යුක්රේන ජනාධිපති Volodymyr Zelensky, බ්‍රිතාන්‍ය අග්‍රාමාත්‍ය නිල නිවස වන Downing Street වෙත පිළිගනිමින්, “අපි ඔබ සමඟ සිටිනවා. එය කිසිදා වෙනස් වන්නේ නැහැ” යනුවෙන් බ්‍රිතාන්‍ය අගමැති Andy Burnham ප්‍රකාශ කළේය. ඇමෙරිකානු ජනාධිපති Donald Trump, Zelensky ධුරයෙන් ඉවත් විය යුතු බවට ප්‍රකාශ කිරීමෙන් සහ රුසියානු ඩීසල් සඳහා පනවා තිබූ සම්බාධක ඉවත් කිරීමෙන් අනතුරුව, සිය මිත්‍ර රටවල සහාය තවදුරටත් තහවුරු කර ගැනීමේ ප්‍රයත්නයේ පියවරක් ලෙස යුක්රේන ජනාධිපතිවරයා ලන්ඩනයට පැමිණියේය.ඇමෙරිකානු ජනාධිපතිවරයා යෝජනා කළ බලශක්ති ක්ෂේත්‍රයට අදාළ සටන් විරාමයක් පිළිබඳ සාකච්ඡා කිරීමට යුක්රේනය සූදානම් බව බ්‍රිතාන්‍ය අගමැතිවරයා පැවසීය. එහෙත්, ඊට ප්‍රතිචාර වශයෙන් රුසියාව යුක්රේනයේ අත්‍යවශ්‍ය ජාතික යටිතල පහසුකම් වෙත තවදුරටත් ප්‍රහාර එල්ල කර ඇති බව ද ඔහු සඳහන් කළේය. අපගේ ජනතාව අභියෝග හමුවේ නොසැලී සිටීමටත්, ඉදිරියටත් එසේ කිරීමටත් හැකි වී තිබෙන්නේ අපට ශක්තිමත් හවුල්කරුවන් සිටීම හේතුවෙනුයි’ යනුවෙන් Zelensky මෙහිදී පැවසීය. Downing Street වෙත පැමිණි යුක්රේන ජනාධිපතිවරයා, බ්‍රිතාන්‍ය අගමැතිවරයා විසින් පිළිගනු ලැබුවේ උණුසුම් වැළඳගැනීමකින් අනතුරුවයි. රාජ්‍ය සේවකයන්ගේ ඔල්වරසන් හඬ මධ්‍යයේ, විශේෂ ආරක්ෂක ගෞරව මුරයකින් ද ඔහුට ගෞරව දැක්විණThe post අපි ඔබ සමගයි – බ්‍රිතාන්‍ය අගමැති Zelenskyට කියයි appeared first on Siyatha News.