චීන ජනාධිපති ෂී ජින්පිං මහතා උතුරු කොරියානු කම්කරු පක්ෂයේ මධ්‍යම කාරක සභාවේ දේශපාලන කාර්යාංශයේ ස්ථාවර කමිටු සාමාජික, රාජ්‍ය මණ්ඩලයේ උප සභාපති, අගමැති Pak Thae-song මහතා හමු විය. ඒ, ඊයේ(10) පස්වරුවේ බෙයිජිංහි මහජන මහා ශාලාවේදීය. ඉකුත් මාසයේ තම උතුරු කොරියානු සංචාරය අතරතුරදී දෙරටේ සාම්ප්‍රදායික මිත්‍රත්වය තහවුරු කරමින්, කාලානුරූපිව එය නව මාවතකට අවතීර්ණ කරවීම සඳහා උපායමාර්ගික මග පෙන්වීමක් ගොඩනැගීමට තමාටත්, කිම් ජොන්-උන් මහාලේකම්වරයාටත් හැකි වූ බව ෂී ජින්පිං මහතා එහිදී සිහිපත් කළේය. ‘චීනය සහ උතුරු කොරියාව අතර මිත්‍රත්වය, සහයෝගීතාවය සහ අන්‍යෝන්‍ය සහයෝගය පිළිබඳ ගිවිසුම’ යනු දෙරටේ ජනතාව අතර රුධිරයෙන් ගොඩනැගුණු මිත්‍රත්වය සඳහා තීරණාත්මක දේශපාලන හා නෛතික බැඳීමකි. එම ගිවිසුම අත්සන් කිරීමේ 65 වන සංවත්සරය නිමිති කර ගෙන දෙරටේ ජනතාවට මෙම සාම්ප්‍රදායික මිත්‍රත්වය ඉදිරියට ගෙනයාමට මඟ පෙන්වමින් අද්‍යතන ද්විපාර්ශ්වික සම්බන්ධතාවයට නව ජීවයක් ලබා දීමට උත්සාහ කිරීමට තමා සහ කිම් ජොන්-උන් මහාලේකම්වරයා එකඟ වූ බව ද ෂී ජින්පිං මහතා පවසා ඇත.The post චීන ජනපති සහ උතුරු කොරියානු අගමැති අතර හමුවක් appeared first on Siyatha News.