سپریم کورٹ نے بچوں کے انٹرنیٹ استعمال کرنے کے حوالے سے اہم تبصرہ کرتے ہوئے کہا کہ انٹرنیٹ تک رسائی اور اس کے استعمال کا حق ہر شخص کا بنیادی حق ہے۔ اس میں بچے بھی شامل ہیں، خواہ ان کی عمر کچھ بھی ہو۔ عدالت نے واضح کیا کہ بچوں کو آن لائن خطرات سے بچانے کے نام پر انہیں انٹرنیٹ سے مکمل طور پر محروم نہیں کیا جا سکتا۔ بچوں کی حفاظت اور ان کی آزادی ایک دوسرے کے متضاد نہیں ہیں، بلکہ بچے دونوں کے حقدار ہیں۔'Internet Access Fundamental Right For Children': Supreme Court No To Age-Related Ban https://t.co/zDhBpJ9obY pic.twitter.com/FRBBVLyd0c— NDTV (@ndtv) October 17, 2026جسٹس جے بی پاردی والا اور جسٹس کے ونود چندرن کی بنچ نے کہا کہ انٹرنیٹ تک رسائی اور اس کے استعمال کا حق آئین کی دفعہ 21 اور دفعہ 19(1)(اے) کے تحت بنیادی حق ہے۔ عدالت کے مطابق بچوں کو اس حق سے مکمل طور پر محروم کرنا اتنا ہی غلط ہوگا، جتنا یہ ماننا کہ ایک مخصوص عمر سے کم بچوں میں عقل و شعور یا اظہار رائے کی آزادی نہیں ہوتی۔ سپریم کورٹ نے اپنے فیصلے میں اس سوال پر غور کیا کہ بچوں کو آن لائن خطرات سے بچانے کے لیے کیا انہیں انٹرنیٹ اور سوشل میڈیا سے مکمل طور پر دور رکھا جانا چاہیے؟بچوں کے سوشل میڈیا استعمال پر پابندی کا مطالبہ، سپریم کورٹ کا مرکز سے جواب طلبعدالت نے انٹرنیٹ کو خیالات، تخلیقی اظہار اور معلومات کا ایک اہم ذریعہ قرار دیا۔ اس کی اہمیت کو واضح کرتے ہوئے کہا کہ انٹرنیٹ صرف معلومات کا ذخیرہ نہیں ہے، بلکہ بالغوں اور بچوں دونوں کو معلومات تک رسائی کا موقع فراہم کرتا ہے۔ سپریم کورٹ نے یہ بھی کہا کہ کئی بچوں کے لیے خاص طور پر دور دراز علاقوں میں رہنے والوں کے لیے انٹرنیٹ سیکھنے اور معلومات حاصل کرنے کا واحد ذریعہ ہو سکتا ہے۔ ایسے میں بچوں کو انٹرنیٹ سے مکمل طور پر دور رکھنا ان کے سیکھنے، معلومات حاصل کرنے اور اپنی بات رکھنے کے مواقع کو محدود کر سکتا ہے۔’نابالغ بچے سوشل میڈیا اکاؤنٹ نہیں بنا سکتے، ہدایات جاری کریں‘، سپریم کورٹ نے مرکز کو دیا حکمسپریم کورٹ نے واضح کیا کہ بچوں کو انٹرنیٹ کا حق دینے کا مطلب ان کی آن لائن سیکورٹی کو نظر انداز کرنا نہیں ہے۔ بچوں کو جنسی استحصال، بدسلوکی اور دیگر آن لائن خطرات سے بچانا بھی ضروری ہے۔ اسی تناظر میں بنچ نے سوشل میڈیا پلیٹ فارم اور دیگر آن لائن خدمات کو بچوں کے جنسی استحصال اور بدسلوکی سے متعلق مواد (سی ایس ای اے ایم) کا پتہ لگانے اور اسے ہٹانے کے نظام کو مضبوط کرنے کی ہدایات دیں۔ اس کا مقصد بچوں کو انٹرنیٹ سے دور کیے بغیر انہیں آن لائن خطرات سے محفوظ رکھنے کے انتظامات کو بہتر بنانا ہے۔ اس فیصلے کے ذریعہ سپریم کورٹ نے بچوں کے ڈیجیٹل حقوق اور ان کی حفاظت کے درمیان توازن برقرار رکھنے کی ضرورت پر زور دیا ہے۔