(21 جون 2026): اگر آپ کے پاس متحدہ عرب امارات (یو اے ای) کا رہائشی یا سیاحتی ویزا ہے اور آپ کو یقین نہیں کہ یہ اب بھی کارآمد ہے یا اس کی معیاد ختم ہونے والی ہے تو محکمہ امیگریشن کی جانب سے چند سیکنڈوں میں آن لائن ویزا اسٹیٹس چیک کرنے کی تیز رفتار سروسز موجود ہیں۔غیر ملکی میڈیا رپورٹس کے مطابق یو اے ای میں وفاقی اتھارٹی برائے شناخت، شہریت، کسٹمز اور پورٹ سکیورٹی (آئی سی پی) نے خطے کے غیر معمولی حالات سے متاثرہ افراد کیلیے 30 دن کی رعایتی مدت کا اعلان کیا ہے۔ اس مدت کے دوران متاثرہ افراد جرمانے کا سامنا کیے بغیر اپنے ویزا اسٹیٹس کو قانونی شکل دے سکتے ہیں یا یو اے ای سے روانہ ہو سکتے ہیں۔یہ بھی پڑھیں: دبئی جانا مزید آسان ہوگیا، ویزا کے حوالے سے بڑی پیشکشرعایتی مدت کی یہ مہلت 9 جولائی 2026 تک ہے، اور اس میں وہ افراد شامل ہیں جنہیں پہلے علاقائی حالات کی خرابی کی وجہ سے یو اے ای سے نہ جا پانے پر ویزا کی معیاد ختم ہونے کے جرمانوں سے استثنیٰ دیا گیا تھا۔اگر آپ کا ویزا حالیہ علاقائی حالات سے متاثر ہوا تھا اور آپ اسے اب تک قانونی شکل نہیں دے سکے ہیں، تو اپنا ویزا اسٹیٹس چیک کرنے کا طریقہ یہ ہے۔اگر آپ کا انٹری پرمٹ یا رہائشی ویزا دبئی سے جاری ہوا تھا، تو آپ اس کی معیاد جنرل ڈائریکٹوریٹ آف ریزیڈنسی اینڈ فارن افیئرز (GDRFA) دبئی کی آفیشل ویب سائٹ کے ذریعے چیک کر سکتے ہیں۔دبئی ویزا اسٹیٹس آن لائن چیک کرنے کے مراحل:GDRFA کی ویب سائٹ پر جائیں اور ہوم پیج سے ویزا اسٹیٹس سروس کا انتخاب کریں، وہاں تلاش کا طریقہ منتخب کریں کہ آپ اپنے ویزا کی تفصیلات کیسے ڈھونڈنا چاہتے ہیں (ایپلیکیشن نمبر، فائل نمبر، اوور دی کاؤنٹر سروس ایپلیکیشنز، خصوصی درخواستیں، اسٹیبلشمنٹ)مطلوبہ تفصیلات درج کریں، اپنے منتخب کردہ آپشن کے مطابق معلومات لکھیں (اگر آپ فائل نمبر استعمال کر رہے ہیں، تو آپ کو اپنا پہلا نام، فائل نمبر، شہریت اور تاریخ پیدائش فراہم کرنی ہوگی۔ فائل نمبر آپ کے یو اے ای کے رہائشی ویزا کی دستاویز پر مل سکتا ہے، جو یو اے ای پاس ایپ پر بھی دستیاب ہوتا ہے۔ سیاحوں کیلیے یہ فائل نمبر ان کے انٹری پرمٹ کی دستاویز پر موجود ہوتا ہے)کیپچا ویریفکیشن مکمل کریںسرچ پر کلک کریں تاکہ آپ کے ویزا کی تفصیلات سامنے آ جائیںاگر آپ کا وزٹ یا رہائشی ویزا ابوظہبی، شارجہ، عجمان، ام القوین، راس الخیمہ یا فجیرہ سے جاری ہوا ہے، تو آپ آئی سی پی کے ذریعے اپنا ویزا اسٹیٹس چیک کر سکتے ہیں جس کا طریقہ یہ ہے:آئی سی پی کے آن لائن سروسز پلیٹ فارم پر جائیںمینو سے پبلک سروسز کا انتخاب کریں، پھر فائل ویلیڈیٹی پر کلک کریںتلاش کا طریقہ منتخب کریں (فائل نمبر، پاسپورٹ کی معلومات)اپنے ویزا کی قسم منتخب کریں (رہائشی ویزا کیلیے Residency منتخب کریں، وزٹ ویزا کیلیے ویزا منتخب کریں)ان میں سے کوئی ایک تفصیل لکھیں (یونیفائیڈ آئی ڈی نمبر، فائل نمبر جو ویزا اسٹیکر یا ای ویزا پر ہوتا ہے، ایمریٹس آئی ڈی نمبر، پاسپورٹ نمبر)اپنی تاریخ پیدائش درج کریںکیپچا ویریفکیشن مکمل کریںسرچ پر کلک کریںجب سرچ مکمل ہو جائے گی، تو سسٹم آپ کو یہ تفصیلات دکھائے گا (فائل نمبر، یونیفائیڈ آئی ڈی نمبر، ویزا فائل اسٹیٹس، ویزا جاری ہونے کی تاریخ، ویزا ختم ہونے کی تاریخ)