: భవిష్యత్తు అవసరాల కోసం ప్రతి నెలా క్రమశిక్షణతో పెట్టుబడి పెట్టడం ఒక మంచి అలవాటు. మార్కెట్లో ప్రస్తుతం అందుబాటులో ఉన్న పెట్టుబడి సాధనాల్లో సిస్టమేటిక్ ఇన్వెస్ట్‌మెంట్ ప్లాన్స్ (SIP), రికరింగ్ డిపాజిట్‌లు (RD) అత్యంత ప్రజాదరణ పొందిన వాటిల్లో ఒకటిగా ఉన్నాయి. ఇందులో ఇస్తుంటే, మరొకటి రికరింగ్ డిపాజిట్ అనేది ఎలాంటి రిస్క్ లేకుండానే స్థిరమైన వడ్డీ అందిస్తుంది. మరి మీరు ఇక్కడ వీటిల్లో ప్రతి నెలా రూ. 20 వేల చొప్పున ఆదా చేస్తూ వీటిల్లో పెట్టుబడి పెడితే గనుక సగటున ఎంత శాతం అంచనా రాబడితో రిటర్న్స్ లెక్కలు ఎలా ఉంటాయో తెలుసుకుందాం. ఇక్కడ సిప్ అంటే అంతా ఒకటే ఉంటుంది. ఇక్కడ గ్యారెంటీ రిటర్న్స్ ఏం ఉండవు. కానీ సగటున చాలా వరకు ఈక్విటీ మ్యూచువల్ ఫండ్స్ చూస్తే 12 శాతం వరకు వార్షిక రాబడి ఇస్తుంటాయని నిపుణులు చెబుతుంటారు. 12 శాతం కచ్చితంగా ఉండదు కాబట్టి మనం 6 నుంచి 12 శాతం వరకు రాబడి ఎలా ఉంటుందో చూద్దాం. అదే ఆర్‌డీ విషయానికి వస్తే పోస్టాఫీసులో ఐదేళ్ల కాలానికి ఆర్‌డీ మాత్రమే ఉండగా ఇక్కడ వడ్డీ రేటు 6.7 శాతంగా ఉంది. ఇక స్టేట్ బ్యాంక్ ఆఫ్ ఇండియాలో ఇదే ఐదేళ్ల వ్యవధికి రికరింగ్ డిపాజిట్ వడ్డీ రేటు 7.05 శాతంగా ఉంది. మ్యూచువల్ ఫండ్ సిప్‌లో నెలకు రూ. 20 వేల చొప్పున ఐదేళ్ల పాటు సిప్ చేస్తే మొత్తం రూ. 12 లక్షలు పెట్టుబడిగా ఉంటుంది. ఇక్కడ 12 శాతం అంచనా రాబడితో చూస్తే ఐదేళ్లలో రూ. 4,22,072 లాభం వస్తుంది. అదే 8 శాతం అంచనా రాబడితో చూస్తే లాభం రూ. 2,68,280 గా ఉంటుంది. మరీ మార్కెట్ భారీ నష్టాల్లో ఉందనుకుంటే అప్పుడు 6 శాతం రిటర్న్స్ లెక్కన చూస్తే దాదాపు రూ. 1,96,480 వడ్డీ వస్తుంది. ఇతర చొప్పున అదే నెలనెలా రూ. 20 వేలు జమ చేస్తూ పోతే ఐదేళ్లకు వడ్డీ రాబడి రూ. 2,40,553 వస్తుంది.పోస్టాఫీస్ ఐదేళ్ల ఆర్‌డీలో చూస్తే 6.70 శాతం వడ్డీ రేటు లెక్కన రూ. 20 వేల చొప్పున జమ చేస్తూ పోతే రూ. 2,27,315 వడ్డీ అందుతుంది. ఇక్కడ గమనిస్తే మ్యూచువల్ ఫండ్ సిప్ విధానంలో అధిక రాబడి వస్తుందని అర్థం అవుతుంది. మరి వీటిల్లో ఏది ఎంచుకోవాలి?లాంగ్ రన్‌లో ద్రవ్యోల్బణాన్ని అధిగమించి భారీ లాభాలు ఇవ్వగల సామర్థ్యం సిప్‌కు ఉంటుంది. స్థిరంగా రిటర్న్స్ ఉండవు. మార్కెట్ భారీగా క్రాష్ అయితే రాబడి తక్కువగా ఉండొచ్చు.బ్యాంక్ లేదా పోస్టాఫీస్ ఆర్‌డీ అనేది 100 శాతం గ్యారెంటీ, సేఫ్ రిటర్న్స్ ఇస్తుంది. వడ్డీ రేట్లు కాస్త తక్కువగా ఉండటం వల్ల దీర్ఘకాలంలో ఇక్కడ పెద్దగా సంపద సృష్టి జరగదు.చివరగా మీకు ఐదేళ్ల తర్వాత మీ పెట్టుబడిపై కాస్త ఎక్కువగా గ్యారెంటీ రిటర్న్స్ రావాలంటే, రిస్క్ వద్దనుకుంటే ఆర్‌డీ అనేది బెస్ట్ ఆప్షన్. అదే మార్కెట్ రిస్క్ తీసుకుంటాను, ఎక్కువ లాభాలు కావాలి అనుకుంటే ఐదేళ్ల కాలానికి హైబ్రిడ్ లేదా ఈక్విటీ మ్యూచువల్ ఫండ్స్‌లో సిప్ చేయడం మంచిది. గమనిక: పైన ఇచ్చింది సమాచారం మాత్రమే. పెట్టుబడికి సిఫార్సు కాదు. సిప్ విధానంలో రిస్క్ ఉంటుందని గుర్తుంచుకోవాలి. ఇక్కడ ఆర్థిక నిపుణుల నుంచి సలహాలు తీసుకుంటూ పెట్టుబడులు పెట్టడం వల్ల పెద్దగా రిస్క్ లేకుండానే మంచి రిటర్న్స్ అందుకునేందుకు అవకాశం ఏర్పడుతుంది.