کرناٹک کے وزیر اعلیٰ ڈی کے شیوکمار نے امریکی صدر ڈونالڈ ٹرمپ کی ایک تجویز کو لے کر بڑا دعویٰ کیا ہے۔ انہوں نے کہا کہ کانگریس حکومت کے گارنٹی منصوبوں کی نقل پہلے ملک کی کئی ریاستوں نے کی۔ اب امریکہ میں بھی اسی طرح کے منصوبے کی بات ہو رہی ہے۔ شیوکمار نے دعویٰ کیا کہ ٹرمپ کی جانب سے ہر بالغ امریکی کو 5000 ڈالر دینے کی تجویز کرناٹک کی کانگریس حکومت کے گارنٹی ماڈل جیسی ہے۔ انہوں نے کہا کہ مہاراشٹر، مدھیہ پردیش، راجستھان اور بہار نے کرناٹک کے منصوبوں کو اپنایا۔ اب ٹرمپ بھی اسی ماڈل کی جانب بڑھ رہے ہیں۔Karnataka Chief Minister DK Shivakumar said that US President Donald Trump's proposed $5,000 dividend for Americans mirrors the Congress government's guarantee schemes in Karnataka. He said welfare schemes from Karnataka have been copied by Maharashtra, Madhya Pradesh, Rajasthan,… pic.twitter.com/OYqC94oIpO— IndiaToday (@IndiaToday) September 14, 2026واضح رہے کہ وزیر اعلیٰ شیوکمار کا یہ بیان ٹرمپ کی اس تجویز کے حوالے سے آیا ہے، جس میں انہوں نے امریکی شہریوں کو 5000 ڈالر (تقریباً 4.79 لاکھ روپے) کا ڈیویڈنڈ دینے کی بات کہی ہے۔ ٹرمپ نے یہ تجویز ریپبلکن پارٹی کی ایک کانفرنس میں پیش کی تھی۔ ٹرمپ نے کہا تھا کہ اگر نومبر میں ہونے والے وسط مدتی انتخاب میں ریپبلکن پارٹی امریکی ایوان نمائندگان اور سینیٹ، دونوں میں اپنا کنٹرول برقرار رکھتی ہے تو ہر بالغ امریکی کو یہ رقم دی جا سکتی ہے۔ حالانکہ اس منصوبے کی مکمل تفصیلات ابھی سامنے نہیں آئی ہیں۔ ٹرمپ نے اسے امریکہ کی اقتصادی کامیابی سے جوڑ کر پیش کیا تھا۔ انہوں نے یہ بھی کہا تھا کہ ملنے والی رقم امریکہ کے اندر ہی خرچ کرنی ہوگی۔وسط مدتی انتخاب سے قبل ٹرمپ نے کیے بڑے وعدے، ہر امریکی کو دیں گے 5000 ڈالر، الیکشن کے بعد ایران سے ہوگی جنگ بندی!ڈی کے شیوکمار نے ٹرمپ کی تجویز پر کہا کہ یہ ظاہر کرتا ہے کہ کانگریس حکومت کے گارنٹی منصوبوں سے وابستہ خیالات اب صرف ہندوستان تک محدود نہیں ہیں، بلکہ دنیا کے دوسرے حصوں میں بھی شناخت مل رہی ہے۔ انہوں نے کہا کہ یہ کانگریس پارٹی کی طاقت ہے۔ کانگریس حکومت کے فلاحی ماڈل پر اب دنیا کی نظر ہے۔ پوری دنیا ہندوستان کے آئین اور کانگریس کے اصولوں پر بھی توجہ دے رہی ہے۔ دراصل کرناٹک میں کانگریس حکومت 2023 میں اقتدار میں آئی تھی۔ اس کے بعد حکومت نے کئی گارنٹی منصوبے شروع کیے۔ ان کو کانگریس نے اپنے انتخابی وعدوں کا حصہ بنایا تھا۔ ان میں سرکاری بسوں میں خواتین کے لیے مفت سفر کا منصوبہ شامل ہے۔ اس کے علاوہ خاندان کی خاتون سربراہ کو ہر ماہ مالی امداد دی جاتی ہے۔ اہل خاندانوں کو ایک مقررہ حد تک مفت بجلی دینے کا منصوبہ بھی ہے۔ حکومت کے منصوبوں میں ضرورت مند خاندانوں کو غذائی اجناس کی امداد اور بے روزگار گریجویٹس اور ڈپلومہ ہولڈرز کو مالی مدد بھی شامل ہے۔ ڈی کے شیوکمار مسلسل ان منصوبوں کو کانگریس کے فلاحی ماڈل کے طور پر پیش کرتے رہے ہیں۔