عراقی وزیراعظم نے سعودی ولی عہد کو یقین دہانی کرائی ہے کہ عراقی سرزمین حملوں کے لیے استعمال نہیں ہونے دی جائے گی۔عراقی خبر رساں ایجنسی (INA) کی رپورٹ کے مطابق عراقی وزیراعظم علی فالح الزیدی نے سعودی ولی عہد محمد بن سلمان (MBS) کو یقین دلایا ہے کہ وہ سعودی عرب کے خلاف حملوں کے لیے عراقی سرزمین کے استعمال کی اجازت نہیں دیں گے۔الزیدی بدھ کے روز ریاض پہنچے ہیں جو مئی میں عہدہ سنبھالنے کے بعد مملکت کا یہ ان کا پہلا دورہ ہے۔انہوں نے یہ بھی کہا کہ وہ عراق کی سرزمین سے خطے کے دیگر ممالک کے خلاف حملے کرنے کی اجازت نہیں دیں گے۔آئی این اے (INA) کی رپورٹ کے مطابق، الزیدی کے دفتر نے ایک بیان میں کہا کہ عراق کا دو ٹوک موقف یہ ہے کہ وہ اپنی سرزمین کو ایسے کسی بھی حملے یا کارروائی کے لیے ‘لانچنگ پیڈ’ (مرکزی اڈے) کے طور پر استعمال کرنے کی اجازت نہیں دے گا جس سے مملکت اور خطے کے ممالک کی سلامتی متاثر ہوتی ہو نیز، عراق اچھے ہمسائے کے اصولوں کی پاسداری اور اپنے اور برادر و دوست ممالک کی خودمختاری کے احترام کے لیے پرعزم ہے۔گزشتہ ماہ یمن میں حوثیوں کی جانب سے کیے گئے اچانک اور تیز رفتار حملوں کے دوران سعودی عرب کی ‘مشرق-مغرب’ (East-West) آئل پائپ لائن کو ڈرونز کے ذریعے نشانہ بنایا گیا تھا۔اس حملے کے باعث ریاض کو برآمدات کے اس راستے کو عارضی طور پر بند کرنا پڑا، جسے سعودی عرب آبنائے ہرمز کے متبادل کے طور پر استعمال کرتا رہا ہے۔