dhufus ibsuun kanaafis waloon ittisuun murteessaadha jedhan.Diijitaalayizeeshiniin carraa fi hudhaalee hedduu qabaachuu ibsuun, Itiyoophiyaan damee hubannoo namtolcheen hojiilee bal’aa hojjechaa jiraachuu Dooktar Abiy yaa’icharratti dubbataniiru.Sodaalee jiran hir’isuun faayidaa isaarratti waloon hojjechuun barbaachiisadha jedhan.Yaa’iichi diinagdee jijjiirama qabeenya qilleensaa dandamachuu danda’u ijaaruurrattis mari’ateera.Itiyoophiyaan damichaan hojiilee fakkeenya addunyaa ta’uu danda’an hojjechaa jiraachuu Ministirri Muummee Dooktar Abiy Ahimad ibsaniiru.Yaa’ichi dhumaarratti Ijaarsa dhaabbileerratti mari’achuu Dooktar Laggasaan dubbataniiru.Haaluma kanaan hirmaannaan Itiyoophiyaa yaa’icharratti milkaa’aa ture jedhanTsahaay Gulummaatiin.#Oromia #EthiopiaOdeeffannoowwan waqtaawaa dabalataa argachuuf;Teelegiraama t.me/afanoromofanaYuutiyuubii Afaan Oromo: www.youtube.com/@fmcafaanoromooMarsariitii www.fanamc.com/afaanoromooTiwiitara https://twitter.com/fanatelevisionFeesbuukii: FBC Afaan OromooTiktok https://www.tiktok.com/@fana_afaan_oromooYeroo maraa nu waliin waan taataniif isin galateeffanna.