பள்ளிக்கரணையில் விஷ வாயு தாக்கி தொழிலாளி உயிரிழந்தாா்.சென்னை பள்ளிக்கரணை விவேகானந்தா் நகா், 5-ஆவது தெருவில் உள்ள ஒரு தனியாா் அடுக்குமாடி குடியிருப்பில் கழிப்பறையில் இருந்து கழிவுநீா் தொட்டிக்குச் செல்லும் குழாயில் அடைப்பு ஏற்பட்டதைச் சரி செய்ய அந்தப் பகுதியைச் சோ்ந்த பிளம்பா் ராஜேஷ் (49), உத்தரமேரூா் சாலவாக்கத்தைச் சோ்ந்த கேசவன் (29) ஆகிய 2 பேரை திங்கள்கிழமை அழைத்தனா். இருவரும் கழிவுநீா் தொட்டி மூடியை திறந்து, அதில் கழிப்பறை குழாய் இணையும் இடத்தை ராஜேஷ் பாா்த்தபோது, கழிவுநீா் தொட்டியில் இருந்து வெளியேறிய விஷவாயு தாக்கி ராஜேஷ் மயங்கி விழுந்தாா். கேசவன், தொட்டிக்குள் இறங்கி ராஜேஷை தூக்க முயன்றதில் கேசவனும், சில நிமிஷங்களில் தொட்டிக்குள் மயங்கி விழுந்தாா்.இதைப் பாா்த்த குடியிருப்புவாசிகள், கழிவுநீா் தொட்டிக்குள் மயங்கி கிடந்த இருவரையும் மீட்டனா். இதில் சம்பவ இடத்திலேயே மூச்சுத் திணறல் ஏற்பட்டு கேசவன் உயிரிழந்தாா். ராஜேஷ் அங்குள்ள தனியாா் மருத்துவமனையில் சோ்க்கப்பட்டாா்.இது குறித்து பள்ளிக்கரணை போலீஸாா் வழக்குப் பதிவு செய்து, விசாரித்து வருகின்றனா்.