Tax Free Income: మనదేశంలో పరిమితికి మించి సంపాదిస్తుంటే ప్రభుత్వానికి పన్ను కట్టాలి. ఆదాయపు పన్ను చట్టంలోని కొత్త పన్ను విధానంలో రూ.12 లక్షల వరకు ఎలాంటి ట్యాక్స్ పడదు. సాధారణంగా వ్యవసాయ ఆదాయంపై పన్ను ఉండదని అందరికీ తెలుసు. కానీ, దానితో పాటు జీరో ట్యాక్స్ పరిధిలోకి వచ్చే మరికొన్ని అద్భుతమైన మార్గాలు ఉన్నాయి. ఈ జీరో ట్యాక్స్ రూల్ ఎక్కడో కాదు మన దేశంలోనే. ఈ 2026లో మీరు ఎలాంటి ట్యాక్స్ కట్టక్కుండానే ఎంతైనా సంపాదించుకోవచ్చు. మరి ఆ వివరాలు ఈ కథనం ద్వారా తెలుసుకుందాం.1. వ్యవసాయ ఆదాయంఆదాయపు పన్ను చట్టం 1961లోని సెక్షన్ 10 (1) ప్రకారం భారతదేశంలో వ్యవసాయం ద్వారా వచ్చే ఆదాయంపై ఎలాంటి పన్ను విధించరు. అయితే, ఇతర వ్యాపార ఆదాయాలతో కలిపినప్పుడు దీనికి కొన్ని ప్రత్యేక లెక్కింపు సూత్రాలు వర్తిస్తాయి. వ్యవసాయ భూమిని అద్దెకు ఇచ్చినా, స్వయంగా సాగు చేసినా ఆ ఆదాయం ట్యాక్స్ పరిధిలోకి రాదు.2. పీపీఎఫ్, ఈపీఎఫ్ ఆదాయంపబ్లిక్ ప్రావిడెంట్ ఫండ్, ఎంప్లాయీస్ ప్రావిడెంట్ ఫండ్ ఖాతాల మెచ్యూరిటీ సమయంలో లేదా విత్ డ్రాయల్స్ సమయంలో వచ్చే వడ్డీ, అసలు పై పూర్తి పన్ను మినహాయింపు ఉంటుంది. ఈ రెండు కేటగిరీలో EEE పన్ను మినహాయింపు కేటగిరీలోకి వస్తాయి. పెట్టుబడి, దానిపై వచ్చే వడ్డీ, మెచ్యూరిటీ మొత్తం మినహాయింపు ఇస్తారు. ఉద్యోగులు పీఎఫ్ ఖాతా ప్రారంభించిన 5 ఏళ్ల తర్వాత విత్ డ్రా చేస్తే మినహాయింపు లభిస్తుంది.3. గ్రాట్యుటీ, లీవ్ ఎన్‌క్యాష్మెంట్ప్రభుత్వ, ప్రైవేట్ రంగ ఉద్యోగులు రిటైర్మెంట్ సమయంలో లేదా ఉద్యోగానికి రాజీనామా చేసినప్పుడు నిబంధనలకు లోబడి అందుకునే గ్రాట్యుటీ, లీవ్ ఎన్ క్యాష్మెంట్ మొత్తాలపై నిర్దిష్ట పరిమితి వరకు పన్ను మినహాయింపు ఉంటుంది. ప్రభుత్వ ఉద్యోగులకు ఇది పూర్తిగా పన్ను రహితం.4.వారసత్వ సంపద, కానుకలుతల్లిదండ్రుల నుంచి వారసత్వంగా వచ్చే ఆస్తులు, విల్ ద్వారా సంక్రమించే డబ్బుపై ఎలాంటి పన్ను ఉండదు. అలాగే పెళ్లి సమయంలో బంధువుల నుంచి వచ్చే గిఫ్టులపై కూడా పన్ను మినహాయింపు వర్తిస్తుంది.5. స్కాలర్‌షిప్‌లు, విద్యా పురస్కారాలువిద్యార్థులు వారి చదువుల నిమిత్తం కేంద్ర, రాష్ట్ర ప్రభుత్వాలు, గుర్తింపు పొందిన సంస్థల నుంచి పొందే ఉపకారవేతనాలు, ఫెలోషిప్‌లపై సెక్షన్ 10 (16) కింద 100 శాతం పన్ను మినహాయింపు ఉంటుంది. పాఠశాల స్థాయి నుంచి విదేశీ విద్య వరకు ఈ ట్యాక్స్ రిలీఫ్ వర్తిస్తుంది.6. భాగస్వామ్య సంస్థల నుంచి లాభాలుమీరు ఏదైనా భాగస్వామ్య కంపెనీలో భాగస్వామిగా ఉంటే ఆ కంపెనీకి వచ్చే లాభాల్లో మీ వాటాపై మీరు వ్యక్తిగతంగా ట్యాక్స్ చెల్లించాల్సిన అవసరం ఉండదు. ఎందుకంటే ఆ కంపెనీ ట్యాక్స్ చెల్లిస్తుంది. మీకు వచ్చే వాటా పూర్తిగా పన్ను రహితంగా మారుతుంది.7. లైఫ్ ఇన్సూరెన్స్ మెచ్యూరిటీమొత్తం బోనస్ తో కలిసి పన్ను రహితం. అంటే ఎలాంటి ట్యాక్స్ కట్టాల్సిన పని లేదు. మీ వార్షిక ప్రీమియం పాలసీ హామీ మొత్తంలో 10 శాతం కంటే తక్కువగా ఉన్నప్పుడు ఈ నిబంధన వర్తిస్తుంది.మీ ఆర్థిక ప్రణాళికలో పైన చెప్పిన అంశాలు చేర్చుకోవడం వల్ల మీరు చట్టబద్ధంగా పన్ను భారం తగ్గించుకోవచ్చు. ఈ మినహాయింపులు పొందడానికి సరైన రికార్డులు, డాక్యుమెంట్లు భద్రపరుచుకోవాల్సి ఉంటుంది. పెద్ద మొత్తంలో ఆదాయం వస్తే ఇన్‌కమ్ ట్యాక్స్ విభాగం ఆధారాలు చూపించాలని నోటీసులు పంపించవచ్చు. అప్పుడు ఏ విధంగా ఆదాయం వచ్చిందో చూపించే డాక్యుమెంట్లు మీ వద్ద ఉండాలి. లేకపోతే మీ డబ్బు మొత్తం కోల్పోవడంతో పాటు భారీగా పెనాల్టీ పడుతుంది. కొన్నిసార్లు చట్టపరమైన చర్యలు ఎదుర్కోవాల్సి వస్తుంది.