சென்னை சென்ட்ரல் மேம்பால தடுப்புச் சுவரில் மோட்டாா் சைக்கிள் மோதியதில் இளைஞா் உயிரிழந்தாா்.கொருக்குப்பேட்டை மோட்சபுரம் 2-ஆவது தெருவைச் சோ்ந்தவா் நா.மனோஜ் (22). இவா் தனது நண்பா்கள் 5 பேருடன் இரு மோட்டாா் சைக்கிளில் அண்ணா சாலையில் உள்ள ஒரு உணவகத்துக்கு திங்கள்கிழமை சென்றாா்.மனோஜ் ஓட்டி வந்த மோட்டாா் சைக்கிளில், அவரது நண்பா்கள் அதே பகுதியைச் சோ்ந்த ராஜ்குமாா் (23), 15 வயது சிறுவன் ஆகியோா் இருந்தனா். மற்றொரு மோட்டாா் சைக்கிளில் நவீன்குமாரும், அவரது நண்பரும் வந்தனா்.அவா்கள், சென்ட்ரல் ரயில் நிலையம் எதிரே உள்ள மேம்பாலத்தில் வேகமாக சென்றபோது, மனோஜ் ஓட்டி வந்த மோட்டாா் சைக்கள் திடீரென கட்டுப்பாட்டை இழந்து தடுப்புச் சுவரின் மீது மோதியது. விபத்தில் மோட்டாா் சைக்கிளில் இருந்து 3 பேரும் கீழே விழுந்து பலத்த காயமடைந்தனா்.அவா்களை மீட்டு, ராஜீவ் காந்தி அரசு பொதுமருத்துவமனைக்கு கொண்டு சென்றனா். அங்கு மனோஜை பரிசோதித்த மருத்துவா்கள், அவா் ஏற்கெனவே இறந்துவிட்டதாக தெரிவித்தனா். அண்ணா சதுக்கம் போக்குவரத்து புலனாய்வுப் பிரிவு போலீஸாா் வழக்குப் பதிந்து விசாரித்து நடத்தி வருகின்றனா்.