నేచురల్ స్టార్ నాని హీరోగా శ్రీకాంత్ ఓదెల దర్శకత్వంలో తెరకెక్కుతున్న చిత్రం 'ది పారడైజ్'. 'దసరా' వంటి బ్లాక్ బస్టర్ తర్వాత వీరిద్దరి కాంబోలో వస్తోన్న సినిమా ఇది. భారీ బడ్జెట్ తో ప్రతిష్టాత్మకంగా రూపొందిస్తున్నారు. ఈసారి పాన్ ఇండియా కాదు, గ్లోబల్ వైడ్ గా రిలీజ్ చేయాలని ప్లాన్ చేసుకుంటున్నారు. ఇందులో భాగంగా స్టార్ క్యాస్టింగ్, టాప్ నాచ్ టెక్నిషియన్స్ ను ఈ ప్రాజెక్ట్ లోకి తీసుకుంటున్నారు. తాజాగా మేకర్స్ సినిమాకి సంబంధించిన ఓ క్రేజీ అప్డేట్ అందించారు. 'ది పారడైజ్' సినిమాలో నటించే ప్రధాన నటీనటుల గురించి ఇప్పటికే సోషల్ మీడియాలో వార్తలు ప్రచారంలో ఉన్నాయి. హీరోయిన్ గా ఫలానా బాలీవుడ్ బ్యూటీని తీసుకుంటున్నారని, విలన్ గా ఓ పాపులర్ స్టార్ నటించనున్నారని చెప్పుకుంటున్నారు. కానీ ఏదీ అఫీషియల్ గా అనౌన్స్ చేయలేదు. టైటిల్ గ్లింప్స్ ద్వారా మరాఠీ నటి సోనాలి కులకర్ణి కీలక పాత్రలో కనిపించనున్నారనే విషయం స్పష్టమైంది. అయితే ఈ సినిమాలో బాలీవుడ్ యాక్టర్ రాఘవ్ జుయల్ కూడా భాగమయ్యారని చిత్ర బృదం అధికారికంగా ప్రకటించింది. ()రాఘవ్ జుయల్ పుట్టినరోజు సందర్భంగా 'ది పారడైజ్' టీమ్ సోషల్ మీడియా వేదికగా శుభాకాంక్షలు తెలియజేసింది. ఆయన ఈ సినిమాలో ఓ యునిక్ రోల్ లో కనిపించనున్నారని, అది కచ్చితంగా అందర్నీ సర్ప్రైజ్ చేస్తుందని పేర్కొన్నారు. ఈ సందర్భంగా రాఘవ్ కు డైరెక్టర్ శ్రీకాంత్ ఓదెల తన క్యారక్టర్ గురించి వివరిస్తున్న ఓ వీడియోని షేర్ చేసారు. లూజ్ హాఫ్ హ్యాండ్స్ షర్ట్ ధరించి, క్లీన్ షేవ్, మీసాలతో కంప్లీట్ డిఫరెంట్ గా కనిపిస్తావని శ్రీకాంత్ చెబుతుండగా.. అద్భుతంగా ఉందని జుయల్ చెప్పడాన్ని ఈ వీడియోలో చూడొచ్చు. సెట్లో గన్నులు, గొడ్డళ్లు, రకరకాల ఆభరణాలు, పక్కనే దున్నపోతు వంటి సెటప్ చూస్తుంటే.. ఇందులో రాఘవ్ జుయల్ పాత్ర చాలా వైవిధ్యంగా ఉండబోతోందని తెలుస్తోంది. అది పక్కా విలన్ పాత్ర అనే సందేహాలు కలుగుతున్నాయి. రాఘవ్ జుయల్ ఓటీటీలో స్ట్రీమింగ్ అవుతున్న 'కిల్' సినిమా ద్వారా తెలుగు ప్రేక్షకులకు పరిచయ్యాడు. అందులో క్రూరమైన విలన్ గా తన నటనతో అందర్నీ ఆశ్చర్యపరిచాడు. అంతకముందు 'కిసీ కా భాయ్ కిసీ కీ జాన్' చిత్రంలో సల్మాన్ ఖాన్ తమ్ముడిగా నటించారు. స్వతహాగా మంచి డ్యాన్సర్ అయిన జుయల్.. పలు డ్యాన్స్ షోలలో కంటెస్టెంట్ గా పాల్గొన్నారు. స్లో మోషన్ డ్యాన్స్ లతో గుర్తింపు తెచ్చుకున్నాడు. ఈ క్రమంలోనే సినిమాల్లో అవకాశాలు అందుకున్నాడు. ఇప్పుడు 'ది పారడైజ్' మూవీతో టాలీవుడ్ లో ఎంట్రీ ఇవ్వడానికి రెడీ అయ్యాడు.'ది ప్యారడైజ్‌' చిత్రాన్ని ఎస్‌.ఎల్‌.వి సినిమాస్‌ బ్యానర్ పై సుధాకర్‌ చెరుకూరి నిర్మిస్తున్నారు. ప్రస్తుతం రామోజీ ఫిల్మ్‌ సిటీలో ప్రత్యేకంగా తీర్చిదిద్దిన సెట్‌లో ఓ భారీ యాక్షన్‌ ఎపిసోడ్‌ని చిత్రీకరిస్తున్నారు. అనిరుధ్‌ రవిచందర్‌ సంగీతం సమకూరుస్తున్న ఈ చిత్రానికి అవినాష్‌ కొల్లా ప్రొడక్షన్‌ డిజైనర్‌ గా వ్యవహరిస్తున్నారు. తెలుగు, తమిళ, కన్నడ, మలయాళ, హిందీ, బెంగాలీ, ఇంగ్లీష్, స్పానిష్ వంటి మొత్తం 8 భాషల్లో ఈ సినిమాని విడుదల చేయనున్నారు. వచ్చే ఏడాది మార్చి 26న ప్రేక్షకుల ముందుకు తీసుకురానున్నారు. ()