سعودی عرب میں دو بنگلہ دیشی شہریوں کی سزائے موت پر عمل درآمد کے بعد بنگلہ دیشی حکام کا کہنا ہے کہ انھیں گرفتاری، مقدمے اور سزا کے بارے میں پیشگی اطلاع نہیں دی گئی۔ ماہرین کے مطابق، سعودی عرب نے دونوں شہریوں کو قونصلر اور قانونی معاونت کے حق سے محروم رکھ کر ویانا کنونشن کی خلاف ورزی کی ہے۔ بنگلہ دیشی حکام کو تاحال دونوں کی میتوں کے بارے میں معلومات نہیں مل سکیں اور نہ ہی یہ معلوم ہے کہ انھیں کب وطن واپس لایا جا سکے گا۔