വേൾ‍ഡ് കപ്പിലെ നെതർലാൻഡ് സ്വീഡൻ മത്സരം ഓരോ നിമിഷം കഴിയുമ്പോഴും ആവേശത്തിരയിളക്കിയാണ് മുന്നോട്ട് നീങ്ങിയത്. ആദ്യ നിമിഷങ്ങളിൽ തന്നെ സ്വീഡനെതിരെ ആദ്യ ഗോളടിക്കാൻ നെതർലാൻഡ്സിന് സാധിച്ചു. അഞ്ചാം മിനുട്ടിലായിരുന്നു സ്വീഡനെതിരെ നെതർലാൻഡ്സ് ആദ്യ ഗോളടിച്ചത്. പിന്നീട് അധിക സമയം കാത്തിരിക്കാതെ പതിനേഴാം മിനുട്ടിൽ അടുത്ത ഗോളും പിറന്നു. തകർപ്പൻ താരം ബ്രയാൻ ബ്രോബറിയുടെ കാലിൽ നിന്നാണ് ആദ്യ രണ്ട് ഗോളുകൾ പിറന്നത്. കളത്തിലറങ്ങിയ വമ്പന്മാർ ആദ്യാവസാനം കളം വിടാതെ പൊരുതുകയായിരുന്നു.എന്നിരുന്നാലം ഒന്നിനെതിരെ അഞ്ച് ഗോളുകൾക്ക് നെതർലാൻഡ്സ് മത്സരം ജയിച്ചു. ഹാൾഫ് ‍ടൈം വരെ 2-0 എന്ന നിലയിൽ നിന്ന മത്സരം രണ്ടാം പകുതി കഴിഞ്ഞ് കയറിയ ഉടൻ തന്നെ മാറി മറിഞ്ഞു. നെതർലാൻഡ്സിൻ്റെ അടുത്ത ഗംഭീര ഗോളും സ്വീഡൻ്റെ ഗോൾ വല കുലുക്കി. കോഡി ഗാക്പോ ആയിരുന്നു 47ാം മിനുട്ടിൽ അടുത്ത ഗോൾ അടിച്ചത്. പിന്നീട് 54ാം മിനുട്ടിൽ അടുത്ത ഗോളും കോഡി ഗാക്പോ തന്നെ അടിച്ചു. സ്വീഡന് ആശ്വാസം പകർന്ന് കൊണ്ട് 59ാം മിനുട്ടിൽ ആൻ്റോണി എലാങ്ക ഗോളടിച്ചെങ്കിലും ഒരു ഗോളിൽ ഒതുങ്ങേണ്ടി വന്നു സ്വീഡന്.Also read: ആദ്യ പകുതിയിൽ കളം നിറഞ്ഞാടി നെതർലാൻഡ്സ് ; വിട്ടു കൊടുക്കാതെ സ്വീഡൻ: 2-0നാല് ഗോളുകളിൽ നെതർലാൻഡ് അവസാനിപ്പിക്കുമെന്ന് കരുതിയവരെ അമ്പരിപ്പിച്ചു കൊണ്ട് ക്രിസെൻസിയോ സമ്മർവില്ലെ 89ാം മിനുട്ടിൽ മനോഹരമായ ഒരു ഗോൾ കൂടി നേടി. മികച്ച പാസുകളും പ്രതിരോധ നിരയും കൊണ്ട് നെതർലാൻഡ്സ് വിസ്മയം തീർക്കുകയായിരുന്നു. എന്നാൽ നെതർലാൻഡ്സിനോട് ഇഞ്ചോടിഞ്ച് പൊരുതാൻ സ്വീഡനും സാധിച്ചു. മികച്ച പ്രകടനമാണ് ഇരു ടീമുകളും കാഴ്ചവെച്ചത്.The post പൊരുതിപ്പൊരുതി സ്വീഡൻ കാത്തിരിക്കാതെ നെതർലാൻഡ്സ് ; ഒന്നിനെതിരെ അഞ്ച് ഗോളുകൾ appeared first on Kairali News | Kairali News Live.