کویت کی عدالت نے فنڈز اسکینڈل کیس میں ‘شاہی افسر’ کو 3 سال قید کی سزا سنادی۔روزنامہ السیاسہ کے مطابق عدالت نے شیخ طلال الخالد کو دو مقدمات میں تین سال قید کی سزا سنائی، اور سزاؤں کو یکجا کرنے کا حکم دیا تاکہ قابل اطلاق سزا تین سال کی سخت مشقت اور 3,000 کویتی دینار جرمانے کے ساتھ بن جائے۔عدالت نے قبل ازیں شیخ طلال الخالد کی طرف سے وزراء کی عدالت کے جاری کردہ فیصلے کے خلاف جمع کرائی گئی اپیل پر فیصلہ محفوظ کر لیا تھا، جس میں ان سے وزارت داخلہ اور دفاع کے بجٹ سے خرچ کی گئی رقم کی واپسی کا کہا گیا تھا۔وزراتی عدالت نے اس سے قبل شیخ طلال الخالد کو مجرم قرار دیا تھا اور انہیں 14 سال قید کی سزا سنائی تھی۔- ہر معاملے میں سات سال جبکہ انہیں KD 10 ملین واپس کرنے اور تقریباً 20 ملین KD کا اضافی جرمانہ عائد کرنے کا بھی حکم دیا تھا۔یہ الزامات دفاع اور داخلہ کی وزارتوں کے بجٹ سے فنڈز کے مبینہ غبن اور منی لانڈرنگ سے متعلق تھے۔اپنے تازہ ترین فیصلے کے ساتھ، عدالت نے شیخ طلال الخالد کو ہر معاملے میں تین سال قید کی سزا سنا کر کیس بند کر دیا ہے۔