యావత్తు ప్రపంచం (AI)తో ఉద్యోగాలు పోతాయనే ఆందోళనలు, భయాలు వెంటాడుతున్నాయి. కానీ, AI వల్ల కొత్త ఉద్యోగాలు కూడా వస్తాయని నిపుణులు భరోసా ఇస్తున్నారు. తాజాగా, ఈ విషయంపై మరో 100 ఏళ్లలో కూడా ప్రోగ్రామర్లను AI భర్తీ చేయలేదు అని ఆయన అన్నారు. కోడింగ్ చేయడానికి కూడా మానవ మేధస్సు, ఆలోచనలు అవసరమని ఆయన చెప్పారు. ప్రోగ్రామింగ్ రంగంలో AI మనకు సహాయకుడిగా ఉంటుందని పేర్కొన్నారు. ‘‘డీబగ్గింగ్ వంటి క్లిష్టమైన పనుల్లో సాయం చేస్తుంది. కానీ పూర్తిగా మనుషుల స్థానాన్ని AI తీసుకోలేదు. ప్రోగ్రామింగ్‌లో కష్టమైన సమస్యలను పరిష్కరించడానికి సృజనాత్మకత అవసరం. అది మెషీన్లు చేయలేవు. ప్రోగ్రామింగ్‌కు ఆలోచన, ఊహ, పరిస్థితులకు తగ్గట్టుగా మారే లక్షణాలు ఉండాలి (AI) లో లేవు’’ అని మైక్రోసాఫ్ట్ అధినేత చెప్పారు.కోడింగ్ రాయడం అంటే కేవలం టైపింగ్ చేయడం కాదు. చాలా లోతుగా ఆలోచించాలని బిల్ గేట్స్ వ్యాఖ్యానించారు. మనుషుల సృజనాత్మకతకు ఏ అల్గారిథమ్ సరిపోదు అని ఆయన అభిప్రాయపడ్డారు. గతంలో కూడా బిల్ గేట్స్ ఈ అంశంపై మాట్లాడారు. కోడింగ్, ఎనర్జీ మేనేజ్‌మెంట్, బయాలజీ రంగాలకు ఆటోమేషన్ వల్ల పెద్దగా ప్రమాదం ఉండదు అని ఆయన అన్నారు. సమస్యలను పరిష్కరించే సామర్థ్యం, సృజనాత్మకత, పరిస్థితులకు తగ్గట్టుగా మారే లక్షణాలను AI ఇంకా సంపాదించలేదని, అందుకే ఈ రంగాలకు ముప్పు తక్కువ అని ఆయన అన్నారు. కాగా, వల్ల నష్టాలు అటుంచితే.. అద్భుతం కూడా సాకారం అయ్యింది. ఏఐ సాయంతో మహిళ గర్భం దాల్చింది. 2030 నాటికి ప్రపంచవ్యాప్తంగా 8.5 కోట్ల ఉద్యోగాలను AI తీసేస్తుందని వరల్డ్ ఎకనామిక్ ఫోరమ్ అంచనా వేసింది. అదే సమయంలో 9.7 కోట్ల కొత్త ఉద్యోగాలు వస్తాయని ఆశాభావం వ్యక్తం చేసింది. దీనిపై గేట్స్ స్పందిస్తూ.. AI వల్ల ముప్పు ఉందని తాను కూడా ఆందోళన చెందుతున్నట్లు తెలిపారు. కానీ AIని తెలివిగా ఉపయోగించుకుంటే మన పని సామర్థ్యం పెరుగుతుంది. మనకు ఎక్కువ ఖాళీ సమయం దొరుకుతుంది అని ఆయన అన్నారు. ‘ప్రోగ్రామింగ్‌ రంగంలో AI మనకు అసిస్టెంట్‌గా వ్యవహరిస్తుంది. డీబగ్గింగ్‌ లాంటి బోరింగ్‌ అంశాల్లో సాయం చేస్తుంది. అంతేగానీ, పూర్తిగా ప్రత్యామ్నాయంగా మారదు’ అని పేర్కొన్నారు.