سعودی عرب میں مقیم ہندوستانیوں کے لیے سفارت خانے نے ایڈوائزری جاری کی ہے۔ اس میں انہیں پرسکون اور محتاط رہنے کی ہدایت دی گئی ہے۔ ساتھ ہی کہا گیا ہے کہ موجودہ حالات کے پیش نظر فضائی حملے کی صورت میں گھر کے اندر رہیں۔ ایڈوائزری میں کہا گیا ہے کہ موجودہ حالات کو دیکھتے ہوئے سعودی عرب میں مقیم تمام ہندوستانی شہریوں کو مشورہ دیا جاتا ہے کہ وہ پرسکون اور محتاط رہیں، فضائی حملے کی صورت میں گھر کے اندر رہیں اور مقامی حکام کی جانب سے آفیشیل چینلز کے ذریعے جاری کردہ ہدایات پر عمل کریں۔ اس کے علاوہ انہیں ہدایت دی گئی ہے کہ وہ جاری واقعات سے متعلق کسی بھی ویڈیو یا خبر کو نہ پھیلائیں اور نہ ہی دوبارہ پوسٹ کریں۔ ریاض میں ہندوستانی سفارت خانہ، جدہ میں قونصل خانہ اور وی ایف ایس کے ذریعے فراہم کی جانے والی آؤٹ سورس پاسپورٹ اور تصدیق کی خدمات معمول کے مطابق کام کر رہی ہیں۔ / pic.twitter.com/gPuYrnft1i— India in Saudi Arabia (@IndianEmbRiyadh) October 13, 2026سفارت خانے نے بتایا کہ جاں بحق ہونے والے ہندوستانی شہری محمد یوسف علی کی آخری رسومات ان کے اہل خانہ کی خواہش کے مطابق 12 اکتوبر کو ریاض میں ادا کر دی گئیں۔ سفیر اور سفارت خانے کے افسران نے آخری رسومات میں شرکت کی۔ زخمیوں کے بارے میں بتایا گیا کہ 4 ہندوستانی شہری اب بھی آئی سی یو میں ہیں، جبکہ 4 افراد کا جنرل وارڈ میں علاج جاری ہے اور 3 افراد کو اسپتال سے چھٹی دے دی گئی ہے۔ سفارت خانے کے افسران ان اسپتالوں کا دورہ کر رہے ہیں جہاں زخمی ہندوستانی شہریوں کا علاج جاری ہے۔ وہ ان کے اہل خانہ سے مسلسل رابطے میں ہیں اور ہر ممکن مدد فراہم کی جا رہی ہے۔ریاض ایئرپورٹ پر حملہ: ہندوستان کی شدید مذمت، سعودی عرب سے یکجہتی کا اظہارسفارت خانے کے مطابق جنرل اتھارٹی آف سول ایوی ایشن نے ریاض کے کنگ خالد انٹرنیشنل ایئرپورٹ پر آپریشنز جاری رہنے کا اعلان کیا ہے۔ دمام، جدہ اور مدینہ جیسے دیگر بڑے ہوائی اڈوں پر بھی پروازیں جاری ہیں، تاہم ان میں رکاوٹیں پیش آ رہی ہیں۔ دستیاب معلومات کے مطابق ہندوستانی ایئرلائنز نے سعودی عرب کے لیے اپنی پروازیں معطل کر دی ہیں۔ سفارت خانے نے مزید بتایا کہ 13 اکتوبر کو 13:45 بجے موصولہ اطلاع کے مطابق ایئر انڈیا اور ایئر انڈیا ایکسپریس کی ریاض، دمام اور جدہ کے لیے اور وہاں سے آنے جانے والی پروازیں 17 اکتوبر 2026 تک معطل رہیں گی۔