మ్యూజిక్ డైరెక్టర్‌గా తమన్ ఎంత బిజీగా ఉంటున్నాడో అందరికీ తెలిసిందే. అలాంటి తమన్ ఓ మూవీని ఒప్పుకుని నటించాడు అంటే తెలుగు ప్రేక్షకులకు ఓ అంచనా ఏర్పడుతుంది. అలాంటి తమన్, అథర్వా, ప్రీతి ముకుందన్, కయాదు లోహర్, నిహారిక ఎన్ఎం, మాళవిక మోహనన్ కలిసి నటించిన ‘’ సినిమా మీద తెలుగు ఆడియెన్స్‌కి ఇంట్రెస్ట్ ఏర్పడింది. మరి ఈ మూవీ ఎలా ఉంది? అన్నది ఓ సారి చూద్దాం.కథహృదయ్‌(అథర్వా మురళీ)కి మామయ్యే (నటరాజన్) లోకం. హృదయ్‌ని అమ్మానాన్నలు లేని లోటు తెలియకుండా పెంచి పెద్ద చేస్తాడు. హృదయ్ చిన్నతనం నుంచి తన ప్రేమను లోపలే దాచుకుంటాడు.బయటకు ఎక్స్‌ప్రెస్ చేయడం రాదు. తన ప్రేమ విషయాన్ని ప్రేమించిన అమ్మాయిలకు చెప్పలేకపోతుంటాడు. దీంతో అతడి మామయ్య చివరకు ఓ పెళ్లి ఫిక్స్ చేస్తాడు. హైదరాబాద్‌లో పెళ్లి పెట్టుకుని.. న్యూయార్క్‌కి బ్యాచ్‌లర్ పార్టీ అని వెళ్తాడు. ముహూర్తం దగ్గర పడుతుంటే అప్పుడు తాపీగా ఫ్రెండ్స్‌తో కలిసి న్యూయార్క్ నుంచి హైదరాబాద్‌కి బయల్దేరుతాడు. ఈ మార్గమధ్యలో తోటి ప్రయాణీకుడైన సూర్య (ఫహాద్ ఫాజిల్)కి ఆ మిత్రబృందం ఈ హృదయ్ ప్రేమ కథల్ని, విషాద గాథల్ని వివరిస్తుంటారు. హృదయ్ జీవితంలో గీతా మిస్ (జొనితా గాంధీ), సమంత-సంయుక్త (ప్రీతి ముకుందన్), అముద (కయాదు లోహర్), అదితి (మాళవిక మోహనన్) పాత్రలకు ఉన్న ప్రాముఖ్యత ఏంటి? అసలు పెళ్లి పెట్టుకుని న్యూయార్క్‌కి ఎందుకు వెళ్తాడు? వచ్చాక ఏం జరుగుతుంది? ప్రతీ సారి ప్రేమలో హృదయ్ ఎందుకు వెనకబడతాడు? చివరకు హృదయ్ ఎవరిని పెళ్లి చేసుకున్నాడు? అన్నది తెలియాలంటే సినిమా చూడాల్సిందే.90స్ కిడ్స్‌ ఎమోషన్స్‌ని పట్టుకుని ఓ కథను రాసినట్టుగా అనిపిస్తుంది. కానీ కథలో క్లారిటీ లేకుండా పోయినట్టు కనిపిస్తుంది. ప్రేమించిన విషయాన్ని ఎందుకు చెప్పలేకపోతాడు.. ప్రేమ జంట విడిపోడానికి కారణం ఏంటి? ఎందుకు సడెన్‌గా దూరం అవుతారు.. ఎందుకు వారి మధ్య కాంటాక్ట్ ఉండదు.. ఇలాంటి విషయాల్ని, లాజిక్స్‌ని పూర్తిగా వదిలేసినట్టు అనిపిస్తుంది. అసలు ఎమోషనల్ కనెక్టివిటీ అనేది ఎక్కడా లేకుండా దర్శకుడు కథను అల్లినట్టుగా ఉంటుంది. హీరోకి ఉన్న సమస్య ఏంటి? ఎందుకు అలా వెనుకడుగు వేస్తూనే ఉంటాడు? అన్నది అర్థం కాదు.ఫస్ట్ హాఫ్ ప్రారంభం కాస్త డల్‌గా ఉంటుంది. ఒక్కసారి హీరో ఫ్లాష్ బ్యాక్‌లోకి కథ వెళ్లిన తర్వాత చాలా వరకు ఎంటర్టైనింగ్‌గా ఉంటుంది. స్కూల్ పిల్లలు, కాలేజ్ విషయాలు, క్రికెట్ ఆట చుట్టూ కొన్ని సీన్లు బాగానే అనిపిస్తాయి. హీరో అండ్ గ్యాంగ్ చేసే కామెడీ బాగుంటుంది. ఇక లవ్ ట్రాక్ విషయంలోనూ కొత్తదనం ఏమీ కనిపించదు. ఇద్దరు కవలల్ని ఒక్కరిగానే భావించి ప్రేమించడం, చివరకు ఇద్దరు ఉన్నారని తెలుసుకుని ఆ ట్రాక్ నుంచి హీరో దూరం అవ్వడంతో మరో చాఫ్టర్ మొదలవ్వడం ఇదంతా బాగానే ఉంటుంది. ఇక సచిన్ (తమన్), ల్యూడో (నిహారిక), అముద (కయాదు) పాత్రలు ఎంట్రీ ఇచ్చాక కథ మరింత ఇంట్రెస్టింగ్‌గా మారుతుంది. కానీ అముద, హృదయ్ ట్రాక్ అంతగా వర్కౌట్ కాలేదనిపిస్తుంది. ఎందుకు దూరంగా వెళ్లిపోతారు? ప్రేమ విషయాన్ని ఎందుకు చెప్పలేదు అన్నది అర్థం కాదు. అలా ఇంటర్వెల్ బ్లాక్ కూడా కొత్తగా ఏమీ అనిపించదు.