Finfinnee, Onkoloolessa 4, 2019 (FMC) — Itiyoophiyaa fi Deenmaarki tumsa jijjiirama qilleensaa irratti qaban caalaatti cimsuuf waliigaltee haaraa mallatteessan. Waliigalticha Ministirri Maallaqaa Dooktar Fitsum Asaffaa fi Itiyoophiyaatti Ambaasaaddarri Deenmaark Sunee Kiroogistiruup mallatteessaniiru. Bu’uura waliigaltee kanaan, Deenmaark ajandaawwan dursaa fi kallattiiwwan xiyyeeffannoo jijjiirama qilleensaa Itiyoophiyaan qabdu sadarkaa idil-addunyaatti beeksisuu fi mul’isuuf maallaqaan ni deggarti. Waliigaltichi waltajjiiwwan jijjiirama qilleensaa irratti hirmaannaa dammaqaa Itiyoophiyaan taasisaa turteef deeggarsa Deenmaark kennite irratti kan hundaa’e yoo ta’u, hariiroo michummaa fi tumsa biyyoota lamaanii itti fufiinsa qabu caalaatti kan cimsu ta’uun ibsameera.#Itiyoophiyaa #BiyyaGuddoo #UummataGuddaa #MullataGuddaa