సెకండాఫ్‌లోనూ కథ మళ్లీ కొత్తగా టర్న్ తీసుకుంటుందని ఆడియెన్స్ అనుకుంటారు. కానీ మళ్లీ కథ అక్కడక్కడే తిరిగినట్టు అనిపిస్తుంది. ఎక్కడా ఎమోషన్స్ వర్కౌట్ కాకపోవడం మైనస్‌గా చెప్పుకోవచ్చు. సచిన్ పెళ్లి చుట్టూ తిరిగే ఎపిసోడ్, మళ్లీ ఫ్రెండ్స్ అంతా కలిసి చేసే అల్లరి, బ్యాచ్‌లర్ పార్టీ అంటూ న్యూయార్క్‌లో చేసిన సీన్స్ కాస్త ఎంగేజింగ్‌గానే అనిపిస్తాయి. ప్రీ క్లైమాక్స్, క్లైమాక్స్‌లో వచ్చే చిన్న చిన్న ఫన్నీ ట్విస్టుల్ని కూడా ఆడియెన్స్ గెస్ చేసేయొచ్చు. అలా సినిమా పూర్తి అయ్యే సరికి ఏదో ఒక అసంతృప్తి అయితే ప్రేక్షకుడి మనసులో ఉంటుంది.ప్రేమ కథలు వర్కౌట్ అవ్వాలంటే.. ఎమోషన్స్ చాలా ఇంపార్టెంట్. మరీ ముఖ్యంగా ప్రేమికుల మధ్య వచ్చే సంఘర్షణ ఆడియెన్స్‌ని కట్టి పడేయాలి. అసలు ఈ మూవీలో అలాంటి ఓ కట్టి పడేసే కాన్ ఫ్లిక్ట్ ఏమీ కనిపించదు. హీరో ఎందుకు అలా మౌనంగా ఉండిపోతాడు అన్నది కూడా క్లారిటీ రాదు.. అముద పాత్ర ఒక్కసారిగా ఎందుకు కనిపించకుండాపోతుందో అర్థం కాదు.. ఇలాంటి ఎన్నో విషయాల్లో ప్రేక్షకుడు డిస్ కనెక్ట్ అయ్యే అవకాశం ఉంది.టెక్నికల్‌గా చూసుకుంటే ఈ సినిమాలో విజువల్స్ బాగుంటాయి. తమన్ మ్యూజిక్ మాత్రం ఆకట్టుకోదు. ఒక్క పాట కూడా వినసొంపుగా అనిపించదు. బీజీఎం కూడా ఓకే అనిపిస్తుంది. మాటలు కూడా అంత హత్తుకునేలా ఉండవు. ప్రొడక్షన్ వ్యాల్యూస్ కూడా సోసోగానే అనిపిస్తాయి. ఎడిటింగ్ కూడా పర్లేదు. ఉన్న ఒక్క యాక్షన్ సీక్వెన్స్ ఓకే అనిపిస్తుంది.ఆర్టిస్టుల పర్ఫామెన్స్‌లో అథర్వా ఓకే అనిపిస్తాడు. మన తమన్‌కి సెకండ్ హీరో అని చెప్పి ఒప్పించి ఉంటాడు. హీరోగా కాకుండా కమెడియన్‌గా తమన్ కనిపిస్తాడు. తమన్ అక్కడక్కడా నవ్విస్తాడు. కయాదు పాత్ర మధ్యలోనే మాయం అవుతుంది. ఉన్నంతలో మెప్పిస్తుంది. ప్రీతి ముకుందన్ మరొక్కసారి తన గ్లామర్, అందం, అభినయంతో ఆకట్టుకుంటుంది. నిహారిక ఓకే అనిపిస్తుంది. జొనితా గాంధీకి ఆ లుక్ ఏ మాత్రం సెట్ కాలేదనిపిస్తుంది. నటరాన్, ఆడుకాలమ్ నరేన్, మాళవిక పాత్రలు మెప్పిస్తాయి. అసలు ఇలాంటి పాత్రల్ని ఫహాద్ ఫాజిల్ ఎలా ఒప్పుుకున్నాడా? అని సందేహం కలుగుతుంది. మిగిలిన ఫ్రెండ్స్ కారెక్టర్‌లో అందరూ చక్కగా నటిస్తారు.చివరగా ‘హృదయం మురళీ’లో సోల్ మిస్ అయినట్టుగా అనిపిస్తుంది. ఎమోషనల్‌గా కనెక్ట్ కాకపోయినా కొన్ని చోట్ల కామెడీ, కాస్త వినోదం సరిపోతుంది అని అనుకునే వారికి ఈ సినిమాని ఆప్షన్‌గా పెట్టుకోవచ్చు.